2. Rajengro liil 25:5 - O Debleskro Drom 2021 (Sinte)

⁵ Un i lurde dran o them Babilonia lan sik o baro rajeske Zedekja palla. Un jon lan les dren un tapran les an o telstuno them pash o foro Jericho. Un kol tsele kurepangre, kai pash leste his, nashan penge lestar krik, un mukan les.

O Debleskro Lab 2024 (Sinte-Manouche)

⁵ Oun i lourde dran o them Babilonia lan sik o baro rayeske Sedekya palla. Oun yon lan les dren oun tapran les an o telstouno them pash o foro Yericho. Oun kol tsele kourepangre, kay pash leste his, nashan penge lestar krik, oun moukan les.

2. Rajengro liil 25:5 ပူးပေါင်းရင်းမြစ်များ

2. Rajengro liil 25:4

Kote phagan i Babilonarja an o foro dren. Un an koi rati nashan i tsele kurepangre win dran ko wudar mashkral kol dui massurja, hoi hi pash o rajeskro baar, ninna te his i Babilonarja trul o foro tchiddo. Koi nashas o Zedekja peskre lurdentsa an o telstuno them, kai o pani Jordan nashell.

2. Rajengro liil 25:6

I lurde dran o them Babilonia lan o baro rajes Zedekja un pandan les un anan les an o foro Ribla pash o baro rajeste pral o them Babilonia. Un jon rakran i phagi pral leste win.

Jesaja 30:16

Tumer penenn: “Na-a, ap graja kamah sik te klissell. Mare graja hi sik naashepangre.” Awa, tumer nashenn sik tumenge. Un kolla, kai tumen palla lenn, nashenn gomme sikeder.

Jeremia 21:7

Un koi pal dau me o Zedekja, ko baro rajes pral Juda, an kol wasta o baro rajestar pral Babilonia, o Nebukadnezar, ninna leskre pralstunen un kol menshen kate an kau foro, kolla, kai gar meran ap o nasslepen, an o kurepen un i bokatar. Kowa penau me, o baro Dewel. Me dau tumen an i wasta kolendar, kai kamenn tumen te marell. O Nebukadnezar mukell tumen lauteren o chareha mulo te dell, un les khaitell kowa gar, un job krell peskro dji tumenge pandlo.

Jeremia 24:8

O baro rai Zedekja dran o them Juda un kol pralstune, kai leske budrenn, un kol tsele menshe, kai pral atchan an o foro Jerusalem un an o them Juda, ninna kolla, kai nashan penge an o them Egiptia, kolentsa lauterentsa krau me jaake har kol djungele faigentsa, hoi jaake djungele hi, te nai chal len kek. Kowa penau me, o baro Dewel.

Jeremia 34:3

Un ninna tu nai nasheh gar glan leskro wast krik. Na-a tu weh tapedo un an leskro wast dino. Tu dikeh les tire jakentsa un rakreh leha mui ap mui. Un palle weh an o them Babilonia anlo.

Jeremia 39:5

I lurde dran Babilonia lan len palla, un tapran o Zedekja an o telstuno them pash o foro Jericho, un pandan les un anan les pash o Nebukadnezar, ko baro rai dran o them Babilonia. Kowa his an o foro Ribla an o them Hamat. Job rakras pral leste i phagi win.

Jeremia 52:8

koi nashan i lurde dran o them Babilonia sik o baro rajeske Zedekja palla. Un jon lan les dren un tapran les an o telstuno them pash o foro Jericho. Un kol tsele kurepangre, kai pash leste his, nashan penge krik.

Ropaskre gilja 1:3

I menshe dran Juda hi pandle budepangre, hunte budrenn tel dawa, un djiwenn an wawar themma. Ninna kote hunte well len daar. Halauter, kai len palla lenn, wenna un rikrenn pengro wast ap lengri meen.

Ropaskre gilja 1:6

O foro Zion nashras peskro tselo shukapen! Leskre pralstune hi har tserfe, kai hatsenn kek senlepen. Un wi-bokedo hi len kek soor, te nashenn le penge glan kolende, kai len palla lenn.

Ezekiel 12:14

Un i tsele menshe, kai trul leste trujel hi, kolla, kai pash leste rikrenn, un leskre lurde, kolen tradau me ap hake rigja. Un o charo lell len palla.

Ezekiel 17:21

Un leskre wi-rodede lurde wenn o chareha mulo dino. Un kolla, kai djido atchenn, wenn tradedo ap hake rigja. Un tumer dikenn un haiwenn, te rakrom me, o baro Dewel.

Ezekiel 19:1

O baro Dewel penas mange: Tu, gib i ropaskri gili pral i rajende dran o kheer Israel.