2. Rajengro liil 3:25 - O Debleskro Drom 2021 (Sinte)

²⁵ Lengre forja kran le paash, un jon witsran barra ap haki latchi hachetikri phub, jaake kai koi phub i barrendar tchakedo was. Un kol brunna kran le pherdo tchik, un hako latcho ruk dan le trujel. Kokres i pre-tchidde barra trul o foro Kir-Heres atchan tardo. Trul o tselo foro his witsepangre tardo un witsran barra ap leste.

O Debleskro Lab 2024 (Sinte-Manouche)

²⁵ Lengre forya kran le paash, oun yon vitsran barra ap haki lači harhetikri phoub, yaake kay koy phoub i barrendar čakedo vas. Oun kol brounna kran le pherdo čik, oun hako lačo rouk dan le trouyel. Kokres i pre-čidde barra troul o foro Kir-Heres ačan tardo. Troul o tselo foro his vitsepangre tardo oun vitsran barra ap leste.

2. Rajengro liil 3:25 ပူးပေါင်းရင်းမြစ်များ

1. Mose 26:15

Un i tsele brunne, kai leskro dadeskre budepangre kran an o Abrahameskro tsiro, witsran le pherdo tchik, te nai lenn jon kek pani buder.

1. Mose 26:18

Un mukas kol brunne pale newes te krell, hoi jon kran an ko tsiro, kai leskro dad Abraham djiwas, un kolen i Filistarja pherdo tchik witsran pal leskro merepen. Un o Isaak das kol brunne ko lab, har leskro dad len das.

2. Samuel 8:2

Job das ninna kol Moabarja un penas, te tchiwenn le pen ap i phub. Un dui i trinendar kras lo mulo, un jek i trinendar mukas lo djido. Jaake was o Davides penepaske pral kol Moabende. Un jon hunte dan les rup un sonakai.

2. Rajengro liil 3:19

Lengre tsele sorele un kutch forja lenn tumer dren. Un kol tsele latche ruka denn tumer trujel, un krenn pandlo i tsele brunne, kai nashell pani win, un tchiwenn barra ap lengri hachetikri phub, jaake kai nai well tchi bares pre.”

2. Rajengro liil 3:24

Un har jon pash koi platsa wan, kai i Israelitarja his, wan kolla win, un dan kol Moabarjen. Un jon nashan krik lendar. Un i Israelitarja lan len palla un dan len.

2. Rajengro liil 3:26

Har ko baro rai pral kol Moabarja dikas, kai nashrell lo o kurepen, las job 700 (efta-sheel) lurden peha, kai kurenn pen nai o chareha, un kamas lentsa te nashell kote, kai o baro rai pral Edom peskre lurdentsa tardo hi. Kowa djas lenge gar.

2. Familjakro liil 32:4

Un jaake wan bud menshe khetne un tchakran kol tsele tikne panja un ninna ko lengsto pani, hoi nashas tel i phub. Jon penan penge: “Te wenn kol bare raja dran o them Assur, nai hatsenn le kek pani kate pash mende.”

Jesaja 15:1

Kate sikrell o Dewel, hoi pral o them Moab wella. An jek rat well o foro Ar an o them Moab khetne stakedo. Un ko foro hi buder gar koi. An jek rat well o foro Kir an o them Moab khetne stakedo. Un o foro hi buder gar koi.

Jesaja 16:11

Doleske rowell miro dji pral i menshende an o them Moab. Lauter an mande trissell o foreske Kir-Heres.

Jesaja 16:7

O diwes well, kai rowenn le an o them Moab. Halauter rowenna. Lenge hi phares an o dji, te hi len buder kek drakengre merklia, hoi wan kerdo an o foro Kir-Heres. Dino an o dji denn jon gole i dukatar.

Jeremia 48:31

Doleske hunte rowap pral i Moabarja, un dau gole pral o tselo them. Mange hi ropaske pral kol menshende an o foro Kir-Heres.

Jeremia 48:36

Doleske giwau miri ropaskri gili pral o them Moab, pral i menshende an o foro Kir-Heres. Miri gili hi har ko bashepen ap i tikne phurdepangre, hoi bashrenn le, te meras jek. Ko tselo brawlepen, hoi le penge khetne anan, hi buder gar koi.

5. Mose 2:9

Un o baro Dewel penas ap mande: “Kre i menshenge an o them Moab kek tchilatchepen, un ma muk tut an i tchingepen lentsa dren! Ma bistrenn, jon hi i menshe, kai wenna pal o Lot. Lenge dom o foro Ar un ko them trujel, te djiwenn le kote. Me kamau tut tchi lengro themestar te dell.”

Čačepangre 9:45

Un o tselo diwes kuras pes o Abimelech i murshentsa dran o foro, un las o foro dren. Un i menshen, kai an o foro hi, das lo temerl. Un i khera kras lo paash, un witsras loon ap lende.