2. Rajengro liil 25:3 - O Debleskro Drom 2021 (Sinte)

³ Ap o enjato diwes an o starto tchon was i bok bares an o foro, un i menshen his buder tchi te chal.

O Debleskro Lab 2024 (Sinte-Manouche)

³ Ap o enyato dives an o starto čon vas i bok bares an o foro, oun i menshen his bouder či te rhal.

2. Rajengro liil 25:3 ပူးပေါင်းရင်းမြစ်များ

2. Rajengro liil 25:2

Jaake was ko foro dren pandlo bis an o deesh-te-jekto bersh, kai o Zedekja baro rai his.

2. Rajengro liil 6:24

Pal i tsiro las ko baro rai pral Syria – leskro lab his Ben-Hadad – peskre tsele lurden khetne, peras lentsa an o them Israel dren un tchiwas pes trul o foro Samaria.

2. Rajengro liil 6:25

Har jon jaake i rah tsiro o foro dren pandan, was i bok an o foro Samaria baro. I eseltikro shero was 80 (ochta-deesh) rupene beme un i wast pherdo tchirklengri tchik was pantch rupene beme.

Jesaja 3:1

O baro Dewel, ko rai pral o bolepen un i phub, lell dran o foro Jerusalem un dran o them Juda lauter krik, ap koleste i menshe pen rikran un hoi len soor das. O tselo maro un o tselo pani lell lo lendar krik.

Jeremia 19:9

Kol lurde, kai kamenn len te marell, tchiwenn pen trul o foro un pandenn les dren. Koi well sawo tchilatcho tsiro, kai kol menshe an ko foro jek i wawares pre chan, ninna pengre tchawen chan jon pre.

Jeremia 37:21

Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

Jeremia 38:2

Kowa penell o baro Dewel: Kowa, kai atchell an kau foro, kowa well o chareha, i bokatar un i nasslepastar maredo. Un kowa kai djal win pash i Babilonarja, kowa atchell djido, ninna te atchell leske tchi har peskro djipen.

Jeremia 39:2

An o deesh-te-jekto bersh, kai o Zedekja baro rai his, ap o enjato diwes an o starto tchon, phagan jon an o foro dren.

Jeremia 52:6

Ap o enjato diwes an o starto tchon was i bok bares an o foro, un i menshen his buder tchi te chal.

Ezekiel 14:21

Un kanna penell o baro Dewel, maro rai: Ap ko tsiro, kai bitchrau star phare dawa pral ko foro Jerusalem – kurepen, bok, diwje vieche un pharo nasslepen, – te merenn i menshe un vieche koi dren,

Ezekiel 5:10

I tsiro well, kai chan dada pengre tchawen mashkral an Jerusalem, un tchawe chan pengre daden. Jaake pharo well miri phagi, hoi dau tumende. Un halauter, kai tumendar pral atchenn, wenn win tradedo ap hake rigja.

Ezekiel 5:12

O triinto kotar tumendar merell ap i pharo nasslepen un i bokatar. Un i triinto kotar tumendar well glan o foro o chareha mulo dino. Un i triinto kotar tumendar tradau win ap hake rigja, un me lau len palla o chareha.

Ezekiel 7:15

Glan o foro hi kol lurde, kai kamenn i Israelitarjen te marell. An o foro hi i pharo nasslepen un bok. Koon win glan o foro hi, kowa well o chareha maredo. Un koon an o foro dren hi, merell ap o pharo nasslepen un i bokatar.

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

Zakarie 8:19

Kowa penell o baro Dewel, ko rai pral o bolepen un i phub: “Kol diwessa an o starto, pantchto, eftato un deshto tchon, kai i menshe tchi chan, te rodenn le man, kal diwessa wenn i bachtelo tsiro o khereske Juda. An kal diwessa giwenn un khelenn le i bachtjatar. Tumenge penau, rodenn o tchatchepen! Un denn jak, te well kek tchingepen mank tumende!”