2. Rajengro liil 5:24 - O Debleskro Drom 2021 (Sinte)

²⁴ Un har o Gehasi pash koi tikni berga was, kai o Elisa djiwell, las job kowa dran lengre wasta un tchiwas ko koowa an o kheer ap i rig, un bitchras kol murshen pale.

O Debleskro Lab 2024 (Sinte-Manouche)

²⁴ Oun har o Gehasi pash koy tikni berga vas, kay o Elisa djivell, las yob kova dran lengre vasta oun čivas ko koova an o kheer ap i rig, oun bičras kol morshen pale.

2. Rajengro liil 5:24 ပူးပေါင်းရင်းမြစ်များ

1. Rajengro liil 21:16

Un har o Ahab shunas, kai o Nabot meras, kote djas lo sik tele pash ko kotar phub i drakengre rukentsa, hoi his o Nabotes dran Jesreel, te lell lo les peske.

Jesaja 29:15

Djungeles djal kolenge, kai kowa, hoi le penge an pengre djia glan lan, glan o baro Debleste khatrenn, un an o kalepen i ratsjatar pengro koowa krenn, un penenn: “Koon dikell men? Un koon djinell, te hams mer kowa?”

Habakuk 2:6

O diwes well, kai giwenn kolla lauter i sapaskri gili pral koleste, kai rikras len tele, un rakrenn laba, kolentsa jon pral leste san. Jon penenna: Djungeles djal tuke, kai leh tuke, hoi gar tiro hi! Har rah kameh jaake dureder te krell, un brawelo te well ko koweha, hoi kolla hunte denn tut, kolen sijaan pash tute hi?

Josua 7:1

I Israelitarja rikran pen gar ap o Debleskro lab, hoi job penas, te well halauter an o foro Jericho leskro. Jek lendar, o Achan, las tchomone peske. O Achaneskro dad his o Karmi, koleskro dad his o Sabdi, un koleskro dad his o Serach. Un kolla his mursha dran o kheer Juda. Har o Achan kowa kras, las o baro Dewel i bari choli pral i Israelitarja.

Josua 7:21

Mank ko tselo koowa, hoi lam lendar, dikom i shukar plaashka dran o them Shinar, un 200 (dui-sheel) rupeni kotja un i baro lengsto sonakaskro kotar, hoi jek paash kilo phares hi. Un me nai rikrom man gar pale un lom kowa. Un halauter hi an miro plachteno kheer, an i phub khatemen. Un o rup hi tel o wawar.”