2. Rajengro liil 7:4 - O Debleskro Drom 2021 (Sinte)

⁴ Ninna te kamah mer an o foro te djal, hi koi i menshen tchi chapaske, un mer hunte meras koi. Un te atchah mer kai, merah ninna. Mer djah pash i lurdende dran Syria. Te mukenn jon men djido, djiwah mer. Krenn jon men mulo, jaake ham mer mulo.”

O Debleskro Lab 2024 (Sinte-Manouche)

⁴ Ninna te kamah mer an o foro te djal, hi koy i menshen či rhapaske, oun mer hounte meras koy. Oun te ačah mer kay, merah ninna. Mer djah pash i lourdende dran Syria. Te moukenn yon men djido, djivah mer. Krenn yon men moulo, yaake ham mer moulo.”

2. Rajengro liil 7:4 ပူးပေါင်းရင်းမြစ်များ

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

2. Rajengro liil 6:24

Pal i tsiro las ko baro rai pral Syria – leskro lab his Ben-Hadad – peskre tsele lurden khetne, peras lentsa an o them Israel dren un tchiwas pes trul o foro Samaria.

2. Rajengro liil 7:5

Un har i rat was, djan le, te wenn le pash kol lurdende dran Syria. Un har jon kote wan, his kek buder koi.

1. Familjakro liil 12:19

Kote was o Debleskro ducho pral o Amasai, ko pralstuno pral i trijanda sorele kurepangre, un job penas: David, tire ham mer! ap tute rikrah men, tu o Isajeskro tchawo! Latchepen un bacht mu well pral tute, un ninna pral kolende, kai pash tute hi! Tiro Dewel hi ap tiri rig! Koi las len o David pash peste, un kras lendar pralstune pral peskre lurdende.

Ester 4:16

“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Jeremia 8:14

Hoske ham mer kai trujel beshdo? [putchenn i menshe dran Juda.] Mer was khetne, te djas mer an kol sorele forja, te was koi maredo! Mer mukam o baro Debles, maro rajes. Doleske kamell lo maro merepen, un dell men sawo pani te pijell, hoi marell men.

Jona 3:9

Koon djinella? – Kowa, hoi o Dewel kamas te krell, nai khaitell les, un job mukell peskri choli gar pral mende te well, te meras gar halauter.”

Hebrearja 9:27

Un jaake har i tsele menshe hunte merenna jek kopo, un palle rakrell o Dewel o tchatchepen pral lende win,