2. Rajengro liil 7:10 - O Debleskro Drom 2021 (Sinte)

¹⁰ Un jon djan pale pale pash o foro, dan kolen gole, kai denn garda ap o foreskro wudar, un penan lenge: “Mer wam pash koi platsa, kai kol Syrarja his. Koi his kek, un kek menshes shunam. Kol graja un burika his koi an-pandlo un kol plachtene khera koi tardo.”

O Debleskro Lab 2024 (Sinte-Manouche)

¹⁰ Oun yon djan pale pale pash o foro, dan kolen gole, kay denn garda ap o foreskro voudar, oun penan lenge: “Mer vam pash koy platsa, kay kol Syrarya his. Koy his kek, oun kek menshes shounam. Kol graya oun bourika his koy an-pandlo oun kol plarhtene khera koy tardo.”

2. Rajengro liil 7:10 ပူးပေါင်းရင်းမြစ်များ

2. Samuel 18:26

dikas kowa, kai das garda, i duito murshes nashell, un das tele an ko baro wudar gole: “Koi well pale i mursh kokres!” Koi penas o baro rai: “Ninna kowa penell menge latcho koowa.”

2. Rajengro liil 7:11

Un kolla, kai denn garda ap o foreskro wudar, dan jekes gole, te djal job pash o baro rajeskro kheer un penell kowa kote.

2. Rajengro liil 7:9

Koi penas jek ap o wawareste: “Kowa hi gar mishto, hoi mer krah. Kai diwes hi i baro diwes. Men hi latche laba te penell. Te rikrah mer kal laba menge un penah len gar dureder bis te well taissarlakro, palle anah doosh ap mende. Awenn, mer djah pale an o foro pash o baro rajeste, te penas kote, hoi djas.”

1. Familjakro liil 15:18

Un lenge ap i rig wan: o Sacharja, o Ben-Jaasijel, o Semiramot, o Jehijel, o Unni, o Eliab, o Benaja, o Maaseja, o Mattitja, o Elifelehu, o Mikneja, o Obed-Edom, o Jehijel, kolendar, kai dan garda ap i wudja.

1. Familjakro liil 16:38

Ninna o Obed-Edom, koleskro dad o Jedutun his un leskre 68 (shob-deesh-te-ochta) phrala atchan kote. O Obed-Edom un o Hosa dan garda ap i wudja.

2. Familjakro liil 23:19

Un o Jojada bitchras klisten glan i wudja o baro Debleskro kherestar, te denn le jak, te nai djas kek dren, kai kras pes ap tchomone pale-tchiddo.

Debleskri gili 127:1

I gili o Salomestar te giwell ap o drom an Jerusalem. Te krell o baro Dewel gar o kheer, palle budrenn i budepangre tchitcheske. Te dell o baro Dewel gar jak ap o foro, palle hi tchitcheske, te denn mursha jak ap o foro.