2. Rajengro liil 24:4 - O Debleskro Drom 2021 (Sinte)

⁴ un maras bud sawen, kai kek tchilatchepen kran, un anas lengro rat pral peste. Un o tselo foro Jerusalem his pherdo rat. Kau koowa kamas o baro Dewel gar te bistrell.

O Debleskro Lab 2024 (Sinte-Manouche)

⁴ oun maras boud saven, kay kek čilačepen kran, oun anas lengro rat pral peste. Oun o tselo foro Yerusalem his pherdo rat. Kava koova kamas o baro Devel gar te bistrell.

2. Rajengro liil 24:4 ပူးပေါင်းရင်းမြစ်များ

2. Rajengro liil 21:11

O Manasse, ko baro rai pral o them Juda, kras baro tchilatchepen, hoi djungleder hi har lauter, hoi i Amorarja kran, kai glan leste djiwan. Un job anas ninna i menshen dran o them Juda ap i tchilatcho drom peskre tsele mule deblentsa.

2. Rajengro liil 21:16

Ninna mukas o Manasse bud menshen te marell, ap kolende kek doosh his. An o foro Jerusalem nashas lengro rat har pani. Koi pashel was koi doosh, hoi lo ap o them Juda anas, har anas lo i menshen ap i tchilatcho drom, kai kran le, hoi gar mishto hi an o baro Debleskre jaka.

2. Rajengro liil 23:26

Ninna te kras o Josia kowa lauter, mukas o baro Dewel gar tele peskri choljah, hoi les his pral o them Juda, fothe choiras les ko tselo djungelo koowa, hoi o Manasse kras.

2. Rajengro liil 24:5

Kowa, hoi budeder penepaske hi pral o Jojakim, un halauter, hoi lo kras, kowa hi tchinlo an i familjakro liil i bare rajendar pral o them Juda.

Debleskri gili 106:38

Awa, jon dan pengre tchawen un tchen mulo, kai kek doosh ap pende anan, un dan len kol mule deblen, kolen i Kanaanitarja an-mangan. Jaake anan le rateskri doosh ap o them Kanaan,

Gosewe laba 6:17

jaka, kai dikenn tele ap i wawarende; i mui, hoi rakrell chochepen; wasta, hoi marenn sawen, kai kek tchilatchepen kran;

Jeremia 15:4

I tsele menshe ap i phub denn i wasta pral o shero khetne, te dikenn jon kowa. Koja hi koi phagi koleske, hoi ko baro rai Manasse an Jerusalem kras. Leskro dad hi o Hiskija, ko baro rai pral Juda.

Jeremia 19:4

Mire menshe mukan man un kran kau kotar them pale-tchiddo, har chatchran le sungepaskro koowa wawar deblenge, kolen prindjrenn jon gar un witar gar lengre phure. Ninna kol bare raja pral o them Juda prindjran len gar. An kau foro maran le menshen, kai kek tchilatchepen kran.

Jeremia 2:34

Ninna hatsan le ap tire koola o rat i tchorwelendar, kai kran kek tchilatchepen, un kai tu gar koi pashel tapral, kai phagan le an tiro kheer dren. Ninna te kral tu kowa lauter,

Jeremia 22:17

Jojakim, tire jaka un tiro dji dikenn ap tchi wawares, har te wess brawleder tiro chochepah. Tu mareh kolen, kai kek tchilatchepen kran, un rikreh i menshen sorjah un dawentsa tele.

Jeremia 32:31

Bari choli chatchas an mande pral kau foro jaake rah har lo tardo hi. Doleske hunte tchiwap les glan mande krik, te dikap les buder gar.

Ropaskre gilja 3:42

Mer anam doosh pral mende kokres, un shunam gar ap tute. Kowa bistral tu menge gar.

Ezekiel 22:3

Pen: Kawa penell o baro Dewel, maro rai: Tumer, kai djiwenn an o foro, maran bud menshen tumendar un kran tumenge chochene deblen, te wan pale-tchiddo o baro Debleske. Tumaro tsiro hi koi!

Ezekiel 24:6

Kawa penell o baro Dewel, maro rai: Hawi bibacht well ap o foro, hoi jaake bud rateskri doosh ap peste las! Ko foro hi har i piri, hoi gar djudjo kerdo was, un kolakro tchik gar tele djal. Le jek kotar mass pal o wawar win dran late! Muk tchi an i piri dren!

Ezekiel 24:8

Me mukom ko rat ap ko baro bar, kai well lo diklo, te mukap miri choli soreles te well pral lende, te dap len pale, hoi le kran.

Ezekiel 33:25

Doleske pen lenge: Kawa penell o baro Dewel, maro rai: Tumer chan ko mass o rateha, un mangenn chochene deblen an un marenn menshen! Patsenn tchatchepah, ko them hi tumaro?

4. Mose 35:33

Ma krenn ko them pale-tchiddo, kai djiwenn! Pale-tchiddo well ko them dran o rat, hoi ratell, te well jek maredo. Kokres ko rateha kolestar, kai maras jekes, nai well o them pale djudjo.

5. Mose 19:10

Jaake hi tumen doha forja kai nai nashell jek dren. Un jaake krenn tumer, te well an tumaro them, hoi tumaro baro Dewel tumenge dell, kek mensho maredo, ap koleste kek doosh hi. Te wals sawo mensho maredo, anans bari doosh ap tumende.

5. Mose 29:19

Ap saweste dikell o baro Dewel gar latches, na-a, pral koleste chatchell leskro dji i choljatar. Un ko tselo praassepen un i tseli bibacht, hoi an kau liil tchinlo hi, well ap leste tchiddo. Un o baro Dewel krell, te well job un leskri familja bistedo ap i tseli phub.