2. Rajengro liil 23:3 - O Debleskro Drom 2021 (Sinte)

³ Un o baro rai his ap ko pralstuno kotar tardo glan o Debleskro kheer un das o baro Debleste peskro lab, te djan le ap o Debleskro drom, un rikrenn leskre laba, un djiwenn jaake, har job len sikras un pal leskro tchatchepen. Pengro tselo djijeha un pengri tseli sorjah kaman le pal kal laba te djiwenn, hoi o Dewel len das, un hoi an kau liil tchinlo hi. Un i tsele menshe pandan pen an pengro lab, te rikrenn le kowa, hoi an o liil tchinlo hi.

O Debleskro Lab 2024 (Sinte-Manouche)

³ Oun o baro ray his ap ko pralstouno kotar tardo glan o Debleskro kheer oun das o baro Debleste peskro lab, te djan le ap o Debleskro drom, oun rikrenn leskre laba, oun djivenn yaake, har yob len sikras oun pal leskro čačepen. Pengro tselo djiyeha oun pengri tseli zoryah kaman le pal kal laba te djivenn, hoy o Devel len das, oun hoy an kava liil činlo hi. Oun i tsele menshe pandan pen an pengro lab, te rikrenn le kova, hoy an o liil činlo hi.

2. Rajengro liil 23:3 ပူးပေါင်းရင်းမြစ်များ

2. Rajengro liil 11:14

Un dikas o newo baro rajes kote tardo, kai i platsa o baro rajeske his: pash i bari lengsto bar. Un trul leste his i pralstune lurde un i phurdepangre tarde. Un i tsele menshe ko themestar his bachtelo un phurdan an pengre bashepangre. I Atalja tserdas peskre ripja an kotja un das gole: “Phukepen, Phukepen!”

2. Rajengro liil 11:17

Un o Jojada mukas o baro rajes un i menshen dran Juda i sowel te dell o baro Debleske, te djiwenn le jaake, har o baro Dewel peskre menshendar kamella. Ninna mukas lo len i sowel te dell, te rikrenn le hako tsiro pash pengro baro rajes, un job pash lende.

2. Familjakro liil 15:15

Un i tsele menshe dran Juda his bachtelo pral koi sowel, hoi dan le pengro tselo djijeha. Un jon rodan o Debles pengri tseli sorjah. Un job mukas pes lendar te hatsell. Un o baro Dewel mukas len an o latchepen te djiwell i thementsa trul lende.

2. Familjakro liil 23:13

Un dikas o newo baro rajes ap peskri platsa an o wudar tardo. Un trul leste his i pralstune lurde un i phurdepangre tarde. Un i tsele menshe ko themestar his bachtelo, un i phurdepangre phurdan an pengre bashepangre. Ninna i gipangre his koi, un o bashepah ap pengre dorjengre bashepangre giwan le glan, un i menshe giwan lentsa. I Atalja tserdas peskre ripja an kotja un das gole: “Phukepen, Phukepen!”

2. Familjakro liil 23:16

Un o Jojada mukas o baro rajes un i menshen dran Juda i sowel te dell o baro Debleske, te djiwenn le jaake, har o baro Dewel peskre menshendar kamella.

2. Familjakro liil 29:10

Kanna hi man an o shero, te pandap man ap o baro Debleste, ko Dewel pral o Israel, te djal peske leskri choli mendar, hoi jaake sorelo ap mende tchiddo hi.

Esra 10:3

Mer kras maro Debleha win, te bitchras mer kol tsele djuwjen un lengre tchawen mendar krik, jaake har penan tumer – tu, miro rai, un kolla, kai rikrenn maro Debleskre laba. Mer kamah les jaake te krell, har an o Moseskre lila tchinlo hi.

Nehemia 10:1

Un doleske rakrah men kanna tele un tchinah kowa pre, te rikrah men ap lauter, hoi mer kate penam. Un mare pralstune, mare Levitarja, un mare rashaja tchiwenn pengre laba tel kau liil un pandenn palle o liil khetne.

Nehemia 5:13

Ninna trisslom miri baja win, un penom: “Jaake trissell o Dewel hakenes tumendar, kai rikrell gar peskro lab. O Dewel lell lestar leskro kheer un lauter, hoi les hi.” Un lauter, kai kote khetne wan, penan: “Amen!” Un jon sharan o baro Debles. Un i menshe kran pal kol laba, har jon penan.

2. Mose 24:3

Un o Mose was pash i menshende un penas lenge hako lab, hoi o baro Dewel penas, kol tsele laba, hoi penenn, hoi job lendar kamella. Un i tsele Israelitarja penan har dran jek mui: “Lauter, hoi o baro Dewel penas, kamah mer te krell.”

Sikepaskro 8:2

Te dan tumen sowel glan o baro Debleste, te shunenn ap kowa, hoi o baro rai tumenge penell, palle rikrenn tumen ap kowa!

Jeremia 34:15

Tumer wan pale ap miro drom, un kran, hoi glan mire jaka mishto hi, un mukan win gole te dell, te wenn kol budepangre win muklo, kai hi Israelitarja. Un tumer dan tumen sowel, glan mande an ko kheer, kai mange kerdo was, te krenn kowa jaake.

Jeremia 34:8

Kawa hi ko lab, hoi o baro Dewel ap o Jeremia penas, pal ko tsiro, kai o baro rai Zedekja i menshentsa an o foro Jerusalem win kras, te mukenn le i tsele ginle budepangre win,

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Jeremia 50:5

Jon putchenn pal o drom ap i berga Zion, kote kamenn le te djal: “Awenn, te kras men ap o drom pash o baro Debleste! Mer kamah pale leskre menshe te well, un job te well maro Dewel! Kowa te atchell jaake hako tsiro, mer kamah les gar te bistrell.”

5. Mose 10:12

Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

5. Mose 11:13

Jaake shunenn ap kol laba, hoi tumenge kau diwes penau, te kamenn tumaro baro Debles o tselo djijestar un wenn leske koi tumari tseli sorjah.

5. Mose 29:1

Un o Mose mukas i tsele Israelitarjen gole te dell, un penas ap lende: Tumer dikan halauter, hoi o baro Dewel glan tumare jaka kras an o them Egiptia, ap o Faraeste un ap leskre bare murshende, un ap o tselo them:

5. Mose 4:45

Har le dran o them Egiptia win djan, penas lo lenge kol tsele laba, hoi lende sikran, har te djiwenn le, un hoi o Dewel lendar kamella, un leskre tsele tchatchepaskre laba.

5. Mose 6:1

Un kawa hi o lab, lauter, hoi tumaro baro Dewel tumendar kamella, un leskre tchatchepaskre laba, hoi lo mande das, te penap len tumenge, te nai djiwenn pal lende an o them, an kowa tumer kanna djan, te lenn les tumenge dren,

5. Mose 6:5

Tu kamess les tiro tselo djijestar un tiro tselo djipah un tiri tseli sorjah.

5. Mose 8:19

Ma bistrenn tumaro baro Debles! Ma nashenn wawar deblen palla! Un ma witsrenn tumen glan lende tele, te mangenn len an! Te krenn kowa, palle dau tumen kau diwes miro lab pre, te wenn tumer jaake mulo dino,

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.