2. Rajengro liil 21:7 - O Debleskro Drom 2021 (Sinte)

⁷ Un job anas koi kashteni debletsa Ashera, hoi lestar kerdo was, an o Debleskro kheer, kolestar o baro Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

O Debleskro Lab 2024 (Sinte-Manouche)

⁷ Oun yob anas koy kashteni debletsa Ashera, hoy lestar kerdo vas, an o Debleskro kheer, kolestar o baro Devel ap o David penas oun leskro čaveste, o Salomo: “An kava kheer oun an o foro Yerusalem, hoy me mange vi-rodom dran o tselo Israel, kate kamau me, te mangenn le man an hako tsiro.

2. Rajengro liil 21:7 ပူးပေါင်းရင်းမြစ်များ

2. Samuel 7:13

Kowa krell mange i kheer. Un me krau te atchell lo hako tsiro baro rai.

1. Rajengro liil 8:29

Rike tire jaka pre pral kau kheer an i rati un ap o diwes! De jak ap ko kotar phub, kolestar tu penal: Kote kamau te mangenn tumer man an. Shun man, miro rai, te rakrau kate tuha!

1. Rajengro liil 8:44

An ko tsiro, kai bitchreh tu tire menshen an i kurepen wawar menshentsa, un tire menshe mangenn tut, o baro Debles, te wess ap lengri rig, un rissrenn pen koi pashel kote, kai kau foro hi, hoi tu win rodal, un kai kau kheer hi, hoi tuke krom,

1. Rajengro liil 9:3

Un o baro Dewel penas leske: Me shunom, har man an-mangal, un har mandar mangal, te dikap latches ap tute. Jaake rodom kau kheer mange win, hoi tu kral, te djiwap kote hako tsiro. Me dau garda koi pre. Kote krau miro dji tumenge pre.

1. Rajengro liil 9:7

palle tradau me i Israelitarjen win dran lengro them, hoi me len dom. Un ko kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral o Israel.

2. Rajengro liil 16:11

Un o rashai Urija kras sawi chatchepaskri har les kol bitchepangre sikran, kolen o baro rai Ahas dran Damaskus pash leste bitchras. Un koi chatchepaskri his kerdo, har o baro rai Ahas dran o foro Damaskus pale was.

2. Rajengro liil 21:4

Un an o baro Debleskro kheer tchiwas job chatchepangre pre i mule deblenge, kote, kai o baro Dewel penas: “An o foro Jerusalem kamau te mangenn le man an.”

2. Rajengro liil 23:27

Un o baro Dewel penas: “Me kamau ninna i menshen dran o them Juda mandar krik te tchiwell, jaake har me kolen dran o them Israel mandar krik tchiwom. Un kamau kau foro pale te tchiwell, kau foro Jerusalem, hoi me mange wi-rodom, un ko kheer, kolestar me penom: ‘Kamoms te mangenn le man kote an.’”

2. Rajengro liil 23:4

Un o baro rai penas o pralstuno rashajeske Hilkija un wawar bare rashajenge, un kolenge, kai denn garda ap o wudar, te witsrenn le dran o baro Debleskro kheer kol tsele koola win, hoi kol deblenge Baal un Ashera un kol tsele bolepangre momelenge kerdo wan. Un job mukas halauter te chatchrell an i jag, win glan o foro Jerusalem an o telstuno them, hoi kharell Kidron. Un i jagakri tchik mukas lo an o foro Betel te anell.

2. Rajengro liil 23:6

Un o Josia mukas koi kashteni debletsa Ashera dran o baro Debleskro kheer te anell glan o foro Jerusalem pash ko tikno pani, kai kharell Kidron. Un kote mukas lo lat te chatchrell. Un hoi latar pral atchas, mukas lo tiknes te krell har phubjakri tchik, un tchiwas kowa khetne koi jagakri tchik ap o handako, kai i tchorwele paskedo wan.

2. Familjakro liil 33:15

Un job mukas i figuren i chochene deblendar krik te anell, ninna koi debleskri figura, hoi job an o baro Debleskro kheer tchiwas. Ninna anas lo i tsele chatchepangre krik, kolla, kai tchiwas lo pre ap i berga, kai o Debleskro kheer tardo hi, un kolla, kai an o foro Jerusalem tardo his; job witsras ko tselo koowa win glan o foro.

2. Familjakro liil 33:7

Un mukas i figura te krell, hoi i chocheno dewel sikras, un anas lat an o Debleskro kheer, kolestar o Dewel ap o David penas un leskro tchaweste, o Salomo: “An kau kheer un an o foro Jerusalem, hoi me mange wi-rodom dran o tselo Israel, kate kamau me, te mangenn le man an hako tsiro.

2. Familjakro liil 6:6

Kanna rodom mange Jerusalem win, te wap kote an-mangedo. Un me rodom mange o Davides win, te well job o rai pral mire menshende Israel.’

2. Familjakro liil 7:12

Un o baro Dewel mukas pes o Salomestar an i rati te dikell, un penas leske: Me shunom, har man an-mangal, un rodom kau kheer mange win, te wenn mange kate kowa chatchedo, hoi tumer mange anenn.

2. Familjakro liil 7:16

Me rodom kau kheer win, te well lo miro kheer, te wap kote an-mangedo hako tsiro. Un me dau garda koi pre. Kote krau miro dji tumenge pre an i tsele diwessa.

2. Familjakro liil 7:20

palle tradau me i Israelitarjen win dran lengro them, hoi me len dom. Un kau kheer, hoi mange win rodom, te wap kote an-mangedo, kolestar kamau tchi buder te djinell. Un i menshe an i tsele wawar themma rakrenn un sanenn pral leste.

Nehemia 1:9

Te rissrenn tumer pale trujel pash mande, un rikrenn mire laba un djiwenn pal lende, palle anau tumen pale ap koi platsa, hoi win rodom, te wap kote prindjedo. Kowa krau me, ninna te wans tumer krik tradedo bis an o palstuno kotar ap i phub.’

Debleskri gili 74:2

Ma biste gar, te ham kol menshe, kai tu tuke glan i rah tsiro wi-rodal. Tu ginal men win dran i wasta kolendar, kai men tele rikran. Tu kamal, te was mer tiro. Ma biste i berga Zion, hoi tuke wi-rodal, te djiwess kote.

Debleskri gili 78:58

Jon mangan i wawarengre deblen an. Un choiran o Debles, har kran le penge chochene deblen.

Jeremia 32:34

Koi pashel tchiwan le pengre chochene deblen an ko kheer, hoi mange kerdo was. Un jaake kran le les pale-tchiddo.

Jeremia 7:30

Kol menshe an o them Juda krenn, hoi mange djungeles hi, penell o baro Dewel. Jon tchiwan kol djungele deblen an kau kheer, hoi mange kerdo was, un kran les pale-tchiddo.

Ezekiel 23:38

Un kawa hi gar lauter, hoi le kran: Ap ko emligo diwes, har maran le pengre tchawen o chochene deblenge, wan le an miro kheer, un jaake kran le miro kheer pale-tchiddo. Un kol diwessa, kai mange hi, rikran le buder gar dren. Awa, sawo koowa hi, hoi kran le an miro kheer!

5. Mose 16:21

Tumer hunte tchiwenn kek kasht pre, hoi sikrell i debletsa Ashera, un tchiwenn les pre pash koi chatchepaskri, hoi krenn tumer tumaro baro Debleste.