2. Rajengro liil 22:2 - O Debleskro Drom 2021 (Sinte)

² Un job kras, hoi mishto hi glan o baro Debleskre jaka, un djas o drom, kai leskro phuro dad o David ninna djas, un peras gar kau dromestar tele, gar ap i tchatchi rig un witar gar ap i serwi rig.

O Debleskro Lab 2024 (Sinte-Manouche)

² Oun yob kras, hoy mishto hi glan o baro Debleskre yaka, oun djas o drom, kay leskro phouro dad o David ninna djas, oun peras gar kava dromestar tele, gar ap i čači rig oun vitar gar ap i servi rig.

2. Rajengro liil 22:2 ပူးပေါင်းရင်းမြစ်များ

1. Rajengro liil 11:38

Te shuneh ap halauter, hoi me tuke penau, un te djah tu ap mire dromma un kreh, hoi glan mire jaka mishto hi, un djiweh pal miro tchatchepen un mire laba, har miro budepaskro, o David, kowa kras, palle hom me tuha. Un jaake har o Davideske krom, krau me, te well dran tiri familja hako tsiro jek, kai hi o rai. Un me dau tut o Israel, te wess rai pral leste.

1. Rajengro liil 15:11

Un o Asa kras kowa, hoi mishto his glan o baro Debleskre jaka, har leskro phuro dad David ninna kras.

1. Rajengro liil 15:5

O David kras, hoi glan o baro Debleskre jaka mishto his, un rikras pes peskro tselo djipen ap kol tsele laba, hoi o baro Dewel leske penas; win lino hi ko koowa, hoi kras lo ko mursheha Urija, ko Hetari.

1. Rajengro liil 3:6

Kote penas o Salomo: “Baro latchepen kral tu miro dadeske, o Davideske, kai tuke koi his, un ap tute rikras, un djiwas an tiro tchatchepen peskro tselo djijeha glan tute. Un mukal tiro latchepen pral leste te well, un dal les i tchawo. Kowa hi kanna ap leskri beshepaskri beshdo pal leste.

2. Rajengro liil 12:3

Un o Joash kras, hoi o baro Debleske mishto his, jaake rah har o rashai Jojada leskro sikepaskro his.

2. Rajengro liil 14:3

O Amazja kras, hoi mishto his glan o baro Debleskre jaka. Kokres har leskro dad David his lo gar, na-a, job his jaake har leskro dad Joash un djiwas ninna jaake.

2. Rajengro liil 16:2

Biish bersha phuro hi o Ahas, har lo baro rai was; un 16 (deesh-te-shob) bersha his lo baro rai, un djiwas an ko tsiro an o foro Jerusalem. Leskro phuro dad, o David kras, hoi glan peskro baro Debleskre jaka mishto hi. Kowa kras o Ahab gar.

2. Rajengro liil 18:3

Un job kras, hoi glan o baro Debleskre jaka mishto hi, har leskro phuro dad, o David, ninna kras.

2. Familjakro liil 17:3

Un o Josafat djas ap o Debleskro drom har glan leste leskro phuro dad, o David. Un nashas gar i mule deblenge palla, hoi kharenn ‘Baal’. Doleske his o baro Dewel pash leste.

2. Familjakro liil 29:2

Un job kras, hoi glan o baro Debleskre jaka mishto hi, har leskro phuro dad, o David, ninna kras.

2. Familjakro liil 31:20

An o tselo them Juda kras o Hiskija jaake, har mishto un tchatcho his glan o baro Debleste. Jaake djiwas lo peskro Debleha.

2. Familjakro liil 34:1

O Josia his ochta bersha, har was lo baro rai; un job his 31 (trijanda-te-jek) bersha baro rai an o foro Jerusalem.

Gosewe laba 20:11

An kowa, hoi i tikno tchawo krell, mukell pes te dikell, har job wella: i mursh, kai djiwell i djudjo djipen un djal o tchatcho drom oder gar.

Gosewe laba 4:27

Dja gar tele kau dromestar, gar tchatches un gar serwes. Rike tire herja pale o tchilatcho dromestar!

Zefanja 1:1

Har o Josia, koleskro dad o Amon hi, o baro rai pral o them Juda his, an ko tsiro rakras o baro Dewel ap o Zefanja. Koleskro dad his o Kushi. Koleskro dad his o Gedalja. Koleskro dad his o Amarja. Koleskro dad o Hiskija. Kawa hi ko lab, hoi o baro Dewel penas:

5. Mose 5:32

Kanna denn jak, te krenn halauter jaake, har tumaro baro Dewel kowa tumenge penas. Rikrenn leskre tsele laba. Tchiwenn kek lendar ap i rig.

Josua 1:7

Tu, ab soreles un ma traash, un rike tut ap mire tsele laba, hoi penas tuke o Mose, koles miro tchatcho wast his. Ma dja kolendar tele, gar ap i tchatchi rig un witar gar ap i serwi rig, te well halauter mishto, kai tu ninna djah.