2. Rajengro liil 24:11 - O Debleskro Drom 2021 (Sinte)

¹¹ Un o Nebukadnezar was pash ko foro, har leskre lurde ninna koi tardo his, un mukan kekes dren te win.

O Debleskro Lab 2024 (Sinte-Manouche)

¹¹ Oun o Neboukadnezar vas pash ko foro, har leskre lourde ninna koy tardo his, oun moukan kekes dren te vin.

2. Rajengro liil 24:11 ပူးပေါင်းရင်းမြစ်များ

2. Rajengro liil 24:10

An ko tsiro bitchras ko rai pral o them Babilonia, o Nebukadnezar, peskre lurden pash o foro Jerusalem. Un jon tchiwan pen trul ko tselo foro, te nai nashell kek dran o foro win te dren.

2. Rajengro liil 24:12

Un o Jojachin, ko rai pral o them Juda, das pes an i wasta ko rajestar dran o them Babilonia, un djas win pash leste: job un leskri dai un leskre pralstune budepangre un bare lurde, ninna kol raja, kai an leskro kheer his. Un o Nebukadnezar, ko baro rai dran o them Babilonia, tchiwas les stildes. An ko tsiro his o Nebukadnezar an o ochtato bersh baro rai.

Jesaja 29:3

Me tchiwau lurden trul o foro pre ap hake rigja. Un mukau barra un tchik trul leste pre te tchiwell, te wenn tumer dren pandlo.

Jesaja 36:17

bis te me wau un lau tumen mantsa, un anau tumen an i wawar them, hoi hi jaake har tumaro them. An ko them hi doha djob un mool, maro un drakengre ruka.

Ezekiel 17:12

Pen kol menshenge, kai mukenn pen tchi te penell: Haiwenn tumer gar, hoi kowa kamell te penell? O baro rai dran o them Babilonia was an Jerusalem, un las leskro baro rajes un leskre pralstunen pandles, un anas len pash peste an o foro Babilon.

Ezekiel 19:8

Kote tchiwan pen i menshe dran i themma koi trujel, khetne, te djan le ap leste. Un witsran pengri netsa pral leste, un tapran les an lengri gruba.