2. Rajengro liil 7:15 - O Debleskro Drom 2021 (Sinte)

¹⁵ Un jon djan lenge palla bis pash o pani Jordan, un dikan, kai ap o drom ripja un wawar koowa tchiddo hi, kai kol Syrarja an o sikepen krik witsran. Un har kol bitchepangre pale wan un kowa o baro rajeske penan,

O Debleskro Lab 2024 (Sinte-Manouche)

¹⁵ Oun yon djan lenge palla bis pash o pani Yordan, oun dikan, kay ap o drom ripya oun vavar koova čiddo hi, kay kol Syrarya an o sikepen krik vitsran. Oun har kol bičepangre pale van oun kova o baro rayeske penan,

2. Rajengro liil 7:15 ပူးပေါင်းရင်းမြစ်များ

2. Rajengro liil 7:14

Koi lan le dui wurdja i grajentsa. Un o baro rai bitchras len pal kol lurdende dran Syria, un penas: “Djan koi un dikenn, hoi djas!”

2. Rajengro liil 7:16

djan kol menshe dran o foro ap i platsa, kai i Syrarja his, un tchoran lendar lauter krik. Un lauter was jaake har o baro Dewel penas: Jek bari piri jarro was jek rupeni bema, un dui pirja djob ninna jek rupeni bema.

Ester 1:7

O pipen was win tchoredo an khore dran sonakai, kolendar his kek har o wawar. Un das bud rajeskri mool, budeder har bud. O baro rai rikras lat gar pale.

Hiob 2:4

Un o beng penas ap o baro Debleste: “Lauter, hoi i menshes hi, dell lo peskro djipaske.

Sikepaskro 3:6

Jek tsiro hi koi, te rodas tchomone, un jek tsiro, kai rodah buder gar. Jek tsiro hi koi, kai rikrah tchomone, un jek tsiro, kai witsrah les krik.

Jesaja 10:3

Hoi kamenn tumer te krell ap ko diwes, kai well tumari phagi pral tumende? Ap ko diwes, kai well i bibacht fun dural pral tumende? Pash koneste kamenn tumer palle te nashell? Un kai mukenn tumer palle tumaro brawlepen?

Jesaja 2:20

Un kol rupene un sonakangre figure, hoi i menshe pen kran, te mangenn le len an, kolen witsrenn le i kermusenge un i fledertikre kermusenge koi.

Jesaja 22:24

Peskre tsele menshe hi ap leskri meen, peskre tchawentsa un tchawengre tchawentsa. Palle djal leske har o saster, ap koleste pirja, tchare un khore pre bladedo hi.

Jesaja 31:7

Tumer kran tumen rupene un sonakangre figure, hoi an-mangan. Kowa his i bari doosh. O diwes well, kai witsrell hakeno tumendar kal figure krik, hoi lo peskre wastentsa kras.

Ezekiel 18:31

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Mateo 16:26

I mensheske wals kowa gar mishto, te lals lo o tselo brawlepen ap kai phub, un nashrals o djipen. I mensho nai dell tchi o Debleste, te lell lo ko djipen pale.

Hebrearja 12:1

Kanna dikah, bud bud menshe patsan, te hi kowa tchatcho, hoi o Dewel penas. Mer ham gar kokres, kai patsah. Doleske hunte kras har jon kran, un mukas gar tele te nashas ap o Debleskro drom, hoi glan mende hi. Te tchiwas lauter tele, hoi kamell men pale te rikrell! Ninna hunte tchiwas o tchilatchepen tele, hoi kamell men te taprell.