2. Rajengro liil 25:22 - O Debleskro Drom 2021 (Sinte)

²² Pral kol menshende, kai pral atchan an o them Juda, kolen o Nebukadnezar, ko rai pral o them Babilonia, pral mukas, tchiwas lo o murshes Gedalja, koleskro dad o Ahikam his, koleskro dad o Shafan his.

O Debleskro Lab 2024 (Sinte-Manouche)

²² Pral kol menshende, kay pral ačan an o them Youda, kolen o Neboukadnezar, ko ray pral o them Babilonia, pral moukas, čivas lo o morshes Gedalya, koleskro dad o Ahikam his, koleskro dad o Shafan his.

2. Rajengro liil 25:22 ပူးပေါင်းရင်းမြစ်များ

2. Rajengro liil 22:12

Un o baro rai kharas kol murshen khetne: o rashai Hilkija, o Ahikam, ko his i tchawo o Shafanestar, o Achbor, koleskro dad o Mikaja hi, o Shafan, kai tchinas i lila, un o Asaja, ko his i pralstuno an o baro rajeskro kheer. Un o baro rai penas lenge:

2. Rajengro liil 25:25

Un an o eftato tchon was o Jishmael, koleskro dad o Netanja his, koleskro dad o Elishama his. Kolla his dran o baro rajeskri familja. Un deesh mursha his pash leste. Un jon dan o Gedaljes temerl. Koi pashel maran le ninna kol murshen dran o them Juda un dran o them Babilonia, kai pash leste his an o foro Mizpa.

2. Familjakro liil 34:20

Un o baro rai kharas kol murshen khetne: o Hilkija, o Ahikam, ko his i tchawo o Shafanestar, o Achbor, koleskro dad o Micha hi, o Shafan, kai tchinas i lila, un o Asaja, ko his i pralstuno an o baro rajeskro kheer. Un o baro rai penas lenge:

Jeremia 26:24

Pral o Jeremijes rikras o Ahikam peskro wast. Koleskro dad his o Shafan. O Ahikam mukas les gar an i wasta kol menshendar te dell, kai kaman les te marell.

Jeremia 41:1

An o eftato tchon was o Jishmael an o foro Mizpa. Leskro dad his o Netanja, koleskro dad o Elishama his. O Jishmael his dran i rajengri familja, un jek o pralstunendar o baro rajestar. Un pash leste his deesh mursha. Khetne djan le pash o Gedalja, koleskro dad o Ahikam his. Un jon chan kote khetne an o foro Mizpa.

Jeremia 41:18

Len his traash glan i Babilonarja, doleske kai o Jishmael o Gedaljes mulo das, koles o baro rai dran o them Babilonia pral o them Juda tchiwas.

Jeremia 41:2

Un o Jishmael stas khetne peskre deesh murshentsa pre, kai pash leste his, un dan o Gedalja o chareha mulo, koles o baro rai dran o them Babilonia pral o them tchiwas.

Jeremia 43:5

O Johanan un i tsele pralstune lurde lan halauteren khetne pash pende, kai pral atchan dran o them Juda, un kolla kai nashan penge an wawar themma, un palle khere wan, te djiwenn le an o them Juda.