2. Rajengro liil 23:2 - O Debleskro Drom 2021 (Sinte)

² Un job djas pral an o baro Debleskro kheer. Un khetne leha djan i tsele mursha dran o them Juda un i tsele menshe, kai djiwan an o foro Jerusalem, i rashaja un o Debleskre rakepangre un kol wawar menshe, tikne un bare. Un kote mukas lo glan lende i tsele laba te drawerell dran ko liil, hoi an o baro Debleskro kheer hatslo was, kai tchinlo hi, hoi o Dewel peskre menshendar kamella.

O Debleskro Lab 2024 (Sinte-Manouche)

² Oun yob djas pral an o baro Debleskro kheer. Oun khetne leha djan i tsele morsha dran o them Youda oun i tsele menshe, kay djivan an o foro Yerusalem, i rashaya oun o Debleskre rakepangre oun kol vavar menshe, tikne oun bare. Oun kote moukas lo glan lende i tsele laba te draverell dran ko liil, hoy an o baro Debleskro kheer hatslo vas, kay činlo hi, hoy o Devel peskre menshendar kamella.

2. Rajengro liil 23:2 ပူးပေါင်းရင်းမြစ်များ

1. Mose 19:11

Palle kran le, te wenn kol tsele mursha korelo, kai glan o kheer tardo hi. Lauter, tikne un bare, dikan buder tchi. Jaake nashte hatsan jon buder gar o wudar.

1. Rajengro liil 8:9

Un an ko mochton his tchi dren, har kokres kol dui barra, hoi o Mose dren tchiwas pash i berga Horeb. An lende his o baro Debleskre deesh laba dren tchinlo, hoi i Israelitarja hunte rikrenn. Kowa kras lo lentsa win, har jon win wan dran o them Egiptia.

2. Rajengro liil 22:8

Har o Shafan kowa lauter o baro rashajeha Hilkija rakras, penas kowa ap leste: “Me hatsom i liil an o baro Debleskro kheer, kai menge o Debleskro drom siklo wella.” Un o Hilkija das ko liil o Shafaneste, un kowa draweras les.

2. Familjakro liil 15:13

Un hakeno, kai kamals o baro Debles, kai o Israeleskro Dewel hi, gar te rodell, hunte wals maredo, o tikno un o baro, mursh un djuwel.

2. Familjakro liil 17:9

Un jon penan i menshenge an o tselo them Juda, har te djan le ap o Debleskro drom. Len his o baro Debleskro liil, kai dren tchinlo hi, har te djiwenn le, pash pende. Un djan trujel an i tsele forja an o them Juda, un sikran i menshende o Debleskro drom.

Nehemia 13:1

Ap ko diwes draweran le dran o Moseskro liil glan i tsele menshende. Un jon hatsan, te hi an ko liil tchinlo: ‘Kek i menshendar Ammon, witar kek i menshendar Moab nai djiwenn o Debleskre menshentsa khetne, un kowa kek tsireske.’

Nehemia 9:3

Un jon his hakeno ap peskri platsa tardo, har was glan drawedo dran ko liil, kai sikrell o drom o baro Deblestar, kai lengro Dewel hi. I starto kotar o diwestar was glan drawedo un o starto kotar o diwestar penan le pengri doosh, un witsran pen tele glan o baro Debleste, koles jon an-mangan.

Ester 1:5

Har kol diwessa trujel djan, kras o baro rai i baro chapen kolenge lauterenge, kai an peskro sorelo kheer an o foro Susa his, i barenge un i tiknenge. Ko baro chapen djas efta diwessa. Un i menshe wan khetne an i baar pash o baro rajeskro railo kheer.

Hiob 3:19

Kote hi o baro un o tikno, lauter jek har o wawar. Un o pandlo budepaskres hi buder kek rai pral peste.

Debleskri gili 115:13

Job tchiwell peskri bacht ap hakeneste, kai djiwell leha, awa, ap i tiknen un ap i baren.

Jeremia 34:8

Kawa hi ko lab, hoi o baro Dewel ap o Jeremia penas, pal ko tsiro, kai o baro rai Zedekja i menshentsa an o foro Jerusalem win kras, te mukenn le i tsele ginle budepangre win,

Bičepangre 26:22

O Dewel his hako diwes pash mande. Un kanna hom kate tardo, un penau barenge un tiknenge, hoi o Dewel kras. Me penau tchi wawares, har kol Debleskre rakepangre un o Mose glan i rah tsiro penan.

5. Mose 31:26

“Lenn kau tchatchepaskro liil, un tchiwenn les ap i rig pash o mochton, kai o baro Debleskre deesh laba dren hi, te sikrell lo len, hoi wella, te rikrenn le pen gar ap kol laba.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.

1. Samuel 30:2

Un jon pandan i djuwjen un kolen, kai koi his, i ternen un i phuren, un lan len pentsa. Kekes dan le mulo, jon lan len pentsa un djan penge.

1. Samuel 5:9

Un har jon ko mochton kote anan, was o baro Debleskro wast phares ap o foro, un lauter, tikne un bare lan ko djungelo nasslepen. Un i bari daar tapras len.