2. Rajengro liil 23:4 - O Debleskro Drom 2021 (Sinte)

⁴ Un o baro rai penas o pralstuno rashajeske Hilkija un wawar bare rashajenge, un kolenge, kai denn garda ap o wudar, te witsrenn le dran o baro Debleskro kheer kol tsele koola win, hoi kol deblenge Baal un Ashera un kol tsele bolepangre momelenge kerdo wan. Un job mukas halauter te chatchrell an i jag, win glan o foro Jerusalem an o telstuno them, hoi kharell Kidron. Un i jagakri tchik mukas lo an o foro Betel te anell.

O Debleskro Lab 2024 (Sinte-Manouche)

⁴ Oun o baro ray penas o pralstouno rashayeske Hilkiya oun vavar bare rashayenge, oun kolenge, kay denn garda ap o voudar, te vitsrenn le dran o baro Debleskro kheer kol tsele koola vin, hoy kol deblenge Baal oun Ashera oun kol tsele bolepangre momelenge kerdo van. Oun yob moukas halauter te rhačrell an i yag, vin glan o foro Yerusalem an o telstouno them, hoy kharell Kidron. Oun i yagakri čik moukas lo an o foro Betel te anell.

2. Rajengro liil 23:4 ပူးပေါင်းရင်းမြစ်များ

2. Samuel 15:23

Un lauter, kai pale atchan, rowan soreles, har kol tsele lurde glan leste wergel djan. Un o baro rai djas wergel ko tikno pani Kidron. Un khetne leha djan kol tsele lurde dureder ap ko drom, kai djal an ko mulo them.

1. Rajengro liil 12:29

Un koi jek figura anas lo an o foro Betel un koi wawar an o foro Dan.

1. Rajengro liil 15:13

Un ninna kras lo, te his leskri dai, i Maacha, buder gar i rani. Kowa kras lo doleske, kai mukas li i djungeli figura te krell, hoi i debletsa Ashera sikras. Un o Asa das lakri djungeli figura an kotja un chatchras lat pash o pani Kidron.

1. Rajengro liil 16:31

Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

1. Rajengro liil 18:19

Kanna muk i tsele Israelitarjen te penell, te wenn le khetne pash mande ap i berga Karmel, ninna kol 450 (star-sheel-te-paash-sheel) rashaja o deblestar Baal un kol star-sheel rashaja, kai i debletsa Ashera sharenn, kolen i Isebel chapen un pipen dell.”

1. Rajengro liil 18:26

Kote lan jon ko gurum, hoi dan le len, maran les, tchinan les khetne un tchiwan les ap o kasht, un kharan o Baales taissarlakro bis mashkral-diwes un penan: “Baal, shun ap mende!” Kek rakepen was, kek rakras ap lende. Un jon khelan trul pengri chatchepaskri, kai jon penge kran.

1. Rajengro liil 18:40

Un o Elija penas ap lende: “Taprenn kol rashajen o deblestar Baal! Kek te nashell peske!” Un jon tapran len, un o Elija anas len tele pash o pani Kishon un maras len kote.

1. Rajengro liil 19:18

Un me mukau efta serja (7.000) murshen djido an Israel, kolla kai peran gar ap pengre tchanga glan o debleste Baal un tchumras les gar.”

2. Rajengro liil 10:26

Un lan kol figure win, hoi i Ashera sikrenn, un chatchran len pre.

2. Rajengro liil 12:10

Un o rashai Jojada las i mochton un kras i cheb dren, un mukas ko mochton pash o sasterno bob te tchiwell ap i tchatchi rig, kote kai i menshe dren wenna an o baro Debleskro kheer. Kol rashaja, kai kote jak dan, tchiwan ko tselo rup kote dren, hoi an o baro Debleskro kheer anlo wella.

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Rajengro liil 21:3

Job tchiwas kol mulne platse pale pre, kai i mule deblenge vieche chatchedo wan. Kol platse das leskro dad, o Hiskija, khetne. Un o Manasse mukas chatchepangre te krell, kai vieche chatchedo wenn o debleske Baal, kai i chocheno dewel hi. Un job kras i debletsa Ashera, har ko baro rai pral o them Israel, o Ahab, kowa ninna kras. Un job mangas i bolepangre momlia an un witsras pes glan lende tele.

2. Rajengro liil 21:5

Un i tsele bolepangre momelenge tchiwas lo chatchepangre pre an kol dui glanstune platse glan o baro Debleskro kheer.

2. Rajengro liil 21:7

Un job anas koi kashteni debletsa Ashera, hoi lestar kerdo was, an o Debleskro kheer, kolestar o baro Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

2. Rajengro liil 22:4

“Dja pral pash o baro rashajeste o Hilkija, te dikell lo palla, har bud kol lowe hi, hoi an o baro Debleskro kheer anlo was, hoi kol mursha, kai ap o wudar garda denna, i menshendar dren lan.

2. Rajengro liil 23:12

Un job kras kol chatchepangre paash, hoi pral ap o kheer koi tardo his, kai o Ahases leskri isema his. Kol chatchepangren mukan i bare raja pral o them Juda te krell. Ninna kolla, kai o Manasse kras, phagas lo tele. Kolla his tardo ap kol dui platse glan o baro Debleskro kheer. Un o Josia djas koi un witsras lengri tchik an ko tikno pani, hoi kharell Kidron.

2. Rajengro liil 23:15

Ninna koi mulni platsa an Betel kras lo paash, hoi o Jerobeam, ko Nebateskro tchawo kras, te anell lo o Israel o baro Debleskro dromestar tele. Koi chatchepaskri phagas lo tele, das lakre barra paash un kras len jaake tiknes, te wan le phubjakri tchik. Un i figura, hoi sikras i debletsa Ashera, chatchras lo pre.

2. Rajengro liil 25:18

Un o pralstuno lurdo las o pralstuno rashajes, o Seraja, pandlo, ninna ko rashajes Zefanja, kai was pal o Seraja, un ninna kol triin murshen, kai dan jak ap o wudar.

2. Familjakro liil 15:16

Un ninna kras o baro rai Asa, te his leskri dai, i Maacha, buder gar i rani. Kowa kras lo doleske, kai mukas li i djungeli figura te krell, hoi i debletsa Ashera sikras. Un o Asa das lakri djungeli figura an kotja un chatchras lat pash o pani Kidron.

2. Familjakro liil 33:3

Job tchiwas kol mulne platse pale pre, kai i mule deblenge vieche chatchedo wan. Kol platse das leskro dad, o Hiskija, khetne. Un o Manasse mukas chatchepangre te krell, kai vieche chatchedo wenn o debleske Baal, kai i chocheno dewel hi. Un job kras figure, hoi sikran i debletsa Ashera. Un job mangas i bolepangre momlia an un witsras pes glan lende tele.

2. Familjakro liil 33:7

Un mukas i figura te krell, hoi i chocheno dewel sikras, un anas lat an o Debleskro kheer, kolestar o Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

Jesaja 27:9

Jaake well o Israelengri doosh krik lino. Un ap kowa sikrell pes, te hi lengri doosh krik lino: Te denn le i pre-tchidde barra jaake khetne, kai mangan le i wawar deblen an, te atchell tchi har tchik. Un te mukenn le kek figure tardo, hoi sikrenn i debletsa Ashera, witar kek boba, kai lake sungepaskro koowa chatchedo was.

Jeremia 52:24

Un o pralstuno lurdo las o pralstuno rashajes, o Seraja, pandlo, ninna ko rashajes Zefanja, kai was pal o Seraja, un ninna kol triin murshen, kai dan jak ap o wudar.

Jeremia 7:9

Tumer han tchorepangre un marepangre, kai denn wawaren mulo, tumer mursha chochenn tumare romjen wawar djuwjentsa, tumer djuwja, chochenn tumare romen, wawar murshentsa, tumer denn tumen sowel un rikrenn koja gar dren, tumer chatchrenn viechen o chocheno debleske Baal un nashenn pal wawar deblende.

Ezekiel 8:6

Un o baro Dewel penas ap mande: Tu, mensho, dikeh tu, hoi le krenn? Baro djungelo koowa hi, hoi o kheer Israel kate krell, te djap mange dran miro kheer win. Un tu dikess gomme bareder djunglepen.

Hosea 4:15

Israel, ninna te kameh tu tut trujel te lubrell, kamau gar, te krenn i menshe an o them Juda sau koowa har tu, un anenn doosh ap pende. Ma djan an i forja Gilgal un Bet-Awen, te mangenn kote i chochene deblen an! Un ma denn tumen kote sowel un penenn “Me dau man sowel pash o djido Debleste.”

Amos 4:4

Tumer djan pash o Debleskro kheer an o foro Betel, un hadenn tumen pral o Debleste! Tumer djan an o Debleskro kheer an o foro Gilgal, un hadenn tumen ninna budeder pral o Debleste! Krenn dureder jaake: Taissarla marenn viechen o Debleske, un o wawar diwes anenn leske o deshto kotar kolestar, hoi dren anan!

Zefanja 1:4

Me hadau miro wast pral o them Juda, un pral halauterende, kai an o foro Jerusalem djiwenn, te dap len lengri phagi. Un krau lauter paash, hoi kote o chocheno deblestar Baal pral atchas. Ninna leskre rashaja wenn bistedo, un kol wawar rashaja, kai mukan o baro Debles.

Mateo 26:3

Ap ko tsiro wan i bare rashaja un i biboldengre phureder khetne an o kheer o baro rashajestar. Koleskro lab his Kajafas.

Mateo 27:1

Sik taissarlake wan i tsele bare rashaja un i biboldengre phureder khetne. Un khetne kran le win, te marenn le o Jesuses.

Johanni 18:1

Har o Jesus kowa penas, djas job peskre malentsa win. Un jon djan wergel ko pani, hoi kharella Kidron. Koi his i baar. Koi dren djas o Jesus peskre malentsa.

Čačepangre 2:13

Un jon mukan o baro Debles un mangan o debles Baal an un ninna i debletsa Astarte.