2. Rajengro liil 4:29 - O Debleskro Drom 2021 (Sinte)

²⁹ O Elisa penas ap o Gehasi: “Tchip tiro pereskri dori trul tute, un le miro lengsto kasht an tiro wast, un dja an Shunem! Te tapreh jekes ap o drom, atch gar tardo, te rakress leha! Un te kamell jek tuha te rakrell, le tuke kek tsiro leske! Un tchip miro lengsto kasht ap ko tchaweskro mui!”

O Debleskro Lab 2024 (Sinte-Manouche)

²⁹ O Elisa penas ap o Gehasi: “Čip tiro pereskri dori troul toute, oun le miro lengsto kasht an tiro vast, oun dja an Shounem! Te tapreh yekes ap o drom, ač gar tardo, te rakress leha! Oun te kamell yek touha te rakrell, le touke kek tsiro leske! Oun čip miro lengsto kasht ap ko čaveskro mouy!”

2. Rajengro liil 4:29 ပူးပေါင်းရင်းမြစ်များ

1. Rajengro liil 18:46

Un o baro Debleskri soor was ap o Elija, un job pandas i pereskri dori trul peskro ripen un nashas glan o Ahab, bis te wan le an o foro Jesreel.

2. Rajengro liil 2:14

un las koi plaashka, das ap o pani un penas: “Kai hi kanna o baro Dewel, ko Dewel, koleske o Elija budras?” Un das ap o pani. Koi djas o pani ap dui rigja, un o Elisa djas ap i wawar rig.

2. Rajengro liil 2:8

Koi las o Elija peskri plaashka, tchiwas lat khetne un das koi peha ap o pani. Koi djas o pani ap dui rigja, jaake kai kol dui ap truk phub wergel djan.

2. Rajengro liil 4:12

Pal kowa penas job ap peskro budepaskro, o Gehasi: “De koi djuwel gole!” Un har was li glan i isema,

2. Rajengro liil 9:1

Un o Debleskro rakepaskro, o Elisa das jekes kol terne Debleskre rakepangren gole, un penas ap leste: “Tchip i pereskri dori trul tute, un le ko khoro, kai djet dren hi, tuha, un dja an ko foro Ramot an Gilead!

2. Mose 14:16

Tu, hade tiro kasht pre un tiro wast pral o baro pani, te krell lo pes pre un djal ap dui rigja. Jaake te nai djan i Israelitarja mashkral o baro pani ap i drom, hoi gar sapenes hi.

2. Mose 4:17

Un kau kasht le an tiro wast! Koleha kress tu ko baro koowa.”

Gosewe laba 31:17

Joi budrell phares un krell peskre mussja soreles.

Louka 10:4

Lenn kek lowe peha, kek possita, un kek wawar kircha, har kolla, hoi ap tumare pire hi! Un atchenn gar ap o drom tardo, te rakrenn tumer jekeha!

Bičepangre 19:12

Hi jaake, kai lan i menshe ninna i koola un menjakre dikle, hoi ap o Pauleste his, un tchiwan len ap kol nasslende, un o nasslepen djas lendar. Un i benga djan dran i menshende win, un jon wan sasto.

Bičepangre 3:16

Mer patsah ap leste. Doleske was kau mursh sasto. Tumer prindjrenn les lauter un djinenn, kai job nashas nai gar. Job patsas ap o Jesus Kristeste, un kowa kras les sasto.

Efesarja 6:14

Awenn jaake rido har i kurepaskro, kai djal an o kurepen! Trul leskro per hi i pessi soreli dori, un ap leskro betch i sasterno gad. Ap peskre pire riwell lo sorele kircha. Glan leste rikrell lo i buchli sasterni patri. Ap leskro shero hidjrell lo i sasterni stadi un an leskro tchatcho wast i charo. Djiwenn an o tchatchepen! Kowa hi jaake har te pandan i pessi soreli dori trul tumaro per. Krenn kowa, hoi hi mishto un latcho! Kowa hi har i sasterno gad ap tumaro betch.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.