2. Rajengro liil 4:38 - O Debleskro Drom 2021 (Sinte)

³⁸ Har o Elisa pale an Gilgal was, his i menshen tchi te chal an ko them. Un har kol Debleskre rakepangre glan leste beshdo his, penas job ap peskro budepaskro: “Le i bari piri un kere lenge i summi chapaske.”

O Debleskro Lab 2024 (Sinte-Manouche)

³⁸ Har o Elisa pale an Gilgal vas, his i menshen či te rhal an ko them. Oun har kol Debleskre rakepangre glan leste beshdo his, penas yob ap peskro boudepaskro: “Le i bari piri oun kere lenge i soummi rhapaske.”

2. Rajengro liil 4:38 ပူးပေါင်းရင်းမြစ်များ

1. Mose 25:29

His i diwes, kai keras o Jakob i chapen. Har o Esau dran o weesh khere was, his job khino un les his i bari bok.

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

2. Rajengro liil 2:1

O diwes was, kai kamas o baro Dewel o Elijas an i sorelo phurdepen an o bolepen te lell. O Elija un o Elisa djan dran Gilgal krik.

2. Rajengro liil 2:3

djan o Debleskre rakepangre, kai kote djiwan, win pash o Elisa, un penan ap leste: “Djineh tu ninna, kai o baro Dewel kau diwes tiro rajes tutar krik lella?” Koi penas job: “Kowa djinau me. Atchenn!”

2. Rajengro liil 4:1

Kote his i djuwel, kolakro rom his i Debleskro rakepaskro. Koja das pal o Elisa gole un penas: “Tiro budepaskro, miro rom, meras. Un tu djineh, kai lo ap o baro Debleskro drom djas. Un kanna well ko mursh, kai miro romes sijaan hi pash leste, un kamell mire dui tchawen te lell, te wenn le leskre ginle budepangre.”

2. Rajengro liil 4:39

Koi djas jek win ap o them, te rodell lo senlepen, un hatsas diwje kürbisse, las len tele un hidjras len an peskri plaashka, tchinas kolla an kotja un tchiwas kowa an i piri. Kek djinas, hoi kowa his.

2. Rajengro liil 8:1

O Elisa rakras kol djuwjah, kai kras lo lakro tchawes djido, un penas: “Dja krik tire menshentsa an i wawar them, te djiwess koi! O baro Dewel mukell i tsiro te well an kau them, kai bokenn i menshe efta bersha.”

Hiob 30:4

Kote rodan le pen o londo senlepen khetne mashkral i burra, un chan ninna i draba kol burrendar, hoi kharenn Ginster.

Gosewe laba 8:34

Bachtelo hi ko mensho, kai shunell ap mande, kai hi tardo pash miro wudar hako diwes, un dell jak ap miro kheer.

Ezekiel 11:3

Jon penenn: “Hi gar o tsiro koi, te kras menge khera? O foro hi har i piri, un mer ham har o mass, hoi dren hi. Menge djal tchi.”

Ezekiel 11:7

Doleske penau me, o baro Dewel, tumaro rai: Kolen, kai tumer an o foro mulo dan, kolla hi o mass, un o foro hi i piri. Tumen witsrenn le dran leste win.

Ezekiel 14:13

Tu, mensho, djiness, te phagenn i menshe an jek them mantsa, un rikrenn buder gar ap mande, dau me len i phagi. Un krau, te hi len buder gar doha maro. Un bitchrau i bok an o them, te merenn i menshe un i vieche i bokatar.

Ezekiel 24:3

Pen mire menshenge, kai mukenn pen tchi mandar te penell, sawe laba, hoi sikrenn lenge, har kowa lenge wella! Pen lenge: Kawa penell o baro Dewel, maro rai: Tchip i piri pral i jag, un tchip ninna pani dren!

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

Amos 7:14

O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

Markus 6:37

Koi penas lo ap lende: “Denn tumer len te chal!” Penan le: “Kameh, te las dui-sheel rupene beme, te ginas maro un das len te chal?”

Louka 10:39

Un kolat his i pheen. Koja kharas Maria. Joi beshas pes glan leskre pire, un shunas, hoi job penas.

Louka 2:46

Pal triin diwessa hatsan le les an o Debleskro baro kheer. Un job his beshdo mashkral i sikepangre. Un job shunas, hoi jon rakran, un job putchas bud lendar.

Louka 4:25

Tchatchepah, me penau tumenge: Ap ko tsiro, kai o Debleskro rakepaskro Elija djiwas, djiwan bud djuwja, kolengre mursha mulo hi, an o them Israel. Ap ko tsiro das triin-te-paash bersha kek brishin. Un i bari bok was an o tselo them.

Louka 8:35

Un kol menshe kaman te dikell, hoi kote djas, un wan pash o Jesuseste. Un jon dikan ko murshes, dran koleste i benga win djan. Job his pash o Jesuseste beshdo, his an-rido, un buder gar diwjo. Koi wan jon dareno.

Louka 8:38

Ko mursh, kai sasto was, mangas lestar, te atchell lo nai pash leste. O Jesus penas ap leste:

Louka 9:13

O Jesus penas ap lende: “Denn tumer len tchomone te chal!” Penan le leske: “Men hi gar budeder har pantch mare un dui matche. Kameh tu, te ginas kolenge lauterenge te chal?”

Johanni 21:5

Un o Jesus putchas lendar: “Tapran tumer tchi?” “Na-a,” penan le.

Johanni 21:9

Har jon dran o bero djan, dikan le i jag. Koi his pekle matche pre. Maro his ninna koi.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Bičepangre 15:36

Pal jek tsiro penas o Paulo ap o Barnabeste: “Djas pale pale an kol tsele forja, kai mer o Debleskro lab i menshenge penam! Dikas pal mare phralende an i wawar themma, har lenge djala!”

Bičepangre 22:3

Me hom i biboldo, un wom boldo an o foro Tarsus, an ko them Cilicia. Baro wom an o foro Jerusalem. Miro sikepaskro his o Gamalijel. Kowa sikras mande, te djiwap jaake, har mare phure djiwan. Jaake har tumer pal o Moseskre laba djiwenna, djiwom me ninna o tselo djijestar.

1. Samuel 19:20

Kote bitchras o Saul lurden, te anenn le o Davides. Har dikan kolla kol tsele Debleskre rakepangren un lengro pralstunes, o Samueles, un shunan, har kolla o Debleskro rakepen win rakran, koi was o Debleskro ducho pral kol bitchepangren. Un jon rakran ninna o Debleskro rakepen win.