2. Rajengro liil 5:14 - O Debleskro Drom 2021 (Sinte)

¹⁴ Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

O Debleskro Lab 2024 (Sinte-Manouche)

¹⁴ Koy djas yob tele pash o pani Yordan oun čivas pes tel o pani efta kope yaake har o Debleskro morsh kova penas. Oun leskro mass vas pale sasto har ko mass i tikno čavestar. Oun yob vas sasto ap peskro tselo mass.

2. Rajengro liil 5:14 ပူးပေါင်းရင်းမြစ်များ

1. Rajengro liil 17:16

Ko jarro an i piri djas gar win, un an o khoro his doha djet, jaake har o baro Dewel ap o Elija penas, un job i djuwjake penas.

2. Rajengro liil 4:35

Palle stas job pre, djas an o kheer kate te kote, un tchiwas pes pale ap leste. Koi nisewas ko ternepen efta kope. Koi pal kras job i jaka pre.

2. Rajengro liil 5:10

Koi bitchras o Elisa jekes pash leste, te penell kowa leske: “Dja koi un thob tut efta kope an o Jordan! Palle djal o nasslepen tutar un tiro mass well pale sasto.”

2. Familjakro liil 20:20

Un jon stan sik taissarlake pre, un djan win an o mulo them Tekoa. Har jon win djan, djas o Josafat glan lende, un penas: Murshale dran Juda un Jerusalem, shunenn, hoi tumenge penau: Patsenn o baro Debleske, kai tumaro Dewel hi, un tumer atchenn sorelo, patsenn, hoi leskre rakepangre tumenge penan, palle well lauter mishto tumenge.

Hiob 31:13

Te doms miro budepaskres – nai well i mursh, nai well i djuwel – gar tchatches an i tchingepen, kai les tchatches his,

Hiob 33:25

Pale lell lo pale newi soor, well sasto un sorelo, har an ko tsiro, kai lo terno his.

2. Mose 4:7

Un o baro Dewel penas ap leste: “Tchip tiro wast pale tel i plaashka!” Un job tchiwas peskro wast pale tel i plaashka! Un har las lo les pale win, his o wast pale sasto.

Gosewe laba 9:9

Pen i goseweske kowa, hoi job gar mishto kras! Palle well lo gomme gosweder. An koleske tchomone pashel, kai an o tchatchepen tardo hi! Palle djinell lo gomme budeder.

3. Mose 13:58

Te hi ko djunglepen buder gar koi pal o thopen, hunte well kau koowa thodo i duito kopo. Pal kowa hi lo gar pale-tchiddo.

Zakarie 13:1

“An ko tsiro nashell i pani an o foro Jerusalem, hoi nashell i menshenge dran o kheer David un i wawar menshenge an Jerusalem, te thowell lo lengri doosh un kowa krik, hoi kras len pale-tchiddo glan mire jaka”, penell o baro Dewel.

Zakarie 14:8

An ko tsiro nashenn djide panja dran o foro Jerusalem win. Ko jek paash nashell an o baro pani, hoi kote hi, kai o kham pre djal. Ko wawar paash nashell an o baro pani, hoi kote hi, kai o kham tele djal. Ko pani nashell an i nijal har an o wend.

Louka 4:27

Dikenn ninna ap ko tsiro, kai o Debleskro rakepaskro, o Elisa, djiwas. An ko tsiro his bud menshen an o them Israel i djungelo nasslepen ap pengro mass. Kekes lendar kras o Elisa sasto. Kokres o Naaman dran o them Syria kras job sasto.”

Louka 5:13

Un o Jesus tchiwas peskro wast ap leste, un penas: “Me kamau, te wess sasto.” Un ap jek kopo djas o nasslepen lestar.

Johanni 2:5

Leskri dai penas ap i budepangre: “Krenn kowa, hoi job tumenge penella!”

Tito 2:14

Job das peskro djipen an o merepen, te las lo mari tseli doosh ap peste, un te kras lo maro dji djudjo, te was mer leskre menshe, un te kamas i tseli sorjah latcho koowa te krell.

Josua 6:4

Un efta rashaja hunte hidjrenn efta phurdepangre un djan glan o mochton, kai o Debleskre deesh laba dren hi. Ap o eftato diwes djan tumer efta kope trul o foro trujel. Un i rashaja phurdenn koi pashel an pengre phurdepangre.