2. Rajengro liil 21:11 - O Debleskro Drom 2021 (Sinte)

¹¹ O Manasse, ko baro rai pral o them Juda, kras baro tchilatchepen, hoi djungleder hi har lauter, hoi i Amorarja kran, kai glan leste djiwan. Un job anas ninna i menshen dran o them Juda ap i tchilatcho drom peskre tsele mule deblentsa.

O Debleskro Lab 2024 (Sinte-Manouche)

¹¹ O Manasse, ko baro ray pral o them Youda, kras baro čilačepen, hoy djoungleder hi har lauter, hoy i Amorarya kran, kay glan leste djivan. Oun yob anas ninna i menshen dran o them Youda ap i čilačo drom peskre tsele moule deblentsa.

2. Rajengro liil 21:11 ပူးပေါင်းရင်းမြစ်များ

1. Mose 15:16

Un pal star menshengro phurepen wenna tire menshe kate pale. Koi doosh kolendar, kai kanna kate djiwenn – kolla hi i Amorarja – hi kanna gar bares doha, te tradap len win.”

1. Rajengro liil 14:16

Dran o tchilatchepen, hoi o Jerobeam kras, mukell o baro Dewel i Israelitarjen. O Jerobeam djas o baro Debleskro dromestar tele, un kras, te djan i Israelitarja ninna o baro Debleskro dromestar tele.”

1. Rajengro liil 15:30

Kowa his i phagi koleske, hoi o Jerobeam kras, har djas lo o baro Debleskro dromestar tele, un kras, te djan ninna i Israelitarja ap i tchilatcho drom. Doleske was o baro Dewel, kai o Israeleskro Dewel hi, jaake chojedo pral leste.

1. Rajengro liil 16:19

Kowa his i phagi koleske, hoi job kras, un hoi tchilatcho his glan i jaka o baro Deblestar. Har o Jerobeam djas lo ap i tchilatcho drom, mukas o baro Debles, un kras, te djan i Israelitarja ninna o baro Debleskro dromestar tele.

1. Rajengro liil 21:26

Leskro djungleder koowa his, te nashas lo i mule deblenge palla, jaake har kran kowa i Amorarja, kolen tradas o baro Dewel glan i Israelitarjen krik.

2. Rajengro liil 16:3

Na-a, job djas ap kol dromma, kai kol bare raja dran o them Israel ninna djan. Ninna mukas lo peskro tchawes an i jag te chatchrell, jaake har kowa kol menshe kran, kai o baro Debles gar prindjrenn un sawo djungelo koowa krenn. Kolen tradas o baro Dewel glan i Israelitarja dran o them win, te nai djiwenn i Israelitarja koi dren.

2. Rajengro liil 21:10

Kote rakras o baro Dewel ap leskre budepangre, kai leskre rakepangre hi. Un kolla penan leskre laba i menshenge dureder. Job penas:

2. Rajengro liil 21:16

Ninna mukas o Manasse bud menshen te marell, ap kolende kek doosh his. An o foro Jerusalem nashas lengro rat har pani. Koi pashel was koi doosh, hoi lo ap o them Juda anas, har anas lo i menshen ap i tchilatcho drom, kai kran le, hoi gar mishto hi an o baro Debleskre jaka.

2. Rajengro liil 21:2

Un job kras, hoi his tchilatcho glan o baro Debleskre jaka: ko emligo djungelo koowa, har kol wawar menshe kran, kolen o baro Dewel glan o Israel win tradas dran o them.

2. Rajengro liil 21:20

Un o Amon kras, hoi tchilatcho hi glan o baro Debleskre jaka, jaake har leskro dad o Manasse les kras.

2. Rajengro liil 21:21

Un djas ap o tchilatcho drom, har leskro dad, un mangas i mule deblen an, har leskro dad kowa ninna kras, un witsras pes glan lende tele.

2. Rajengro liil 21:9

I menshe an o them Juda shunan gar ap o baro Debleste. Un o Manasse anas len ap o tchilatcho drom; un jon djiwan tchilatcheder har kol wawar menshe, kolen o baro Dewel glan o Israel krik tradas.

2. Rajengro liil 23:24

Ninna tradas o Josia i tsele drawepangren krik, un kolen, kai i mulen putchenn, un mukas i khereskre deblen un i wawar chochene deblen krik te anell dran o them Juda un dran o foro Jerusalem. Kowa kras lo, te well halauter jaake kerdo, har tchinlo hi an ko liil, kai lenge o Debleskro drom siklo well, – ko liil, hoi o rashai Hilkija an o baro Debleskro kheer hatsas.

1. Familjakro liil 1:14

ninna i Jebusarja, i Amorarja, un i Girgasharja,

Jeremia 15:4

I tsele menshe ap i phub denn i wasta pral o shero khetne, te dikenn jon kowa. Koja hi koi phagi koleske, hoi ko baro rai Manasse an Jerusalem kras. Leskro dad hi o Hiskija, ko baro rai pral Juda.

Ezekiel 16:3

Pen lenge: Kawa penell o baro Dewel, maro rai: O them Kanaan hi o them, dran koleste tire phure wan, un kai tu boldo wal. Tiro dad his i Amorari, tiri dai i menshendar Het.

Ezekiel 16:45

Tu hal i tchai tiri datar, koja peskro romeske un peskre tchawenge o dumo sikras. Un tu hal i pheen tiri phenjatar, kai peskro romeske un peskre tchawenge o dumo sikras. Tumari dai his i menshendar Het un tumaro dad his i Amorari.

Ezekiel 18:12

un rikrell i tchorwelen sorjah tele, ninna kolen, kolen gar doha djipaske hi, un lell sorjah peske, hoi gar leskro hi. Te patsas lo lowe win, dell lo kowa gar pale, hoi das les ko tchorwelo ko tsireske, kai les sijaan pash leste hi. Un job mangell i chochene deblen an, un krell, hoi glan o Debleske jaka djungeles hi.

Ezekiel 5:6

I menshe an Jerusalem mukan pen tchi mandar te penell, un shunan gar ap mande. Jon wan tchilatcheder har kol themma, kai trul lende hi. Mire tchatchepaskre laba witsran le pal pende, un djiwan gar jaake har lendar kamom.