2. Rajengro liil 6:9 - O Debleskro Drom 2021 (Sinte)

⁹ Koi bitchras ko Debleskro mursh, o Elisa, jekes pash o baro rajeste pral Israel un mukas leske te penell: “De garda un ma dja kawa drom! Kol Syrarja lurenn koi.”

O Debleskro Lab 2024 (Sinte-Manouche)

⁹ Koy bičras ko Debleskro morsh, o Elisa, yekes pash o baro rayeste pral Israel oun moukas leske te penell: “De garda oun ma dja kava drom! Kol Syrarya lourenn koy.”

2. Rajengro liil 6:9 ပူးပေါင်းရင်းမြစ်များ

1. Rajengro liil 20:13

Koi was i Debleskro rakepaskro pash o Ahab, ko baro rajeste pral Israel, un penas ap leste: “Kawa penell o baro Dewel: Dikeh tu kol bud bud lurden? Tchatchepah, me kamau len kau diwes an tiro wast te dell, te haiwess tu, me hom o baro Dewel!”

1. Rajengro liil 20:28

Kote was o Debleskro mursh pash o baro rajeste pral Israel, un penas leske: Kawa penell o baro Dewel: “I Syrarja penan, me o baro Dewel, woms i dewel, kai ap i berge djiwell, un gar i dewel, kai ap o telstuno them djiwell. Doleske dau me kal tsele bud lurden an tiro wast, te haiwenn tumer, kai me o baro Dewel hom.”

2. Rajengro liil 4:1

Kote his i djuwel, kolakro rom his i Debleskro rakepaskro. Koja das pal o Elisa gole un penas: “Tiro budepaskro, miro rom, meras. Un tu djineh, kai lo ap o baro Debleskro drom djas. Un kanna well ko mursh, kai miro romes sijaan hi pash leste, un kamell mire dui tchawen te lell, te wenn le leskre ginle budepangre.”

2. Rajengro liil 4:27

Har joi pash o Debleskro mursheste ap koi berga was, tapras joi leskre herja trujel. O Gehasi was, te dell lo lat i spildini. Koi penas o Debleskro mursh: “Muk lat! Lake hi ropaske, un me djinau gar hoske. O baro Dewel penas mange tchi, hoi djas.”

2. Rajengro liil 4:7

Un joi djas pale pash o Elisa un penas kowa o Debleskro mursheske. Job penas: “Dja un bike ko djet un plaisse tiri sijaan ap koleste, kai patsal! Tu un tire tchawe, nai djiwenn kolestar, hoi pral atchas!”

2. Rajengro liil 6:10

Koi bitchras ko baro rai pral Israel lurden koi pash ko drom, kolestar o Debleskro mursh rakras un penas “Ma djan koi!” Un kolla lan ko drom an i jak. Jaake djas kowa jek kopo, dui kope un ninna budeder.

2. Rajengro liil 6:12

Koi penas jek leskre pralstunendar: “Kek mendar, miro baro rai. O Elisa, ko Debleskro rakepaskro an Israel, phukrell lauter o baro rajeske pral Israel, ninna, hoi tu rakreh an tiri isema, kai soweh.”

2. Rajengro liil 6:8

Ko baro rai pral Syria his an o kurepen i Israelentsa, un rakras peskre pralstune lurdentsa, hoi jon nai krenna. Un job penas: “Mer khatrah men un perah lenge koi tchorchanes an o dumo.”

Hiob 5:12

Job dell kowa paash hoi penge kolla glan lan, kai kamenn i wawaren pral o kand te dell. Jaake nai krenn le tchi.

Debleskri gili 33:10

O baro Dewel mukell kowa gar te well, hoi kol menshe an i wawar themma kamenn te krell. Lenge tchiwell lo barra an o drom.

Gosewe laba 22:12

O baro Dewel dell jak, te well diklo, haweskre laba mishto un tchatcho hi. Un job tchakrell kol laba pre, hoi i phukepaskro rakras.

Jeremia 11:18

O baro Dewel penas mange, hoi len glan hi, te djinap me kowa.

Amos 3:7

Tchatchepah, o baro Dewel, maro rai, krell tchi, te rakras lo gar glan kowa koi pral ap peskre rakepangre, kai leske koi hi.

Debleskro tsiro 1:1

An kau liil hi kowa tchinlo, hoi o Dewel mukas o Jesus Kristes te dikell, te sikrell job peskre budepangren, hoi an i tikno tsiro hunte wella. Un o Jesus Kristo bitchras peskro bolepaskres pash mande, te sikrell lo mande kawa lauter. Me, o Johanni, hom leskro budepaskro