2. Rajengro liil 6:33 - O Debleskro Drom 2021 (Sinte)

³³ Har job lentsa an o rakepen his, was o baro rai pash leste un penas: “O baro Dewel anas kai bibacht pral mende. Har nai dikau me kanna ap leste, te lell lo men koi win?”

O Debleskro Lab 2024 (Sinte-Manouche)

³³ Har yob lentsa an o rakepen his, vas o baro ray pash leste oun penas: “O baro Devel anas kay bibarht pral mende. Har nay dikau me kanna ap leste, te lell lo men koy vin?”

2. Rajengro liil 6:33 ပူးပေါင်းရင်းမြစ်များ

1. Mose 4:13

Koi penas o Kain ap o baro Debleste: “Miri phagi hi jaake baro, kai rikrau lat nai gar win.

2. Rajengro liil 3:10

Koi penas ko baro rai pral Israel: “Hawi bibacht! O baro Dewel das men triin rajen kate gole, te dell lo men an i wasta kol menshendar Moab!”

2. Rajengro liil 7:1

O Elisa penas: “Shunenn ap o baro Debleskre laba! Kawa penell o baro Dewel: Taissar an kau tsiro nai gineh an o foro Samaria i bari piri latcho jarro, hoi plaissreh jek rupeni bema, ninna dui pirja djob, kolenge plaissreh jek rupeni bema.”

Hiob 1:11

Hoi hi, te leh tu lestar krik, hoi leskro hi? Tchatchepah palle praassell lo tut!”

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Hiob 15:13

Ap o Debleste hal chojedo. Doleske well sawo rakepen dran tiro mui.

Hiob 2:5

Hade tiro wast un tape leskre kokale un leskro mass an! Palle dikeh, te praassell lo tut glan hake menshende!”

Hiob 2:9

Kote penas leskri romni ap leste: “Rikreh tu gomme ap tiro patsepen? Pen tut o Deblestar tele un mere!”

Debleskri gili 27:14

Rike tut ap o baro Debleste tiro tselo djijeha! Ab soreles, un ma traash, un rike tut ap o baro Debleste!

Debleskri gili 37:7

Atch pokones un dik ap o baro Debleste, te well lo ap tiri rig! Ab gar chojedo pral koleste, kai leske mishto djala, ninna te hi les tchilatchepen an o shero.

Debleskri gili 37:9

I tsiro wella, kai hi buder kek tchilatche ap kai phub. Kolla, kai ap o baro Debleste dikenna, te well leskro tsiro, kolenge hi palle o them.

Debleskri gili 62:5

Tumenge djal an o shero trujel, har nai krenn te perap khetne. O chochepen hi tumenge shukar. Tumare mujentsa rakrenn tumer i bacht win pral jekeste, un an tumare djia rakrenn i bibacht pral leste.

Gosewe laba 19:3

O mensheskro dinlepen anell les ap i drom, kai nashrell lo pes. Un palle dell lo o baro Debleste i doosh.

Jesaja 26:3

Baro Dewel, tu rikreh tire wasta pral kolende, kai mukenn pen gar tutar krik te tserdell, un deh len shukapen an o dji. Ap tute rikrenn le pen.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre jaka o Jakobeskre menshendar.

Jesaja 8:21

Un jon djan an o them trujel, phares dino un bari bokah. Un palle, te hi len bari bok, taprell len i choli, un jon praassenn pengro themeskro rajes un pengro debles. Un jon dikenn pre an o bolepen

Jeremia 2:25

Israel, de garda ap tire herja, te nashess len gar dukenes, un ap tiro mui, te well lo gar truk! Tu peneh: Rike man gar pre! Me kamau kol menshen dran wawar themma, un hunte nashap lenge palla.

Ropaskre gilja 3:37

Koon hi kowa, kai penas ‘Kowa te well’ un jaake was. Hi kowa gar o Dewel, kai penell, te well tchomone?

Ropaskre gilja 3:39

Har nai penell i mensho i ropah: “O Dewel djal gar mishto mantsa trujel.” Wals feteder te rowals lo pral peskri doosh!

Ezekiel 33:10

Tu mensho, pen ap o kheer Israel: Tumer penenn: Mari doosh un ko tchilatcho koowa, hoi kram, hi phares ap mende tchiddo. Mer nai hidjrah kowa buder gar. Har nai djiwah mer gomme?

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Habakuk 2:3

Ko tsiro hi kanna gar koi, te well kowa jaake, hoi sikrom tuke. Kowa well tchatcho ap peskro tsiro. Tu nai djineh tchatchepah, kai kowa jaake wella. An kal laba hi kek chochepen. Ninna te well kowa gar jaake sik, de jak, te well kowa. Hi tchatcho, hoi penau: Kowa wella un atchell gar krik.

Louka 18:1

Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas:

2. Korintarja 2:11

Me kamau gar te taprell men o beng. Mer djinah mishto, hoi koles hi an leskro shero.

2. Korintarja 2:7

Kanna hunte bistrenn ko koowa, hoi job kras. Rakrenn latches leha, te well leske gar buder ropaske.

1. Samuel 31:4

Un job penas ap koleste, kai leskro kurepaskro koowa hidjrell: “Le tiro charo un de man mulo, jaake te wenn gar kalla pash mande, kai gar tchinle hi ap pengro mass, un denn man mulo, un krenn mantsa, hoi jon kamenn!” Un ko lurdo, kai leskro kurepaskro koowa hidjrell, kamas gar. Les his bari daar. Kote las o Saul o charo, un mukas pes an leste perell.