2. Rajengro liil 24:12 - O Debleskro Drom 2021 (Sinte)

¹² Un o Jojachin, ko rai pral o them Juda, das pes an i wasta ko rajestar dran o them Babilonia, un djas win pash leste: job un leskri dai un leskre pralstune budepangre un bare lurde, ninna kol raja, kai an leskro kheer his. Un o Nebukadnezar, ko baro rai dran o them Babilonia, tchiwas les stildes. An ko tsiro his o Nebukadnezar an o ochtato bersh baro rai.

O Debleskro Lab 2024 (Sinte-Manouche)

¹² Oun o Yoyakin, ko ray pral o them Youda, das pes an i vasta ko rayestar dran o them Babilonia, oun djas vin pash leste: yob oun leskri day oun leskre pralstoune boudepangre oun bare lourde, ninna kol raya, kay an leskro kheer his. Oun o Neboukadnezar, ko baro ray dran o them Babilonia, čivas les stildes. An ko tsiro his o Neboukadnezar an o orhtato bersh baro ray.

2. Rajengro liil 24:12 ပူးပေါင်းရင်းမြစ်များ

2. Rajengro liil 20:18

Ninna tire tchawendar, kai tutar wenna, wenn lino un wenn budepangre an o kheer o baro rajestar pral o them Babilonia.”

2. Rajengro liil 24:11

Un o Nebukadnezar was pash ko foro, har leskre lurde ninna koi tardo his, un mukan kekes dren te win.

2. Rajengro liil 25:27

Har o Ewil-Merodach o baro rai pral Babilonia was, mukas lo gomme an kau bersh o Jojachin, ko rajes pral o them Juda dran o stilepen te lell. Kowa his an o 37. (trijanda-te-eftato) bersh, har o Jojachin krik anlo was, ap o 27. (biish-te-eftato) diwes an o deesh-te-duito tchon.

2. Rajengro liil 25:8

O baro rajes pral o them Babilonia, o Nebukadnezar, les his i baro lurdo an peskro kheer. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o eftato diwes an o pantchto tchon an o foro Jerusalem.

2. Familjakro liil 36:10

Un har o bersh trujel his, mukas les o Nebukadnezar an o foro Babilon te anell, un mukas leha bud kutch koowa dran o baro Debleskro kheer te anell, un tchiwas leskro kakes, o Zedekja, pral o them Juda un o foro Jerusalem, te well lo baro rai.

Ester 2:5

Un an o sorelo kheer an Susa djiwas i biboldo. Kowa kharas Mordekai. Leskro dad his o Jair, un leskro papo his o Shimi. Koleskro dad his o Kish. Kowa his i Benjaminari.

Ester 2:6

Leskri familja his mank kol menshende, kai pandlo wan, har lengro baro rai, ko baro rai pral o them Juda, o Jekonja, pandlo was. Un o baro rai pral o them Babilonia, o Nebukadnezar, mukas len an peskro them te anell.

Jesaja 24:6

Doleske chal i bibacht i tseli phub pre. Un kolla, kai koi djiwenn, lenn pengri phagi. Bud un budeder merenn. Un gar bud atchenn djido.

Jeremia 13:18

Pen o baro rajeske un leskri dake: Awenn tele tumari beshepaskri! I raili rajeskri stadi peras tumaro sherestar tele.

Jeremia 24:1

His an ko tsiro, kai anas o Nebukadnezar, ko baro rai dran o them Babilonia, o baro rajes pral Juda, o Jekonja, koleskro dad o Jojakim his, pandles dran Jerusalem an o them Babilonia. Khetne leha anas lo i pralstunen pral Juda krik, ninna kolen, kai haiwan o kashteha un o sasteha te budrell. An ko tsiro sikras man o Dewel dui korbe, kai faige dren his, tardo glan o baro Debleskro kheer.

Jeremia 25:1

O Jojakim, koleskro dad o Josia his, his o starto bersh o baro rai pral o them Juda. Un o Nebukadnezar his o ersto bersh baro rai pral o them Babilonia. Koi rakras o baro Dewel ap o Jeremia, un das les i lab o tselo themeske Juda.

Jeremia 27:20

hoi o baro rai dran Babilonia, o Nebukadnezar, gar peha las, har anas lo o baro rajes pral o them Juda, o Jekonja, koleskro dad o Jojakim his, an o them Babilonia, khetne kol pralstunentsa dran o them Juda un dran o foro Jerusalem.

Jeremia 36:30

Doleske penau pral tute, Jojakim, rai pral Juda: Kek tire tchawendar well pal tute o rai pral o Davideskro them. Tu mereh un weh win witsedo un atcheh tchiddo an o kham ap o diwes un an o shilapen an i rati.

Jeremia 37:1

O Zedekja, koleskro dad o Josia his, was o baro rai pral o them Juda. Koles tchiwas o baro rai dran Babilonia, o Nebukadnezar, dren, te well lo baro rai pal o Konja. Kowa his o tchawo o Jojakimestar.

Jeremia 52:12

O baro rajes pral o them Babilonia, o Nebukadnezar, his i baro lurdo, koles bud penepaske his. Koleskro lab his Nebusaradan. Job his o pralstuno pral i lurdende. Har his o Nebukadnezar an o deesh-te-enjato bersh o baro rai pral o them Babilonia, koi was o Nebusaradan ap o deshto diwes an o pantchto tchon an o foro Jerusalem.

Jeremia 52:28

Kalla hi kol menshe, kai mukas o Nebukadnezar pandles an Babilonia te anell: Har lo an o eftato bersh o baro rai his: 3.023 (triin-serja-biish-te-triin) menshe dran o them Juda;

Jeremia 52:31

Har o Ewil-Merodach o baro rai pral Babilonia was, mukas lo gomme an kau bersh o Jojachin, ko rajes pral o them Juda dran o stilepen te lell. Kowa his an o 37. (trijanda-te-eftato) bersh, har o Jojachin krik anlo was, ap o 25. (biish-te-pantchto) diwes an o deesh-te-duito tchon.

Ezekiel 1:2

Kowa his o pantchto bersh, har was o baro rai Jojachin pandles krik anlo an o them Babilonia.

Ezekiel 17:12

Pen kol menshenge, kai mukenn pen tchi te penell: Haiwenn tumer gar, hoi kowa kamell te penell? O baro rai dran o them Babilonia was an Jerusalem, un las leskro baro rajes un leskre pralstunen pandles, un anas len pash peste an o foro Babilon.

Ezekiel 17:4

un anas ko pralstuno kasht an o them, kai i parepangre hi, un tchiwas les kote an i foro an i phub.

Ezekiel 19:1

O baro Dewel penas mange: Tu, gib i ropaskri gili pral i rajende dran o kheer Israel.

Ezekiel 19:13

Kanna hi ko drakengro ruk an i mulo tato them tardo, kai kek pani hi.

5. Mose 28:36

O baro Dewel tradell tumen un ko rajes, koles tumer pral tumende tchiwan, pash i menshende an i wawar them, kai tumer an kek tsiro djiwan, witar gar tumare phure. Un kote mangenn tumer un barrengre deblen an.