2. Rajengro liil 7:9 - O Debleskro Drom 2021 (Sinte)

⁹ Koi penas jek ap o wawareste: “Kowa hi gar mishto, hoi mer krah. Kai diwes hi i baro diwes. Men hi latche laba te penell. Te rikrah mer kal laba menge un penah len gar dureder bis te well taissarlakro, palle anah doosh ap mende. Awenn, mer djah pale an o foro pash o baro rajeste, te penas kote, hoi djas.”

O Debleskro Lab 2024 (Sinte-Manouche)

⁹ Koy penas yek ap o vavareste: “Kova hi gar mishto, hoy mer krah. Kay dives hi i baro dives. Men hi lače laba te penell. Te rikrah mer kal laba menge oun penah len gar doureder bis te vell taysarlakro, palle anah doosh ap mende. Avenn, mer djah pale an o foro pash o baro rayeste, te penas kote, hoy djas.”

2. Rajengro liil 7:9 ပူးပေါင်းရင်းမြစ်များ

2. Rajengro liil 5:4

Koi djas o Naaman pash peskro rajeste dren un penas leske, hoi koi terni tchai dran Israel rakras.

2. Rajengro liil 7:10

Un jon djan pale pale pash o foro, dan kolen gole, kai denn garda ap o foreskro wudar, un penan lenge: “Mer wam pash koi platsa, kai kol Syrarja his. Koi his kek, un kek menshes shunam. Kol graja un burika his koi an-pandlo un kol plachtene khera koi tardo.”

2. Rajengro liil 7:3

Glan ko foreskro wudar his star mursha, kolen i djungelo nasslepen ap pengro mass hi. Un jek penas ap o wawareste: “Hoske atchas mer kai bis te merah?

2. Rajengro liil 7:6

O baro Dewel kras, te shunenn kol Syrarja i bari gole, har te wenn bud lurde grajentsa un kurepangre wurdjentsa. Un jon rakran jek ap o wawareste: “Shunenn, ko baro rai pral Israel tchiwas pes khetne kol bare rajentsa pral kol Hetarja un pral kol Egiptarja, te perenn le khetne pral mende.”

2. Rajengro liil 7:8

Kol mursha, kai nasselo ap pengro mass hi, wan glan ap koi platsa, djan an jek plachteno kheer, chan, pijan un lan rup, sonakai un koola, djan krik un khatran kowa, wan pale, djan an i wawar plachteno kheer, lan lauter win un khatran kowa ninna.

Gosewe laba 24:16

Kowa, kai an o tchatchepen tardo hi, nai perell efta kope, hako kopo stell lo pale pre. I tchilatche perenn an i bibacht.

Jesaja 41:27

Me homs o glanstuno, kai penom ap i menshende ap i berga Zion: Dikenn, kote wenn le. Un me bitchrom i bitchepaskres an o foro Jerusalem, te penell lo lenge kal laba.

Jesaja 52:7

Har shukar hi, te well kowa pral i berge, kai penell menge latcho newo koowa, un penell: Hi buder kek kurepen. I latcho tsiro was. Tumer han buder gar pandlo. Un ap mende an Zion penell lo: Tiro Dewel hi o baro rai!

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.

Louka 2:10

Un o bolepaskro penas ap lende: “Ma darenn! I bari bacht well ap tumende, un ap i tsele menshende.

Filiparja 2:4

Kek te dikell ap peste kokres, te djal leske mishto! Job te dikell ninna ap ko wawareste, te djal koleske ninna mishto!