2. Rajengro liil 4:35 - O Debleskro Drom 2021 (Sinte)

³⁵ Palle stas job pre, djas an o kheer kate te kote, un tchiwas pes pale ap leste. Koi nisewas ko ternepen efta kope. Koi pal kras job i jaka pre.

O Debleskro Lab 2024 (Sinte-Manouche)

³⁵ Palle stas yob pre, djas an o kheer kate te kote, oun čivas pes pale ap leste. Koy nisevas ko ternepen efta kope. Koy pal kras yob i yaka pre.

2. Rajengro liil 4:35 ပူးပေါင်းရင်းမြစ်များ

1. Rajengro liil 17:21

Un job tchiwas pes triin kope pral o tchaweste, un das pashel gole: “Miro baro Dewel, muk te well o djipen kau tchawestar pale an leste!”

1. Rajengro liil 17:22

Un o baro Dewel shunas ap o Elija, un ko djipen was pale an o tchaweste, un job was pale djido.

1. Rajengro liil 18:43

un penas ap peskro budepaskro: “Dja pre un dik koi, kai hi o baro pani!” Job djas, dikas un penas: “Kote hi tchi!” Un o Elija penas: “Dja pale!” Un o budepaskro djas un was pale, efta kope.

2. Rajengro liil 13:21

Un i diwes was, kai paskran i Israelitarja i murshes, kote dikan le kurepangre dran o them Moab. Sik lan le ko murshes un witsran les an o mulengro kheer pash o Elisa, un nashan penge. Un har ko mulo mursh ap i kokale o Elisestar peras, was lo djido un stas pre.

2. Rajengro liil 4:36

Un o Elisa das pal o Gehasi gole un penas: “De o tchaweskri dai gole!” Har job lat gole das, was joi dren pash o Elisa. Koi penas job: “Ake, le tiro tchawes!”

2. Rajengro liil 5:10

Koi bitchras o Elisa jekes pash leste, te penell kowa leske: “Dja koi un thob tut efta kope an o Jordan! Palle djal o nasslepen tutar un tiro mass well pale sasto.”

2. Rajengro liil 5:14

Koi djas job tele pash o pani Jordan un tchiwas pes tel o pani efta kope jaake har o Debleskro mursh kowa penas. Un leskro mass was pale sasto har ko mass i tikno tchawestar. Un job was sasto ap peskro tselo mass.

2. Rajengro liil 8:1

O Elisa rakras kol djuwjah, kai kras lo lakro tchawes djido, un penas: “Dja krik tire menshentsa an i wawar them, te djiwess koi! O baro Dewel mukell i tsiro te well an kau them, kai bokenn i menshe efta bersha.”

2. Rajengro liil 8:5

Un har o Gehasi o baro rajeske penas, kai o Elisa jekes djido kras, kai mulo his, koi was koi djuwel, kai kras job lakro tchawes djido, te rakrell li o baro rajeha pral lakro kheer un kotar them. Koi penas o Gehasi: “Miro baro rai, kaja hi koi djuwel, un kawa hi ko tchawo, koles o Elisa djido kras.”

Louka 8:55

Koi was pale djipen an late, un joi stas pre. Un job penas, te anenn le lake tchomone te chal.

Bičepangre 9:40

Un o Petro tradas len win, djas ap i tchanga glan o Debleste, mangas o Debles, un djas pash koi muli djuwjate un penas: “Tabita, ste pre!” Koi kras joi peskre jaka pre. Har joi o Petres dikas, beshas pes li pre.