2. Rajengro liil 3:21 - O Debleskro Drom 2021 (Sinte)

²¹ Har i Moabarja shunan, kai kol triin bare raja pengre lurdentsa pre wan, te kurenn le pen lentsa, dan jon i tsele murshen khetne gole, kai phuro doha his, kai nai djan an o kurepen, un anan len pash i themeskri rig, kai o them Israel well.

O Debleskro Lab 2024 (Sinte-Manouche)

²¹ Har i Moabarya shounan, kay kol triin bare raya pengre lourdentsa pre van, te kourenn le pen lentsa, dan yon i tsele morshen khetne gole, kay phouro doha his, kay nay djan an o kourepen, oun anan len pash i themeskri rig, kay o them Israel vell.

2. Rajengro liil 3:21 ပူးပေါင်းရင်းမြစ်များ

1. Rajengro liil 20:11

Kote penas o baro rai Ahab: “Penenn leske: Kowa, kai pandell o charo trul peste, te djal lo an o kurepen, hunte krell kek baro rakepen. Kowa, kai well pale dran o kurepen nai krell pes bares.”

2. Rajengro liil 3:20

O wawar diwes taissarlakro, an ko tsiro, kai chatchran le chapen o Debleske, was pani i berge Edom tele. Un ko them was pherdo pani.

2. Rajengro liil 3:22

Un har jon taissarlakro pre stan, un o kham pre djas pral o pani, dikas kowa i lurdenge dran Moab dural jaake win, har te well ko pani lolo har rat.

Efesarja 6:14

Awenn jaake rido har i kurepaskro, kai djal an o kurepen! Trul leskro per hi i pessi soreli dori, un ap leskro betch i sasterno gad. Ap peskre pire riwell lo sorele kircha. Glan leste rikrell lo i buchli sasterni patri. Ap leskro shero hidjrell lo i sasterni stadi un an leskro tchatcho wast i charo. Djiwenn an o tchatchepen! Kowa hi jaake har te pandan i pessi soreli dori trul tumaro per. Krenn kowa, hoi hi mishto un latcho! Kowa hi har i sasterno gad ap tumaro betch.