2. Rajengro liil 23:29 - O Debleskro Drom 2021 (Sinte)

²⁹ An ko tsiro djas o Farao Necho, ko baro rai pral o them Egiptia, pral pash ko pani, hoi kharella Eufrat, te kurell lo pes o baro rajeha pral o them Assur. Un o baro rai Josia tchiwas pes leske an o drom. Un o Necho maras les pash o foro Megiddo, har lo les dikas.

O Debleskro Lab 2024 (Sinte-Manouche)

²⁹ An ko tsiro djas o Farao Neko, ko baro ray pral o them Egiptia, pral pash ko pani, hoy kharella Eufrat, te kourell lo pes o baro rayeha pral o them Assour. Oun o baro ray Yosia čivas pes leske an o drom. Oun o Neko maras les pash o foro Megiddo, har lo les dikas.

2. Rajengro liil 23:29 ပူးပေါင်းရင်းမြစ်များ

1. Rajengro liil 4:12

O Baana, koleskro dad o Ahilud hi, job his o pralstuno pral i forja Taanach un Megiddo, un pral o tselo them pash o foro Bet-Shean – ko foro his pash o foro Zaretan tchiddo, tel o foro Jesreel, mank o foro Bet-Shean un o foro Abel-Mehola, bis pal o foro Jokneam.

2. Rajengro liil 14:11

Un o Amazja shunas gar koi pre. Kote djas o Joash pral. Un jon dui, o Joash un o Amazja, kuran pen khetne pash Bet-Shemesh. Kowa hi an o them Juda tchiddo.

2. Rajengro liil 14:8

Un o Amazja bitchras bitchepangre pash o Joash, ko baro rajeste pral o them Israel. Koleskro dad his o Joahas, un leskro papo his o Jehu. Un mukas leske te penell: “Ab pash mande, mer kamah te dikell, koon o sorleder mendar hi!”

2. Rajengro liil 22:20

“Un anau kai bibacht gar pral kau foro jaake rah har tu djiweh. Tu dikeh lat gar tire jakentsa. Me mukau tut an o latchepen te merell. Un tu weh paskedo an o mulengro kheer tire phurendar.” Un kol mursha penan kal laba o baro rajeske.

2. Rajengro liil 23:28

Ko tselo wawar koowa, hoi pral o Josia penepaske hi, un halauter, hoi lo kras, kowa hi tchinlo an o familjakro liil o bare rajendar pral o them Juda.

2. Rajengro liil 24:7

Un o baro rai pral o them Egiptia djas buder gar dran peskro them win. O baro rai pral o them Babilonia las leske halauter krik, hoi lo peske dren las: o tselo them mank o them Egiptia un o pani Eufrat.

2. Rajengro liil 9:27

Har o Ahasja, ko baro rai pral Juda dikas, hoi djas, nashas job pash o foro Bet-Gan. O Jehu las les palla un mukas les ninna te marell ap o wurdin. Un jon dan ap leste karje ap ko drom pash o foro Gur, kai pash o foro Jibleam tchiddo hi. Un job nashas peske an Megiddo un meras koi.

Sikepaskro 8:14

Phares te haiwell hi kowa, hoi hi kerdo ap kai phub: Kote hi menshe kai djiwenn an o tchatchepen, un kolenge djal har i menshenge, kai djiwenn i djungelo djipen. Un pale hi menshe koi, kai djiwenn i fullo djipen, kolenge djal har te djiwans le an o tchatchepen. Kote penom: Kowa hi ninna phares te haiwell.

Jeremia 22:10

Ma rowenn pral koleste, kai meras, ko baro rai Josia. Ma denn gole i dukatar leske! Na-a, rowenn pral leskro tchaweste, kai was krik anlo, o baro rai Joahaz. Kowa well buder gar pale, te dikell lo kau them pale.

Jeremia 22:11

Har o baro rai Josia meras, was leskro tchawo, o Shallum, baro rai pral o them Juda. Un job was pandles krik anlo an o them Babilonia. Pral koleste penell o baro Dewel: Job well buder gar pale an Juda.

Jeremia 22:12

Job merell an i dur them un dikell buder gar peskro them pale.

Jeremia 46:2

An o starto bersh, har o Jojakim, koleskro dad o Josia his, ko baro rai pral o them Juda his, rakras o baro Dewel pral o them Egiptia. Koi his i lurde o Faraestar Necho, ko baro rai pral o them Egiptia, pash o pani Eufrat tardo pash o foro Karkemish. Un o Nebukadnezar, ko baro rai dran o them Babilonia, kuras pes lentsa un das len.

Jeremia 46:6

Kowa kai sik hi, nai nashell peske gar. Un kowa kai sorelo hi, well tapedo. Kote, an o nordetikro them pash o pani Eufrat peran le, un atchenn le mulo tchiddo.

Ezekiel 19:1

O baro Dewel penas mange: Tu, gib i ropaskri gili pral i rajende dran o kheer Israel.

Zakarie 12:11

O ropen trul leste an o foro Jerusalem well jaake baro har o ropen an Hadad-Rimmon an o telstuno them Megiddo.

Remarja 11:33

Har baro hi o Debleskro latchepen ap lauterende! Har baro hi leskro goswepen! Job djinell halauter, hoi kek wawar nai djinella. Kek nai djinell, har job rakrell o tchatchepen win. Kek nai haiwell leskre tsele dromma.

Josua 17:11

An kol dui themma Asser un Issachar his forja tchiddo, kolla wan o Manasseske dino. Kal forja his: Bet-Shean, Jibleam un Dor, hoi kharell ninna Nafot-Dor; palle En-Dor, Taanach un Megiddo. Koi pashel his kol gaba, hoi his trul kal forja tchiddo.

Čačepangre 1:27

I mursha dran o kheer Manasse tradan gar i menshen krik dran i forja Bet-Shean, Taanach, Dor, Jibleam un Megiddo, witar gar dran i gaba pash kol forja. Jaake atchan i Kanaanitarja an ko them un djiwan kote.

Čačepangre 5:19

Kote wan le, kol bare raja pral o them Kanaan! Jon wan un maran pen mentsa. Awa, an o foro Taanach pash o pani Megiddo maran le pen mentsa. Rup hidjras kek lendar khere.