2. Rajengro liil 24:10 - O Debleskro Drom 2021 (Sinte)

¹⁰ An ko tsiro bitchras ko rai pral o them Babilonia, o Nebukadnezar, peskre lurden pash o foro Jerusalem. Un jon tchiwan pen trul ko tselo foro, te nai nashell kek dran o foro win te dren.

O Debleskro Lab 2024 (Sinte-Manouche)

¹⁰ An ko tsiro bičras ko ray pral o them Babilonia, o Neboukadnezar, peskre lourden pash o foro Yerusalem. Oun yon čivan pen troul ko tselo foro, te nay nashell kek dran o foro vin te dren.

2. Rajengro liil 24:10 ပူးပေါင်းရင်းမြစ်များ

2. Rajengro liil 24:11

Un o Nebukadnezar was pash ko foro, har leskre lurde ninna koi tardo his, un mukan kekes dren te win.

2. Rajengro liil 24:9

Un o Jojachin kras, hoi djungeles his an o baro Debleskre jaka, jaake har leskro dad ninna kras.

2. Rajengro liil 25:2

Jaake was ko foro dren pandlo bis an o deesh-te-jekto bersh, kai o Zedekja baro rai his.

Jesaja 39:7

Ninna tire tchawendar, kai tutar wenna, wenn line un wenn budepangre an o kheer o baro rajestar pral o them Babilonia.”

Jeremia 24:1

His an ko tsiro, kai anas o Nebukadnezar, ko baro rai dran o them Babilonia, o baro rajes pral Juda, o Jekonja, koleskro dad o Jojakim his, pandles dran Jerusalem an o them Babilonia. Khetne leha anas lo i pralstunen pral Juda krik, ninna kolen, kai haiwan o kashteha un o sasteha te budrell. An ko tsiro sikras man o Dewel dui korbe, kai faige dren his, tardo glan o baro Debleskro kheer.

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Ezekiel 21:14

Tu, mensho, pen glan-wi, hoi wella! Pen lenge: Kawa penell o baro Dewel: Dik o charo, o charo, hoi latches tchinell, un djudjo kerdo hi.