2. Rajengro liil 23:11 - O Debleskro Drom 2021 (Sinte)

¹¹ Un job mukas i grajen krik te anell un i wurdja te chatchrell, kolen i bare raja pral o them Juda koi anan, te mangenn le o kham an. Kol graja un kol wurdja his tardo ap i platsa glan o baro Debleskro kheer, pash koi isema, kai djiwas o pralstuno, o Natan-Melech.

O Debleskro Lab 2024 (Sinte-Manouche)

¹¹ Oun yob moukas i grayen krik te anell oun i vourdya te rhačrell, kolen i bare raya pral o them Youda koy anan, te mangenn le o kham an. Kol graya oun kol vourdya his tardo ap i platsa glan o baro Debleskro kheer, pash koy isema, kay djivas o pralstouno, o Natan-Melek.

2. Rajengro liil 23:11 ပူးပေါင်းရင်းမြစ်များ

2. Rajengro liil 23:5

Un job bitchras i rashajen krik, kai i mule deblenge budrenn, un kolen i bare raja pral o them Juda mukan te well, te chatchrenn le sungepaskro koowa ap i mulne platse an i forja an o them Juda un trul o foro Jerusalem. Kol mule debla, kolenge chatchran le sungepaskro koowa, his: o Baal, o kham un o tchon, un i tsele bolepangre momlia.

1. Familjakro liil 26:18

ap i palstuni rig, star pash o drom un dui pash koi platsa, hoi kharell ‘Parbar’.

2. Familjakro liil 14:5

Un i menshe an o them Juda nai djiwan an o latchepen kol thementsa trul lende. O baro Dewel kras kowa, te was kek kurepen an kal bersha. Jaake mukas o Asa i forja soreles te krell an o them Juda.

2. Familjakro liil 34:4

Un glan leskre jaka mukas lo i chatchepangre tele te phagell, kai viechen ko debleske chatchedo wan, kai kharell Baal. Un kol boba, hoi koi pral tardo his, un kai sungepaskro koowa chatchedo was, mukas lo trujel te dell. Un i figure, hoi sikrenn i debletsa Ashera, un kol wawar figure, hoi le pengre wastentsa kran, kolen phagas lo an kotja, un das len jaake khetne, te atchas tchi har tchik pral. Kai tchik witsras lo pral ko handako, kai kolla paskedo his, kai chatchran viechen un wawar koowa kol chochene deblenge.

Hiob 31:26

Me mangom gar o kham an peskro railepen an, witar gar o tchon an peskro shukapen.

Ezekiel 40:17

Un job anas man an i bari glanstuni platsa. Un trul i glanstuni platsa trujel djas i barrengro drom. Un pal o barrengro drom his trijanda tikne iseme tardo trul i glanstuni platsa.

Ezekiel 8:16

Un job anas man dren ap koi tikni platsa glan o baro Debleskro kheer. Un glan o wudar o kherestar mashkral i glanstuni halla un i sasterni chatchepaskri his 25 (biish-te-pantch) mursha tardo. Kolla rissran pengre dume khatar o baro Debleskro kheer, un dikan ap koi rig, kai o kham pre djal. Un jon mukan pen ap i phub te perell, un mangan o kham an.

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.