2. Rajengro liil 23:34 - O Debleskro Drom 2021 (Sinte)

³⁴ Un o Farao Necho kras, te well o Josijeskro tchawo, o Eljakim, baro rai pal leskro dadeste Josia. Un das les i wawar lab un kharas les Jojakim. Leskro phrales, o Joahas, las lo peha un anas les an o them Egiptia; kote meras lo.

O Debleskro Lab 2024 (Sinte-Manouche)

³⁴ Oun o Farao Neko kras, te vell o Yosiyeskro čavo, o Elyakim, baro ray pal leskro dadeste Yosia. Oun das les i vavar lab oun kharas les Yoyakim. Leskro phrales, o Yoakaz, las lo peha oun anas les an o them Egiptia; kote meras lo.

2. Rajengro liil 23:34 ပူးပေါင်းရင်းမြစ်များ

1. Mose 41:45

Un o baro rai das o Josefes o lab ‘Zafenat-Paneach’. Ninna das job les i romni, i Asnat. Lakro dad his o Potifera. Kowa his o rashai an o foro On. Jaake las o Josef i soor pral o tselo them Egiptia.

2. Rajengro liil 23:29

An ko tsiro djas o Farao Necho, ko baro rai pral o them Egiptia, pral pash ko pani, hoi kharella Eufrat, te kurell lo pes o baro rajeha pral o them Assur. Un o baro rai Josia tchiwas pes leske an o drom. Un o Necho maras les pash o foro Megiddo, har lo les dikas.

2. Rajengro liil 24:17

Un o baro rai pral o them Babilonia las o Jojachineskro kak, – leskro lab his Mattanja – un kras, te well lo o baro rai pal o Jojachin pral o them Juda, un das les i wawar lab, un kharas les Zedekja.

1. Familjakro liil 3:15

Un i tchawe o murshestar Josia his: o phureder his o Johanan, o duito his o Jojakim, o triinto his o Zedekja, o starto his o Shallum.

Jeremia 1:3

An ko tsiro pal kowa, har koleskro tchawo, o Jojakim, o baro rai his, rakras o baro Dewel pale ap o Jeremia bis ko tsiro was, kai i menshe dran Juda pandles an i wawar them anlo wan. Kowa his an o pantchto tchon an ko deesh-te-jekto bersh, har o Zedekja, koleskro dad o Josia his, o baro rai pral Juda his.

Jeremia 35:1

An ko tsiro, har o Jojakim, koleskro dad o Josia his, o baro rai pral o them Juda his, penas o baro Dewel ap o Jeremia:

Daniel 1:7

Un o pralstuno pral o rajeskro kheer das hakenes lendar i wawar lab. O Daniel kharas kanna Beltsazar, un o Hananja Shadrach, un o Mishael Meshach, un o Asarja Abed-Nego.

Josua 18:18

Un fun kotar djas o drom bis pash i berga, kai ap i nordetikri rig fun koi tala hi, kai o pani Jordan nashell. Un palle djas lo tele an kai tala,