2. Rajengro liil 4:16 - O Debleskro Drom 2021 (Sinte)

¹⁶ Un job penas: “Wawar bersh an kau tsiro rikreh tu i tchawo an tiri mussi.” Koi penas joi: “Ach, miro rai, tu Debleskro mursh, kre mange tchi glan!”

O Debleskro Lab 2024 (Sinte-Manouche)

¹⁶ Oun yob penas: “Vavar bersh an kava tsiro rikreh tou i čavo an tiri moussi.” Koy penas yoy: “Ah, miro ray, tou Debleskro morsh, kre mange či glan!”

2. Rajengro liil 4:16 ပူးပေါင်းရင်းမြစ်များ

1. Mose 17:21

Kokres ko koowa, hoi me tuha win krom, te wap tumaro Dewel un te wenn tumer mire menshe, kowa djal dureder ap o Isaak. Koles leh tu tiri romjatar Sara ko wawar bersh an kau tsiro.”

1. Mose 18:10

Koi penas jek kol trinendar ap leste: “Tchatchepah, wawar bersh an kau tsiro wau me pale pash tute. Koi hi tiri romjat, i Sara, i tchawo.” Un i Sara his tardo pal leste, pal o wudar ko plachteno kherestar, un shunas lengro rakepen.

1. Rajengro liil 17:18

Kote penas joi ap o Elija: “Hoske kral tu kowa mantsa, Debleskro mursh? Tu wal pash mande, te was miri doosh an o Debleskro shero. Doleske hunte meras miro tchawo.”

1. Rajengro liil 17:24

Kote penas koi djuwel ap o Elija: “Kanna djinau, kai tu hal i Debleskro mursh. Un ko rakepen, hoi tu win rakreh an o baro Debleskro lab, hi o tchatchepen.”

1. Rajengro liil 18:9

O Obadja penas: “Hoi krom tuke tchilatches, kai tu deh man an o Ahabeskro wast, te nai marell lo man?

2. Rajengro liil 2:19

Un kol mursha an ko foro Jericho penan ap o Elisa: “Maro rai, tu dikeh, an kau foro djiwah nai mishto. Kokres o pani hi gar mishto, un krell, te wenn i tchawe mules boldo.”

2. Rajengro liil 4:15

Job penas: “De lat gole, te well li kai!” Un har job lat gole das, was joi un his an o wudar tardo.

2. Rajengro liil 4:17

Un koi djuwel was an wawar koowa, un las i tchawo o wawar bersh an ko tsiro, har o Elisa kowa lake penas.

2. Rajengro liil 4:28

Joi penas: “Mangom me tutar, miro rajestar i mursh tchawo, te dess tu man? Na-a, me penom tuke, te kress mange tchi glan!”

Debleskri gili 116:11

Homs jaake phagedo, te penom: “I tsele menshe hi chochene.”

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.