2. Rajengro liil 5:1 - O Debleskro Drom 2021 (Sinte)

¹ O baro rajes pral o them Syria his i pralstuno lurdo. Leskro lab his Naaman. Kowa his i tchatcho mursh an peskro rajeskre jaka un leske bud moldo. Har anas job i Syrarja an o kurepen, kras o baro Dewel, te wenn jon i sorleder. I sorelo kurepaskro his lo, un les his i djungelo nasslepen ap peskro mass.

O Debleskro Lab 2024 (Sinte-Manouche)

¹ O baro rayes pral o them Syria his i pralstouno lourdo. Leskro lab his Naaman. Kova his i čačo morsh an peskro rayeskre yaka oun leske boud moldo. Har anas yob i Syrarya an o kourepen, kras o baro Devel, te venn yon i zorleder. I zorelo kourepaskro his lo, oun les his i djoungelo nasslepen ap peskro mass.

2. Rajengro liil 5:1 ပူးပေါင်းရင်းမြစ်များ

2. Samuel 3:29

Lauter mu well ap o Joab un ap peskre menshende! An leskri familja mu well hako tsiro bibacht: menshe, kolendar nashell dukepaskro pani win, oder kolen i djungelo nasslepen ap pengro mass hi, oder sawe, kai bango hi, oder wenn maredo i chareha, oder jek, koles hi gar doha chapaske.”

2. Rajengro liil 4:8

His i diwes, kai djas o Elisa an o gab Shunem. Koi his i braweli djuwel. Koja mangas lestar, te chal job pash late. Un hako kopo, har was job an ko gab, djas job pash late un chas koi.

2. Rajengro liil 5:2

Un lurde dran o them Syria djan win un tchoran i terni tchat dran o them Israel, un lan lat pentsa. Koja budras o Naamaneskri romjake.

2. Rajengro liil 5:27

Ko nasslepen, hoi o Naamanes ap peskro mass his, perell ap tute un tire menshende, kai pal tute wenna.” Koi djas o Gehasi lestar krik, un ko nasslepen his ap leskro mass un dikas win har gib.

2. Rajengro liil 7:3

Glan ko foreskro wudar his star mursha, kolen i djungelo nasslepen ap pengro mass hi. Un jek penas ap o wawareste: “Hoske atchas mer kai bis te merah?

Ester 10:3

jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.

Ester 9:4

Jon shunan, kai was o Mordekai i baro mursh an o kheer o baro rajestar. An i tsele themma was prindjedo, har lo baro un bareder was.

2. Mose 11:3

Un o baro Dewel kras, te wenn i Egiptarja latches ap lende. Ninna his o Mose bud an-diklo an o them Egiptia an i jaka kol pralstunendar an o Faraeskro kheer un ninna pash i tsele Egiptarja.

Gosewe laba 21:31

Tu nai leh i kurepaskro grai un djah an o marepen. Kowa, kai krell, te wess o sorleder, hi o baro Dewel.

Louka 4:27

Dikenn ninna ap ko tsiro, kai o Debleskro rakepaskro, o Elisa, djiwas. An ko tsiro his bud menshen an o them Israel i djungelo nasslepen ap pengro mass. Kekes lendar kras o Elisa sasto. Kokres o Naaman dran o them Syria kras job sasto.”

Johanni 19:11

Penas o Jesus: “Tut wals kek soor pral mande, te dals tut o Dewel koja gar. Doleske hi koles, kai das man an tire wasta, bareder doosh har tut.”

Remarja 15:18

Me kamau gar te rakrap pral wawar koowa har pral kowa, hoi kras o Jesus Kristo mank kolende, kai kek bibolde hi. Dran maro rakepen un mari budi anas o Jesus Kristo len pash peste, te shunenn le ap leste.

2. Korintarja 12:7

O Dewel kamella, te wap gar pre-phurdo pral ko baro bolepaskro koowa, hoi mukas lo man te dikell. Doleske mukas o Dewel tchomone ap mande te well, hoi dukrell man har i subjengro kasht an miro mass. Kowa hi har te dals man i bengeskro kurepaskro dawa, te wap gar pre-phurdo.

5. Mose 2:37

Pash ko them, hoi i Ammonarja djiwenn, djam gar, gar pash o lengsto pani Jabbok, witar gar pash i forja ap i berge. Jaake kamas kowa maro baro Dewel.