2. Rajengro liil 21:5 - O Debleskro Drom 2021 (Sinte)

⁵ Un i tsele bolepangre momelenge tchiwas lo chatchepangre pre an kol dui glanstune platse glan o baro Debleskro kheer.

O Debleskro Lab 2024 (Sinte-Manouche)

⁵ Oun i tsele bolepangre momelenge čivas lo rhačepangre pre an kol douy glanstoune platse glan o baro Debleskro kheer.

2. Rajengro liil 21:5 ပူးပေါင်းရင်းမြစ်များ

1. Rajengro liil 6:36

Job mukas ninna i glanstuni platsa trul o Debleskro kheer te krell. Trul i platsa kras lo i massuri, kai triin kope barra ap barra tchiddo wan, un ap i triinte barra wan zedertikre kashta tchiddo.

1. Rajengro liil 7:12

Trul koi bari platsa his i massuri dran tchinle barra un pesse kashta: triin kope tchinle barra jek ap i wawar, un koi pral jek kopo zedertikro kasht. Jaake his ninna koi massuri trul i platsa glan o Debleskro kheer kerdo un koi glanstuni halla glan ko kheer.

2. Rajengro liil 23:12

Un job kras kol chatchepangre paash, hoi pral ap o kheer koi tardo his, kai o Ahases leskri isema his. Kol chatchepangren mukan i bare raja pral o them Juda te krell. Ninna kolla, kai o Manasse kras, phagas lo tele. Kolla his tardo ap kol dui platse glan o baro Debleskro kheer. Un o Josia djas koi un witsras lengri tchik an ko tikno pani, hoi kharell Kidron.

2. Rajengro liil 23:4

Un o baro rai penas o pralstuno rashajeske Hilkija un wawar bare rashajenge, un kolenge, kai denn garda ap o wudar, te witsrenn le dran o baro Debleskro kheer kol tsele koola win, hoi kol deblenge Baal un Ashera un kol tsele bolepangre momelenge kerdo wan. Un job mukas halauter te chatchrell an i jag, win glan o foro Jerusalem an o telstuno them, hoi kharell Kidron. Un i jagakri tchik mukas lo an o foro Betel te anell.

2. Rajengro liil 23:5

Un job bitchras i rashajen krik, kai i mule deblenge budrenn, un kolen i bare raja pral o them Juda mukan te well, te chatchrenn le sungepaskro koowa ap i mulne platse an i forja an o them Juda un trul o foro Jerusalem. Kol mule debla, kolenge chatchran le sungepaskro koowa, his: o Baal, o kham un o tchon, un i tsele bolepangre momlia.

2. Rajengro liil 23:6

Un o Josia mukas koi kashteni debletsa Ashera dran o baro Debleskro kheer te anell glan o foro Jerusalem pash ko tikno pani, kai kharell Kidron. Un kote mukas lo lat te chatchrell. Un hoi latar pral atchas, mukas lo tiknes te krell har phubjakri tchik, un tchiwas kowa khetne koi jagakri tchik ap o handako, kai i tchorwele paskedo wan.

2. Familjakro liil 33:15

Un job mukas i figuren i chochene deblendar krik te anell, ninna koi debleskri figura, hoi job an o baro Debleskro kheer tchiwas. Ninna anas lo i tsele chatchepangre krik, kolla, kai tchiwas lo pre ap i berga, kai o Debleskro kheer tardo hi, un kolla, kai an o foro Jerusalem tardo his; job witsras ko tselo koowa win glan o foro.

2. Familjakro liil 33:5

Un i tsele bolepangre momelenge tchiwas lo chatchepangre pre an kol dui glanstune platse glan o baro Debleskro kheer.

2. Familjakro liil 4:9

Un job kras i glanstuni platsa i rashajenge, ninna i bari glanstuni platsa un wudja glan i glanstuni platsa, un mukas kol wudja lolo sasteha pral te tserdell.

Ezekiel 40:28

Un ko mursh djas mantsa an kau baro wudar, kai kote hi, kai o kham pralstunes tardo hi, un dureder ap i tikni glanstuni platsa. Un job dikas pal, har baro kau wudar hi. Un kowa his jaake baro har kol wawar wudja.

Ezekiel 40:32

Un job anas man an koi tikni glanstuni platsa ap koi rig, kai o kham pre djal. Un dikas pal, har baro ko baro wudar kote hi. Un kowa his jaake baro har kol wawar.

Ezekiel 40:37

Un koi wudareskri halla djas bis pash koi bari glanstuni platsa. Un an lakre massurja his palmtikre ruka dren tchinlo. Ochta stufe djan kote pre.

Ezekiel 40:47

Un ko mursh dikas pal, har baro koi tikni glanstuni platsa hi: Koles his star rigja, kolendar hakeni jaake baro hi har koi wawar: 50 (paash-sheel) metarja. Glan o Debleskro kheer his koi chatchepaskri tardo.

Ezekiel 42:3

Kau kheer his tardo mank koi tikni glanstuni platsa, hoi his deesh metarja buchlo, un koi drom, hoi djas trul i bari glanstuni platsa. Kau kheer his jaake kerdo, te his iseme telstunes, mashkralstunes un pralstunes.

Ezekiel 43:5

Un o ducho hadas man pre un anas man ap koi tikni glanstuni platsa. Un dikom o baro Debleskro railepen, kolestar o kheer pherdo his.

Ezekiel 44:19

Te djan le ap i bari glanstuni platsa win pash i menshende, hunte riwenn le kol koola, an kolende jon budran, pale win, un tchiwenn len tele an kol iseme, hoi i rashajenge hi. Un riwenn wawar koola an, te taprenn i menshe gar i rashajengre koola an, un merenn.

Ezekiel 8:16

Un job anas man dren ap koi tikni platsa glan o baro Debleskro kheer. Un glan o wudar o kherestar mashkral i glanstuni halla un i sasterni chatchepaskri his 25 (biish-te-pantch) mursha tardo. Kolla rissran pengre dume khatar o baro Debleskro kheer, un dikan ap koi rig, kai o kham pre djal. Un jon mukan pen ap i phub te perell, un mangan o kham an.