2. Rajengro liil 24:14 - O Debleskro Drom 2021 (Sinte)

¹⁴ Un o Nebukadnezar anas i tsele menshen dran o foro Jerusalem an peskro them Babilonia, i pralstune, i bare lurde, un i tsele budepangre, kai nai budran mishto o kashteha un o sasteha. Kolla lauter his 10.000 (deesh serja) pandle. Kek atchas pale, kokres i tchorwele an o them.

O Debleskro Lab 2024 (Sinte-Manouche)

¹⁴ Oun o Neboukadnezar anas i tsele menshen dran o foro Yerusalem an peskro them Babilonia, i pralstoune, i bare lourde, oun i tsele boudepangre, kay nay boudran mishto o kashteha oun o sasteha. Kolla lauter his 10.000 (deesh zerya) pandle. Kek ačas pale, kokres i čorvele an o them.

2. Rajengro liil 24:14 ပူးပေါင်းရင်းမြစ်များ

2. Rajengro liil 24:16

koi pashel 7.000 kol feteder murshendar; un 1.000 mursha kolendar, kai nai budran mishto o kashteha un o sasteha; un i tsele kurepangre. Kolen lauteren anas lo an o pandepen an o them Babilonia.

2. Rajengro liil 25:12

Kokres i tchorwelendar an o them mukas lo sawe koi, te budrenn le ap o drakengro them un ap o hachetikro them.

1. Familjakro liil 9:1

Un i tsele Israelitarja wan pengro labeha dren tchinlo an familjengre lila. Kal lila hi khetne lino an o liil i bare rajendar pral Israel. Un i menshe dran o them Juda mukan pengro Debles un wan doleske pandles anlo an o them Babilonia.

Esra 2:1

Kalla hi kol menshe, kai an o them Juda djiwenn. Kolla wan pale dran o pandepen, kai o baro rai pral Babilonia, o Nebukadnezar, len krik anas. Kolla wan pale pale an o foro Jerusalem un an o them Juda, hakeno an peskro foro.

Nehemia 1:2

Ap ko tsiro was o Hanani pash mande, jek mire phralendar, wawar murshentsa dran o them Juda. Un me putchom lendar, har djal i biboldenge, kai wan gar pandles krik anlo un atchan an o them Juda. Ninna putchom lendar, har djal o foreske Jerusalem.

Ester 2:6

Leskri familja his mank kol menshende, kai pandlo wan, har lengro baro rai, ko baro rai pral o them Juda, o Jekonja, pandlo was. Un o baro rai pral o them Babilonia, o Nebukadnezar, mukas len an peskro them te anell.

Jesaja 3:2

Ninna i sorele murshen, i kurepangren, i tchatchepangre murshen, o Debleskre rakepangren, i durkepangren un i phureden lell lo lendar.

Jeremia 27:20

hoi o baro rai dran Babilonia, o Nebukadnezar, gar peha las, har anas lo o baro rajes pral o them Juda, o Jekonja, koleskro dad o Jojakim his, an o them Babilonia, khetne kol pralstunentsa dran o them Juda un dran o foro Jerusalem.

Jeremia 28:4

Ninna anau o baro rajes pral Juda pale an kau foro, o Jekonja, koleskro dad o Jojakim his, khetne kol tsele menshentsa, kai dran o them Juda an o them Babilonia pandles anlo wan. Awa, phagau i soor o baro rajestar dran Babilonia. Kowa penell o baro Dewel.”

Jeremia 29:2

Job tchinas kau liil pal kowa, kai o baro rai Jekonja un leskri dai krik anlo wan khetne kol pralstunentsa dran o baro rajeskro kheer un i pralstunentsa dran o them Juda un dran o foro Jerusalem. Ninna kol budepangre an Jerusalem, kai haiwenn mishto te budrell o kashteha un o sasteha wan lentsa krik anlo.

Jeremia 39:10

Kokres i tchorwelen, kolen kai tchi his, mukas o Nebusaradan, an o them Juda pale, un das len drakengro them un hachetikri phub.

Jeremia 40:7

Koi his pralstune lurde dran o them Juda pengre lurdentsa kate te kote an o them. Jon shunan, kai tchiwas o baro rai dran o them Babilonia ko tchawes o Ahikamestar, o Gedalja, pral o them un pral kol murshende un djuwjende un tchawende un kol tchorwelende, kai gomme an o them Juda his, un gar an o them Babilonia krik anlo wan.

Jeremia 52:16

Kokres i tchorwelendar an o them mukas lo sawe koi, te budrenn le ap o drakengro them un ap o hachetikro them.

Jeremia 52:28

Kalla hi kol menshe, kai mukas o Nebukadnezar pandles an Babilonia te anell: Har lo an o eftato bersh o baro rai his: 3.023 (triin-serja-biish-te-triin) menshe dran o them Juda;

Ezekiel 17:14

te well ko them Juda gar sorelo un nai hadell pes gar, un te well kowa dren rikedo, hoi jon win kran.

Ezekiel 17:3

Pen lenge: Kawa penell o baro Dewel, maro rai: Kote his i baro adlari. Koles his bare mussja un pesse shukar phora trul peskro shero. Kowa djas ap i berga Libanon un phagas o pralstuno kotar i rukestar krik, hoi kharell zedera,

Mateo 1:11

Koleskre tchawe his o Jojachin un leskre phrala. Ap ko tsiro wan i Israelitarja pandlo, un wan an o them Babilonia anlo.

Mateo 1:12

Un har jon an o them Babilonia djiwan, was o Shealtijel boldo. Leskro dad his o Jojachin. Un o Shealtijel las i tchawes. Kowa his o Serubbabel.

Mateo 1:17

Kol tsele phure, kai djiwan jek pal o wawar pal o Abraham un glan o David, his deesh-te-star phure. Un kol tsele phure, kai djiwan jek pal o wawar pal o David un glan ko tsiro, kai wan i Israelitarja an o them Babilonia anlo, his deesh-te-star phure. Un kol tsele phure, kai djiwan jek pal o wawar pal ko tsiro, un glan o Jesus Kristo, his ninna deesh-te-star phure.

5. Mose 28:36

O baro Dewel tradell tumen un ko rajes, koles tumer pral tumende tchiwan, pash i menshende an i wawar them, kai tumer an kek tsiro djiwan, witar gar tumare phure. Un kote mangenn tumer un barrengre deblen an.

1. Samuel 13:19

An ko tsiro his kek mursh an o tselo them Israel, kai haiwas mishto sasterne koola te krell. I Filistarja daran, te krenn pen i Israelitarja chare un witsepaskre tchurja. Doleske mukan le kekes, kai kowa haiwas, peskri budi te krell.