2. Rajengro liil 6:17 - O Debleskro Drom 2021 (Sinte)

¹⁷ Un o Elisa rakras o Debleha un penas: “Baro Dewel, kre leskre jaka pre, te dikell lo!” Koi kras o baro Dewel ko budepaskreske i jaka pre. Un job dikas, kai hi koi berga pherde jagengre graja un jagengre wurdja trul o Elisa.

O Debleskro Lab 2024 (Sinte-Manouche)

¹⁷ Oun o Elisa rakras o Debleha oun penas: “Baro Devel, kre leskre yaka pre, te dikell lo!” Koy kras o baro Devel ko boudepaskreske i yaka pre. Oun yob dikas, kay hi koy berga pherde yagengre graya oun yagengre vourdya troul o Elisa.

2. Rajengro liil 6:17 ပူးပေါင်းရင်းမြစ်များ

1. Mose 21:19

Un o Dewel kras lake i jaka pre. Un joi dikas i tikno pani, djas kote, kras ko gono pherdo pani, un das kol tchawes te pijell.

1. Mose 32:1

Taissarlakro stas o Laban pre, tchumras peskre tchengre tchawen un peskre tchen un penas ap lende: “Atchenn miro Debleha!” Un djas khere.

1. Mose 32:2

Un o Jakob djas dureder. Un o Debleskre bolepangre tapran les ap o drom.

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

2. Rajengro liil 2:11

Un har jon jaake djan un khetne rakran, koi was i jagakro wurdin i grajentsa dran jag un djas mank lende. Un i phurdepen hidjras o Elija an o bolepen.

Debleskri gili 104:3

un kral tuke i kheer pral i panja. Tu ulereh ap i wolke har ap i wurdin, un i winta hidjreh tut.

Debleskri gili 104:4

O ducho, hoi phurdell tel o bolepen, hi tiro bitchepaskro. Un i jag hi tiro budepaskro.

Debleskri gili 119:18

Kre mange i jaka pre, te nai dikap har shukar hi te djap tiro drom.

Debleskri gili 125:2

Jaake har i berge trul o foro Jerusalem hi, jaake hi o baro Dewel trul peskre menshende kanna un hako tsiro.

Debleskri gili 34:7

Ake hi jek, kai gole das ap o baro Debleste, har leske djungeles djas, un job shunas les un las les win dran lauter, hoi leske o djipen phares kras.

Debleskri gili 68:17

Tumer berge, tumer bergetikre sherja, hoske silwerenn tumer ap koi berga, kolat o Dewel peske win rodas, te djiwell job kote? Awa, hako tsireske atchell o baro Dewel koi.

Debleskri gili 91:11

Job kokres penas ap peskre bolepangre, te denn le jak ap tute ap tire tsele dromma,

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Jesaja 42:7

Tu kress i korelenge i jaka pre, un less i pandlen win dran o stilepen, kai hi le beshdo an i kali rat.

Daniel 10:7

Un me kokres, o Daniel, dikom ko dikepen. Kol mursha, kai pash mande his, dikan kowa gar. Ap lende peras i bari daar, jaake te nashan le un khatran pen.

Zakarie 1:8

Me dikom an i rati i murshes, kai klissas ap i lolo grai. Job atchas tardo an i tala mank i mirtetikre ruka. Pal leste his wawar graja: lole graja, kalo-parne graja un parne graja.

4. Mose 22:31

Koi kras o baro Dewel o Bileameske i jaka pre, kai nai dikas job o baro Debleskro bolepaskres ap o drom tardo i chareha an o wast. Un o Bileam tchiwas pes ap peskre tchanga tele un witsras pes ap peskro mui.

Mateo 26:53

Me nai mangoms miro dadestar an o bolepen, te bitchrell lo mange budeder har efta-deesh-te-dui serja (72.000) bolepangren, te wenn le ap miri rig.

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Efesarja 1:18

Me mangau lestar, te krell lo tumare djia pre, te dikenn tumare djijeskre jakentsa, har baro un shukar kowa hi, hoi job i patslende della ap ko tsiro, kai wenn le pash leste an o bolepen khetne. Job das tumen gole, te lenn kowa lauter.

Hebrearja 1:14

I tsele bolepangre hi leskre budepangre. Kolen bitchras o Dewel ap i rig kolendar, kai djan ap o Debleskro drom, te lenn le o Debleskro djipen, hoi gar pre-herella.

Debleskro tsiro 19:11

Un me dikom, har o bolepen pre hi. Un kote his i parno grai. Un kowa, kai pre beshdo hi, kharella: Mursh labestar, kai rakrell o tchatchepen. Job te dell i menshen i phagi un kurell pes kolentsa, kai tchilatche hi, djal job pal o tchatchepen.

Debleskro tsiro 19:14

Un i tsele bolepaskre kurepangre wan leske palla ap parne graja. Len his koola dran parno djudjo than.

Debleskro tsiro 3:7

“Tchin kau liil ap o Debleskro budepaskro, kai dell jak ap i patslende an o foro Filadelfia: Kawa penell o Debleskro tchatchepaskro. Koles hi o Davideskro klidepaskro an o wast. Job te krell o wudar pre, palle nai krell les kek pale pandlo. Job te krell o wudar pandlo, palle nai krell les kek pre.