2. Rajengro liil 25:21 - O Debleskro Drom 2021 (Sinte)

²¹ Un o baro rai pral o them Babilonia mukas len temerl te dell an o foro Ribla an ko kotar them, hoi kharell Hamat. Jaake wan i menshe dran o them Juda krik anlo dran pengro them.

O Debleskro Lab 2024 (Sinte-Manouche)

²¹ Oun o baro ray pral o them Babilonia moukas len temerl te dell an o foro Ribla an ko kotar them, hoy kharell Hamat. Yaake van i menshe dran o them Youda krik anlo dran pengro them.

2. Rajengro liil 25:21 ပူးပေါင်းရင်းမြစ်များ

2. Rajengro liil 23:27

Un o baro Dewel penas: “Me kamau ninna i menshen dran o them Juda mandar krik te tchiwell, jaake har me kolen dran o them Israel mandar krik tchiwom. Un kamau kau foro pale te tchiwell, kau foro Jerusalem, hoi me mange wi-rodom, un ko kheer, kolestar me penom: ‘Kamoms te mangenn le man kote an.’”

5. Mose 28:64

Un job tradell tumen mank i menshende an i tsele themma ap kai phub, kolen kate, un kol wawaren kote. Lengre deblen dran kasht un bar mangenn tumer kote an. Kol deblen prindjrenn tumer gar un prindjran witar gar tumare phure.

Amos 5:27

an ko tsiro, kai anau tumen pandles an i them, hoi hi tchiddo pal o foro Damaskus. Me, o baro Dewel, ko rai pral o bolepen un i phub, penau kowa.

Ezekiel 24:14

Me, o baro Dewel penom kowa, un me krau les ninna jaake. Kau tsiro was, te krap kowa. Me rikrau man gar pale, te dap tumen i phagi, tumer khaitenn man gar. Me krau miro dji gar pre tumenge. Tumer lenn tumari phagi pal kowa har djiwan un hoi kran. Kowa penell o baro Dewel, maro rai.

2. Rajengro liil 17:20

Doleske witsras o baro Dewel kol tsele menshen Israel ap i rig, un kras lengro djipen phares, un das len an i wasta kol menshendar, kai lendar tchoran, bis te his le dur lestar krik tradedo.

5. Mose 28:36

O baro Dewel tradell tumen un ko rajes, koles tumer pral tumende tchiwan, pash i menshende an i wawar them, kai tumer an kek tsiro djiwan, witar gar tumare phure. Un kote mangenn tumer un barrengre deblen an.

5. Mose 4:26

Kau diwes dau man sowel glan o bolepen un i phub, te krenn tumer sawo koowa, djiwenn gar rah an o them, hoi tumer dren lenna wergel o pani Jordan. Kokres i tikno tsiro atchenn tumer koi. Palle wenn tumer lauter krik tradedo.

1. Rajengro liil 8:46

Tu djineh, kai kek mensho djudjo hi an peskro dji un an peskro djipen glan tute. Doleske nai well, kai mukenn tire menshe tiro drom, un tu choireh tut pral lende un mukeh len an o wast wawar menshendar te well, te anenn jon len pandles an pengro them – kowa nai well dur oder gar jaake dur.

Jeremia 52:27

Un o baro rai pral o them Babilonia mukas len temerl te dell an o foro Ribla, hoi an o them Hamat tchiddo hi. Jaake hunte djan i menshe dran o them Juda an o pandepen.

5. Mose 29:27

Un bari choljah tradas len o baro Dewel win dran lengro them. Les khaitan le gar. Job witsras len an i wawar them, jaake har kowa kau diwes hi.

2. Rajengro liil 17:23

Kowa djas jaake rah, bis te o baro Dewel i Israelitarjen glan peste krik tradas, un was jaake har leskre budepangre glan-wi penan, kolla, kai leskre rakepangre his. Jaake wan i Israelitarja dran o them Israel pandles krik anlo an o them Assur. Kote hi le gomme kau diwes.

2. Rajengro liil 24:15

Un job mukas an o them Babilonia te anell: o Jojachin un leskri dai un leskre romja; kol raja, kai an leskro kheer his; ninna pandas lo an o foro Jerusalem i pralstunen pral o them Juda, un anas len an o them Babilonia;

Jeremia 16:13

Doleske tradau me tumen dran kau them win an i them, kai prindjrenn tumer gar un kai prindjran tumare phure witar gar. Kote hunte wenn wawar deblenge koi ap o diwes un ap i rati; me krau miro dji tumenge pandlo.

Ropaskre gilja 4:16

O baro Dewel kamell len buder gar te dikell. Job hi kowa, kai tradas len kate te kote. Ap kol rashajende dikas buder kek pre, un i phurentsa djan le gar kamles trujel.