2. Rajengro liil 22:4 - O Debleskro Drom 2021 (Sinte)

⁴ “Dja pral pash o baro rashajeste o Hilkija, te dikell lo palla, har bud kol lowe hi, hoi an o baro Debleskro kheer anlo was, hoi kol mursha, kai ap o wudar garda denna, i menshendar dren lan.

O Debleskro Lab 2024 (Sinte-Manouche)

⁴ “Dja pral pash o baro rashayeste o Hilkiya, te dikell lo palla, har boud kol love hi, hoy an o baro Debleskro kheer anlo vas, hoy kol morsha, kay ap o voudar garda denna, i menshendar dren lan.

2. Rajengro liil 22:4 ပူးပေါင်းရင်းမြစ်များ

2. Rajengro liil 12:4

Kokres kol mulne platse mukas lo gar khetne te dell, kai chatchran i menshe i mule deblenge viechen un sungepaskro koowa.

2. Rajengro liil 12:5

Un o Joash penas ap i rashajende: “Lenn ko tselo rup, hoi i menshe anenna an o baro Debleskro kheer: kol lowe, hoi hunte denn le, un ninna kol lowe, hoi denn le pendar dran o dji.

2. Rajengro liil 18:18

Kote mukan le o baro rajes te kharell. Un o Hiskija bitchras pash lende triin murshen: o pralstunes pral peskro kheer, o Eljakim, leskro dad hi o Hilkija, un o Shebna, kowa kai tchinell i lila, un o moskro Joach, koleskro dad o Asaf hi.

1. Familjakro liil 6:13

Koleskre tchawe his: o Joel, leskro phureder, un o Abija.

1. Familjakro liil 9:11

o Asarja, koleskro dad o Hilkija hi, koleskro dad o Meshullam hi, koleskro dad o Zadok hi, koleskro dad o Merajot hi, koleskro dad o Ahitub hi, ko pralstuno pral o Debleskro kheer,

1. Familjakro liil 9:19

O Shallum his o tchawo ko murshestar Kore, koleskro dad o Abiasaf his, koleskro dad o Korach his. O Shallum un wawar mursha dran o kheer Korach dan garda ap o wudar glan o Debleskro plachteno kheer, jaake har lengre phure garda dan pash o wudar ap o baro Debleskri platsa an o mulo tato them.

2. Familjakro liil 8:14

Un jaake har peskro dad, o David penas, tchiwas o Salomo i rashajen jaake khetne, har hunte budrenn le khetne. Ninna penas lo ap i Levitarja, hawi budi jon hunte krenn: Koi his sawe mank lende, kai giwan, un wawar wan i rashajenge pash o wast, jaake har hunte his hako diwes. Ninna i wudjengre mursha wan jaake khetne anlo, har hunte denn le jak ap i wudja. Hako wudareske his sawe koi, kai dan jak ap leste. Jaake penas kowa o David, ko Debleskro mursh.

Nehemia 11:19

Un kolla kai ap i bare wudja jak dan, his: o Akkub, un o Talmon un lengre phrala; kolla kai an i wudja tardo his un jak dan, his 172 (jek-sheel-te-efta-deesh-te-dui).

Debleskri gili 84:10

Dik latches ap o baro rajeste, koles menge ap mari rig tchiwal! Dik ap leste, koles win rodal, te well lo maro rai!