2. Rajengro liil 24:1 - O Debleskro Drom 2021 (Sinte)

¹ An ko tsiro, har o Jojakim o baro rai his, djas o baro rai dran o them Babilonia peskre lurdentsa pre ap o them Juda. Leskro lab his Nebukadnezar. Un o Jojakim hunte witsras pes tel leste un hunte plaissras leske bud lowe. Pal triin bersha phagas lo leha un kras buder gar, hoi kowa kamas.

O Debleskro Lab 2024 (Sinte-Manouche)

¹ An ko tsiro, har o Yoyakim o baro ray his, djas o baro ray dran o them Babilonia peskre lourdentsa pre ap o them Youda. Leskro lab his Neboukadnezar. Oun o Yoyakim hounte vitsras pes tel leste oun hounte playsras leske boud love. Pal triin bersha phagas lo leha oun kras bouder gar, hoy kova kamas.

2. Rajengro liil 24:1 ပူးပေါင်းရင်းမြစ်များ

2. Rajengro liil 17:5

Un o baro rai pral o them Assur djas peskre lurdentsa an o tselo them ap i Israelitarja pre, un was ninna pash o foro Samaria, un tchiwas peskre kurepangre kote triin bersha trul o foro.

2. Rajengro liil 24:20

Kowa halauter kras o baro Debles jaake chojedo pral o foro Jerusalem un o them Juda, te tradas lo len pestar krik. Un o Zedekja phagas o baro rajeha pral o them Babilonia, un kras buder gar, hoi kowa kamas.

2. Familjakro liil 36:1

Un i menshe dran o them Juda tchiwan o Joahas, koleskro dad o Josia his, pral pende, te well lo o baro rai pal leskro dadeste an o foro Jerusalem.

Esra 4:12

un kamah tuke te penell, kai i bibolde, kolla kai dran tiro them kai pral pash mende wan, kolla hi kanna an o foro Jerusalem un kamenn ko foro pale pre te tchiwell, ko foro, kolestar i menshe jaake diwjo un tchilatcho hi. Jon tchiwenn bar ap bar, te wenn i massurja ko forestar kerdo. I telstune barra hi pale newes tchiddo.

Jesaja 36:5

Patseh tchatchepah, tire labentsa nai weh o gosweder un o sorleder an i kurepen? Ap koneste dikeh, te well lo tuke ap i rig, kai peral mandar tele un hadal tut pral mande?

Jeremia 25:1

O Jojakim, koleskro dad o Josia his, his o starto bersh o baro rai pral o them Juda. Un o Nebukadnezar his o ersto bersh baro rai pral o them Babilonia. Koi rakras o baro Dewel ap o Jeremia, un das les i lab o tselo themeske Juda.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 35:1

An ko tsiro, har o Jojakim, koleskro dad o Josia his, o baro rai pral o them Juda his, penas o baro Dewel ap o Jeremia:

Jeremia 35:11

Un har o Nebukadnezar, ko rai pral o them Babilonia, an o them Juda was, te kurell lo pes leha, penam menge mer halauter: Awenn, te nashas menge glan kol lurdende dran o them Babilonia un dran o them Syria, un djah an o foro Jerusalem! Jaake atcham kate an Jerusalem.

Jeremia 36:1

O Jojakim, koleskro dad o Josia his, kowa his an o starto bersh baro rai pral o them Juda, koi penas o baro Dewel ap o Jeremia:

Jeremia 45:1

An o starto bersh, har o Jojakim, koleskro dad o Josia his, o baro rai pral o them Juda his, tchinas o Baruch, koleskro dad o Nerija his, halauter an i liil, hoi o Debleskro rakepaskro, o Jeremia, leske penas. Koi penas o Jeremia ap o Baruch:

Jeremia 46:2

An o starto bersh, har o Jojakim, koleskro dad o Josia his, ko baro rai pral o them Juda his, rakras o baro Dewel pral o them Egiptia. Koi his i lurde o Faraestar Necho, ko baro rai pral o them Egiptia, pash o pani Eufrat tardo pash o foro Karkemish. Un o Nebukadnezar, ko baro rai dran o them Babilonia, kuras pes lentsa un das len.

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Ezekiel 19:8

Kote tchiwan pen i menshe dran i themma koi trujel, khetne, te djan le ap leste. Un witsran pengri netsa pral leste, un tapran les an lengri gruba.

Ezekiel 21:14

Tu, mensho, pen glan-wi, hoi wella! Pen lenge: Kawa penell o baro Dewel: Dik o charo, o charo, hoi latches tchinell, un djudjo kerdo hi.

Daniel 1:1

An ko tsiro, har o Jojakim an o triinto bersh o baro rai pral o them Juda his, was o baro rai pral o them Babilonia – leskro lab his Nebukadnezar – glan o foro Jerusalem, un tchiwas pes peskre lurdentsa trul o foro.

Daniel 1:2

Un o baro Dewel, maro rai, das o Jojakimes, ko baro rajes pral o them Juda, an o wast o baro rajestar dran o them Babilonia. Ninna ko shukar koowa, hoi an o Debleskro kheer his, kolestar peras an leskre wasta. Un job anas kowa an o them Shinar, an o kheer leskro deblestar. Un tchiwas les pash ko brawlepen leskro deblestar pashel.

Habakuk 1:6

Me krau te wenn i Babilonarja soreles, kol tchilatche un sik kurepangre. Pral i tseli phub wenn le, de lenn le penge wawar themma dren hoi gar lengro his.