2. Rajengro liil 21:24 - O Debleskro Drom 2021 (Sinte)

²⁴ I mursha dran Juda dan halauteren mulo, kai pen khetne tchiwan te marenn le o baro rajes Amon. Un jon lan leskro tchawes, o Josia, te well lo baro rai pal leste.

O Debleskro Lab 2024 (Sinte-Manouche)

²⁴ I morsha dran Youda dan halauteren moulo, kay pen khetne čivan te marenn le o baro rayes Amon. Oun yon lan leskro čaves, o Yosia, te vell lo baro ray pal leste.

2. Rajengro liil 21:24 ပူးပေါင်းရင်းမြစ်များ

2. Samuel 5:3

Har kol tsele phureder dran Israel pash o baro rajeste an o foro Hebron his, kras kote o baro rai David lentsa win, te well lo lengro baro rai. Un jon dan ap o baro Debleste gole, te shunell job kowa. Un jon tchoran djet pral o Davideskro shero, te well job baro rai pral o Israel.

1. Rajengro liil 12:1

O Jerobeam, koleskro dad o Nebat his, his an o them Egiptia, kote nashas job glan o rajeste Salomo. An ko tsiro djas o Rehabeam an o foro Sichem. Un i tsele Israelitarja wan kote ninna khetne, te tchiwenn le les pral pende, te well lo lengro rai. Har kowa o Jerobeam shunas, was lo palpale dran o them Egiptia.

1. Rajengro liil 12:20

Un har i menshe an Israel shunan, kai o Jerobeam pale pale was, bitchran le murshen pash leste, un mukan leske te penell, te well lo ap i tsillo. Un kote tchiwan le les pral pende, te well lo lengro rai, o rai pral Israel. Kokres i menshe dran o kheer Juda rikran ap o Davideskre tchawende.

2. Rajengro liil 11:17

Un o Jojada mukas o baro rajes un i menshen dran Juda i sowel te dell o baro Debleske, te djiwenn le jaake, har o baro Dewel peskre menshendar kamella. Ninna mukas lo len i sowel te dell, te rikrenn le hako tsiro pash pengro baro rajes, un job pash lende.

2. Rajengro liil 14:21

Un i tsele menshe dran o them Juda lan leskro tchawo, o Asarja, un kran les baro rai, har his lo 16 (deesh-te-shob) bersha phuro.

2. Rajengro liil 14:5

Har les o them soreles an peskro wast his, mukas lo kol pralstunen te marell, kai dan leskro dades mulo, ko baro rajes Joash.

2. Rajengro liil 21:25

Ko tselo wawar koowa, hoi o Amon kras, kowa hi tchinlo an o familjakro liil kol bare rajendar pral o them Juda.

2. Rajengro liil 22:1

O Josia his ochta bersha, har was lo baro rai; un job his 31 (trijanda-te-jek) bersha baro rai an o foro Jerusalem. Leskri dai kharas Jedida, lakro dad his o Adaja dran Bozkat.

2. Familjakro liil 22:1

Har o Joram meras, lan i menshe an o foro Jerusalem leskro ternester tchawes, o Ahasja, te well lo o baro rai pal leskro dadeste. Glan i tsiro wan Arabarja ap i lurdengri platsa, kai i lurde dran Juda his, un peran pral lende. Lentsa khetne wan randepangre lurde un maran kol tsele phureder tchawen o Joramestar. Doleske was o Ahasja o baro rai pral Juda.

2. Familjakro liil 26:1

Pal o merepen o baro rajestar Amazja, lan i tsele menshe dran o them Juda leskro tchawes, o Usija, un kran les baro rai.

2. Familjakro liil 33:25

Doleske dan i mursha dran Juda halauteren mulo, kai pen khetne tchiwan, te marenn le o baro rajes Amon. Un jon lan leskro tchawes, o Josia, te well lo baro rai pal leste.

Jeremia 1:2

O baro Dewel rakras ap o Jeremia, har o Josia, koleskro dad o Amon his, an o 13 (deesh-te-triinto) bersh o baro rai pral o them Juda his.

1. Samuel 11:15

Un jon lauter djan pre an Gilgal. Un kote, pash o Debleskro kheer tchiwan le o Saules pral pende, te well lo lengro baro rai. Un kote maran le viechen o baro Debleske, un kran i baro chapen. Un o Saul un i tsele Israelitarja chan un pijan bachteles khetne.