2. Rajengro liil 5:7 - O Debleskro Drom 2021 (Sinte)

⁷ Un har o baro rai pral Israel ko liil draweras, tserdas job i koola pestar tele un penas: “Hom me o Dewel, kai nai marau un krau djido? O baro rai pral Syria bitchrell kau murshes pash mande, te krap les sasto un lap ko nasslepen ap leskro mass lestar krik. Tumer dikenn, har rodell job tchingepen mantsa!”

O Debleskro Lab 2024 (Sinte-Manouche)

⁷ Oun har o baro ray pral Israel ko liil draveras, tserdas yob i koola pestar tele oun penas: “Hom me o Devel, kay nay marau oun krau djido? O baro ray pral Syria bičrell kava morshes pash mande, te krap les sasto oun lap ko nasslepen ap leskro mass lestar krik. T'mer dikenn, har rodell yob čingepen mantsa!”

2. Rajengro liil 5:7 ပူးပေါင်းရင်းမြစ်များ

1. Mose 30:2

Koi las o Jakob i bari choli ap i Rachel un penas: “Hom me o Dewel, te nai dap tut tchawe!”

1. Mose 37:29

Har was o Ruben pale pash i gruba un dikas, kai o Josef buder gar dren his, kras job peskre ripja paash i dukatar.

1. Mose 50:19

O Josef penas ap lende: “Ma darenn! Hom me o Dewel?

2. Samuel 1:11

Koi tapras o David ap peskre koola, un kras len paash i dukatar. Un kol mursha, kai pash leste his, kran kowa ninna jaake.

1. Rajengro liil 20:7

Kote das o baro rai pral Israel i tsele phureden dran Israel pash peste gole, un penas: “Tumer nai dikenn tumare jakentsa, har rodell kau mursh o tchingepen. Job mukas mange te penell, te hunte dap les mire djuwjen, mire tchawen, miro rup un miro sonakai, un me penom: ‘Mishto, halauter hi tiro.’”

2. Rajengro liil 11:14

Un dikas o newo baro rajes kote tardo, kai i platsa o baro rajeske his: pash i bari lengsto bar. Un trul leste his i pralstune lurde un i phurdepangre tarde. Un i tsele menshe ko themestar his bachtelo un phurdan an pengre bashepangre. I Atalja tserdas peskre ripja an kotja un das gole: “Phukepen, Phukepen!”

2. Rajengro liil 18:37

Un kol triin pralstune, kolen o Hiskija bitchras, o Eljakim, ko pralstuno pral leskro kheer, koleskro dad o Hilkija hi, un o Shebna, kai tchinas i lila, un o moskro Joach, koleskro dad o Asaf hi, jon kran pengre koola paash i dukatar un djan pash o Hiskija un penan leske kol laba, kai ko pralstuno dran o them Assur ap lende penas.

2. Rajengro liil 5:6

Un anas ko liil pash o baro rajeste pral Israel. Koi his dren tchinlo: Te well ko liil pash tute, hunte djiness tu, kai me miro budepaskres Naaman pash tute bitchrom, te less ko nasslepen ap leskro mass lestar krik.

Jeremia 36:24

Kek kolendar, kai shunan kol laba, las traash un sikras, kai kol laba leske an o dji djan, gar o baro rai un witar gar kol pralstune pash leste.

Daniel 2:11

Kowa, hoi tu, baro rai, kai kameh, hi jaake pharo, te nai penell kowa kek, kokres i debla. Un kolla djiwenn gar pash i menshende.”

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

4. Mose 14:6

Un o Josua, koleskro dad o Nun his, un o Kaleb, koleskro dad o Jefunne his, his dui kolendar, kai pen an o them trujel dikan. Jon kran pengre koola an kotja i choljatar,

Mateo 26:65

Koi kras o baro rashai peskro ripen paash, te sikrell lo peskri choli, un penas ap i wawar pralstunende: “Job krell pes har o Dewel. Tumer shunan les. Kek hunte penell menge budeder.

Louka 11:54

Un jon dan jak ap hako lab lestar, te nai taprenn le les leskre labentsa.

Bičepangre 14:14

Har o Barnabas un o Paulo kowa shunan, kran le pengre ripja paash un stan mashkral kol menshende, un dan gole:

5. Mose 32:29

Har kamaus, te wans le gosewo! Palle haiwans le, hoi ap lende wella.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

1. Samuel 2:6

O baro Dewel dell temerl, un job krell djido. Job anell tele pash i mulende un pale pre.