2. Rajengro liil 21:9 - O Debleskro Drom 2021 (Sinte)

⁹ I menshe an o them Juda shunan gar ap o baro Debleste. Un o Manasse anas len ap o tchilatcho drom; un jon djiwan tchilatcheder har kol wawar menshe, kolen o baro Dewel glan o Israel krik tradas.

O Debleskro Lab 2024 (Sinte-Manouche)

⁹ I menshe an o them Youda shounan gar ap o baro Debleste. Oun o Manasse anas len ap o čilačo drom; oun yon djivan čilačeder har kol vavar menshe, kolen o baro Devel glan o Israel krik tradas.

2. Rajengro liil 21:9 ပူးပေါင်းရင်းမြစ်များ

1. Rajengro liil 14:16

Dran o tchilatchepen, hoi o Jerobeam kras, mukell o baro Dewel i Israelitarjen. O Jerobeam djas o baro Debleskro dromestar tele, un kras, te djan i Israelitarja ninna o baro Debleskro dromestar tele.”

2. Rajengro liil 16:3

Na-a, job djas ap kol dromma, kai kol bare raja dran o them Israel ninna djan. Ninna mukas lo peskro tchawes an i jag te chatchrell, jaake har kowa kol menshe kran, kai o baro Debles gar prindjrenn un sawo djungelo koowa krenn. Kolen tradas o baro Dewel glan i Israelitarja dran o them win, te nai djiwenn i Israelitarja koi dren.

2. Rajengro liil 21:10

Kote rakras o baro Dewel ap leskre budepangre, kai leskre rakepangre hi. Un kolla penan leskre laba i menshenge dureder. Job penas:

2. Familjakro liil 33:9

Un o Manasse anas i menshen an o them Juda un an o foro Jerusalem ap i tchilatcho drom; un jon djiwan tchilatcheder har kol wawar menshe, kolen o baro Dewel glan o Israel krik tradas.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Debleskri gili 12:8

Tu, mo baro Dewel, rikreh tiro lab, un rikreh tiro wast pral mende hako tsiro, te nai krenn kol menshe menge kek tchilatchepen,

Debleskri gili 81:10

Pash tumende hunte well kek wawar dewel, un tu mangess kek wawar debles an!

Gosewe laba 29:12

I rai, kai ap chochene laba shunella, koleskre budepangre wenn lauter chochene.

Ezekiel 11:12

Un tumer dikenn un haiwenn, te hom me o baro Dewel. Tumer kran gar kowa, hoi tumendar kamom. Un rikran gar ap mire tchatchepaskre laba. Na-a, tumer djiwan pal i tchatchepangre laba kol menshendar, kai an i themma trul tumende djiwenna.

Ezekiel 16:47

Tuke his gar doha, te djas ap lengre tchilatche dromma, un te kress ko djungelo koowa, hoi jon kran! Na-a, tu wal gomme tchilatcheder har jon, un kral gomme djungleder koowa har jon kran.

Ezekiel 22:3

Pen: Kawa penell o baro Dewel, maro rai: Tumer, kai djiwenn an o foro, maran bud menshen tumendar un kran tumenge chochene deblen, te wan pale-tchiddo o baro Debleske. Tumaro tsiro hi koi!

Ezekiel 5:6

I menshe an Jerusalem mukan pen tchi mandar te penell, un shunan gar ap mande. Jon wan tchilatcheder har kol themma, kai trul lende hi. Mire tchatchepaskre laba witsran le pal pende, un djiwan gar jaake har lendar kamom.

Ezekiel 5:7

Doleske penau me, o baro Dewel, lengro rai, ap lende: Tumer hans tchilatcheder har i menshe an i themma trul tumende, un djiwan gar jaake har tumendar kamom, un rikran gar mire tchatchepaskre laba dren. Awa, tumer han jaake tchilatcho, te rikran tumen witar gar ap o tchatchepen kol wawar menshendar, kai trul tumende djiwenn.

Daniel 9:6

Un mer shunam witar gar ap tire budepangre, kol rakepangre, kai rakran tuke ap mare rajende, pralstunende, phurende un ap mare tsele menshende.

Hosea 5:11

O Efrajim las pes glan, te nashell lo i chochene deblenge palla. Doleske well lo kanna tele rikedo. Un leskro tchatchepen well i pirentsa stakedo.

Louka 13:34

“Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre ternende garda della, un lell len tel peskre phora. Un tumer kaman gar.

Johanni 15:22

Te woms me gar pash lende, un penoms lenge gar halauter, lans le kek doosh ap pende. Kanna nai penenn jon gar: Mer djinam gar, kai kowa, hoi kram, tchilatcho hi.

Jakobo 4:17

Koon djinell o latchepen, un krell les gar, kowa anell doosh ap peste.

Debleskro tsiro 2:20

Jek koowa hi gar mishto pash tumende. Tumer mukenn koi djuwel Isebel te rakrell, hoi joi kamella, koja, hoi penell, te hi li o Debleskri rakepaskretsa. Joi tserdell mire budepangren o Debleskro dromestar tele un penell lenge, te nai djan i mursha pash wawar djuwjende, un i djuwja pash wawar murshende. Ninna penell li lenge, te nai chan le ko mass, hoi wawar menshe glan pengro debleste anan.

1. Samuel 8:19

I menshe kaman gar ap o Samueleste te shunell, un penan: “Na-a, mer kamah, te well i baro rai pral mende,