2. Rajengro liil 7:8 - O Debleskro Drom 2021 (Sinte)

⁸ Kol mursha, kai nasselo ap pengro mass hi, wan glan ap koi platsa, djan an jek plachteno kheer, chan, pijan un lan rup, sonakai un koola, djan krik un khatran kowa, wan pale, djan an i wawar plachteno kheer, lan lauter win un khatran kowa ninna.

O Debleskro Lab 2024 (Sinte-Manouche)

⁸ Kol morsha, kay nasselo ap pengro mass hi, van glan ap koy platsa, djan an yek plarhteno kheer, rhan, piyan oun lan roup, sonakay oun koola, djan krik oun khatran kova, van pale, djan an i vavar plarhteno kheer, lan lauter vin oun khatran kova ninna.

2. Rajengro liil 7:8 ပူးပေါင်းရင်းမြစ်များ

2. Rajengro liil 5:24

Un har o Gehasi pash koi tikni berga was, kai o Elisa djiwell, las job kowa dran lengre wasta un tchiwas ko koowa an o kheer ap i rig, un bitchras kol murshen pale.

2. Rajengro liil 7:9

Koi penas jek ap o wawareste: “Kowa hi gar mishto, hoi mer krah. Kai diwes hi i baro diwes. Men hi latche laba te penell. Te rikrah mer kal laba menge un penah len gar dureder bis te well taissarlakro, palle anah doosh ap mende. Awenn, mer djah pale an o foro pash o baro rajeste, te penas kote, hoi djas.”

Jesaja 33:23

Te well jek shiffo, palle hi lengre pesse shelle gar soreles pandlo, un nai rikrenn ko mashkralstuno pesso kasht gar. Un kol plachte hi gar buchles kerdo. Palle wenn kolla, kai pash o pani djiwenn un lenn, hoi le hatsenn. Ninna kolla, kai bango djan, hidjrenn tchomone krik, – jaake bud hi koi.

Jeremia 41:8

Mank lende his kokres deesh mursha, kai wan gar maredo. Jon penan ap o Jishmael: Ma mare men; mer sikrah tut, kai khatram bud chapen ap i hachetikri phub: gib un djob, djet un gwin. Kote mukan le lendar tele, un maran len gar i wawarentsa.

Mateo 13:44

Kowa, kai hatsas o drom pash o Debleste, koleske hi kowa har i kutch brawlepen, hoi an i kotar phub khatedo hi. Un i mensho hatsell les, un khatrell les pale. Un job hi jaake bachtelo koi pral, te bikrell lo lauter, hoi les hi, un ginell ko kotar phub.

Mateo 25:18

Ko mursh, kai jek gono peskro rajestar las, djas ap i kotar phub un khatras ko rup an i phub.

Josua 7:21

Mank ko tselo koowa, hoi lam lendar, dikom i shukar plaashka dran o them Shinar, un 200 (dui-sheel) rupeni kotja un i baro lengsto sonakaskro kotar, hoi jek paash kilo phares hi. Un me nai rikrom man gar pale un lom kowa. Un halauter hi an miro plachteno kheer, an i phub khatemen. Un o rup hi tel o wawar.”