2. Rajengro liil 6:16 - O Debleskro Drom 2021 (Sinte)

¹⁶ O Elisa penas: “Ma traash! Ap mari rig hi budeder lurde har ap lengri rig.”

O Debleskro Lab 2024 (Sinte-Manouche)

¹⁶ O Elisa penas: “Ma traash! Ap mari rig hi boudeder lourde har ap lengri rig.”

2. Rajengro liil 6:16 ပူးပေါင်းရင်းမြစ်များ

1. Mose 32:1

Taissarlakro stas o Laban pre, tchumras peskre tchengre tchawen un peskre tchen un penas ap lende: “Atchenn miro Debleha!” Un djas khere.

2. Rajengro liil 6:15

Ko budepaskro ko Debleskro murshestar stas sik taissarlakro pre, djas win glan o wudar un dikas kol tsele lurden pengre grajentsa un kurepangre wurdjentsa tardo trul o tselo foro. Koi penas o budepaskro ap o Elisa: “Hawi bibacht, miro rai! Hoi krah mer kanna?”

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Debleskri gili 11:1

I gili o rajeske pral i gipangre. O David kras kai gili. Me tchiwau miro tselo patsepen ap o baro Debleste. Har nai penenn tumer palle ap mande: “Naash har i tchirklo an i berge!

Debleskri gili 27:3

Ninna te wenn bud lurde trul mande trujel, taprell miro dji kek daar. Ninna te djan le an o kurepen khatar mande, hom me pherdo patsepen ap miro baro Debleste.

Debleskri gili 3:6

Me tchiwom man tele un sowom, un djinom, har djangrom, o baro Dewel das jak ap mande i tseli rat.

Debleskri gili 46:11

“Mukenn tele”, dell lo gole, “un haiwenn, te hom me o Dewel. Me hom o pralstuno pral i menshende an i tsele themma, awa, o pralstuno pral i tseli phub.”

Debleskri gili 46:7

Job te dell gole, darenna i menshe an i wawar themma, un bare rajenge well i soor krik lino pral pengre themma. I tseli phub trissella i darjatar.

Debleskri gili 55:18

Rati un taissarlakro un mashkral o diwes, anau miro mangepen un miro ropen glan leste, un job shunell ap mande.

2. Mose 14:13

O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

Jesaja 8:10

Rakrenn khetne har te djan glan, un djinenn, kolestar well tchi. Rakrenn jaake bud har kamenn, Tchi well win. O Dewel hi mentsa.

Jeremia 39:17

Tut kamau an ko tsiro win te lell dran i bibacht, penell o baro Dewel. Un tu weh kol menshenge gar an o wast dino, glan kolende tut traash hi.

Mateo 26:53

Me nai mangoms miro dadestar an o bolepen, te bitchrell lo mange budeder har efta-deesh-te-dui serja (72.000) bolepangren, te wenn le ap miri rig.

Markus 16:6

Job penas ap lende: “Ma trashenn! Tumer rodenn o Jesuses dran Nazaret, kai was ap o trushel dino. Job stas i mulendar pre. Job hi gar kate. Dikenn kote, kai job tchiddo his.

Remarja 8:31

Hoi te penas mer budeder? O Dewel hi ap mari rig! Koon nai krell menge i tchilatchepen? Kek!

Filiparja 1:28

Ma darenn kolendar, kai kamenn gar o Jesus Kristes, un kai chan pen ap tumende! Te han sorelo an o patsepen tardo, sikrell kowa lende, te djan jon nashedo, un te lenn tumer o djipen an o bolepen, hoi wella o Deblestar.

Josua 11:6

Kote penas o baro Dewel ap o Josua: “Ma dare gar lendar! Taissar kau tsireske dan tumer len halauter mulo. Un kowa krau me tumenge. Palle tchinenn lengre grajen an i herja jaake te nai nashenn le buder gar! Un lengre wurdja chatchrenn pre!”

1. Johanni 4:4

Mire tchawe, tumer han o Deblestar, un han sorleder har kol chochene rakepangre. O Debleskro Ducho, kai an tumende hi, hi sorleder har o beng, kai an i menshende hi, kai o Debles gar prindjrenna.