2. Rajengro liil 22:17 - O Debleskro Drom 2021 (Sinte)

¹⁷ I menshe an Jerusalem mukan man un anan wawar deblenge viechen, te choirenn le man halautereha, hoi le pengre wastentsa kran; doleske well miri choli har i jag ap kau foro, un kek nai krell les win.”

O Debleskro Lab 2024 (Sinte-Manouche)

¹⁷ I menshe an Yerusalem moukan man oun anan vavar aseblenge firhen, te rhoyrenn le man halautereha, hoy le pengre vastentsa kran; doleske vell miri rholi har i yag ap kava foro, oun kek nay krell les vin.”

2. Rajengro liil 22:17 ပူးပေါင်းရင်းမြစ်များ

2. Rajengro liil 21:22

Un job mukas o baro Debles, ko Debles, koles leskre phure an-mangan, un djas gar ap o baro Debleskro drom.

2. Familjakro liil 28:25

Ninna an hako wawar foro an o them Juda mukas lo mulne platse te krell, te well sungepaskro koowa i chochene deblenge chatchedo. Un jaake kras lo, te was o baro Dewel, ko Dewel leskre phurendar, chojedo.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

2. Mose 32:34

Un kanna dja pale! An kol menshen an ko them, kai me rakrom lestar. Miro bolepaskro djal glan tute. Te well miro tsiro, dau i Israelitarjen pengri phagi.”

Jesaja 33:14

Ap i berga Zion lenn kolla traash, kai doosh ap pende hi. Halauter trissenna, kai o Debles bistran, un penenn kanna: Kek mendar nai atchell tardo pash i jag, hoi lauter pre chatchrell. Kek mendar nai rikrell kowa win pash koi jag, hoi chatchell hako tsiro har koi jag ap o Debleskri chatchepaskri.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jeremia 17:27

Te shunenn tumer gar ap mande, un djiwenn ap o Debleskro diwes har ap hako wawar diwes, un hidjrenn tumaro koowa ap o Debleskro diwes dren an kol wudja o forestar Jerusalem, palle tchiwau me jag an kol wudja, te chatchrenn i sorele khera pre an Jerusalem. Un kek nai krell koi jag win.

Jeremia 22:9

Un palle penenn le lenge: Leskre menshe rikran gar dren, hoi job lentsa win kras, te hi lo lengro Dewel un jon peskre menshe. Un jon mangan wawar deblen an un peran glan lende tele.

Jeremia 36:7

Nai well, te mukenn le pengro tchilatcho drom un mangenn pen tele glan o baro Debleste un wenn pale ap leskro drom. Palle nai rikrell o baro Dewel peskri bari choli pale, hoi les ap kal menshende hi, un hunte dell len gar koi phari phagi, kolah lo len trad das.

Jeremia 7:20

Doleske penell o baro Dewel, maro rai: Miri bari choli well pral kau foro, pral i menshende un pral i viechende, pral kol ruka an o weesh un pral ko djob an kau them. Miri choli hi har i jag, hoi kek nai krell win.

Micha 5:13

Kol kashta, hoi i debletsa Ashera sikrenn, tserdau win dran i phub, un tumare forja krau paash.

Zefanja 1:18

Lengro rup un sonakai nai lell len gar win dran koi bibacht ap ko diwes, kai o baro Debleskri choli pral lende wella. Leskri bari choli well har i jag pral o tselo them un krell halauter paash. Sik well o merepen pral halauter, kai kote djiwenn.

Zakarie 1:2

O baro Dewel, ko rai pral o bolepen un i phub, penas leske, te penell lo i menshenge Israel: Me, o baro Dewel, homs chojedo pral tumare phurende.

5. Mose 32:21

Jon dukan un choiran man, har mangan le kolen an, kai kek debla hi. Jaake kamau me les ninna lentsa te krell, un lau mange wawar menshen, te silwerenn le un choirenn pen pral menshende, kai prindjran man gar.

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.

5. Mose 32:23

Pale te pale anau me bibacht pral lende; me dau mire tsele faile karje an lende.

1. Tessalonikarja 2:16

Jon mukenn men gar, te penas mer o latcho lab i wawarenge, kai kek bibolde hi, te nai wenn kolla ninna ap o Debleskro drom. Jaake was i biboldengri doosh jaake baro, bareder djal gar. Un o Debleskri choli was soreles pral lende.