2. Rajengro liil 20:3 - O Debleskro Drom 2021 (Sinte)

³ “Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

O Debleskro Lab 2024 (Sinte-Manouche)

³ “Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

2. Rajengro liil 20:3 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

1. Mose 5:22

Koi pal, har o Metuselach boldo was, djiwas o Henoch 300 (triin-sheel) bersha o Debleha. Un lestar wan bud tchawe un tcha bolde.

1. Mose 5:24

Un o Henoch djiwas o Debleha. Palle his job buder gar koi. O Dewel las les krik.

1. Mose 8:1

O Dewel bistras o Noah gar, witar gar i viechen, kai pash leste an o panjeskro kheer his: kol diwje vieche un kolla, kai gar diwje hi. Un o Dewel mukas i baro ducho pral i phub te phurdell. Koi djas o pani tele.

1. Rajengro liil 11:4

Un jaake was, har o Salomo phuro was, anan les leskre djuwja jaake dur, te nashas lo wawar deblenge pal. Job rikras pes buder gar kokres ap o baro Debleste, kai leskro Dewel hi, har kowa leskro dad, o David kras.

1. Rajengro liil 15:14

Ninna te atchenn kol bud mulne platse tardo, rikras pes o Asa ap o baro Debleste peskro tselo djijeha, jaake rah har job djiwas.

1. Rajengro liil 2:4

Un o baro Dewel mukell peskro lab tchatcho te well, hoi job ap mande rakras, har lo penas: ‘Te denn tire tchawe garda ap pengre dromma, te djiwenn jon pengro tselo djipen glan mande, un rikrenn ap mande pengro tselo djijestar un pengri tseli sorjah, palle hi an hako tsiro jek tire tchawendar o baro rai pral Israel.’

1. Rajengro liil 3:6

Kote penas o Salomo: “Baro latchepen kral tu miro dadeske, o Davideske, kai tuke koi his, un ap tute rikras, un djiwas an tiro tchatchepen peskro tselo djijeha glan tute. Un mukal tiro latchepen pral leste te well, un dal les i tchawo. Kowa hi kanna ap leskri beshepaskri beshdo pal leste.

1. Rajengro liil 8:23

un penas: Baro Dewel, tu o Dewel pral o Israel, kek dewel hi har tu pral an o bolepen, witar gar tele ap i phub. Tu rikreh tiro lab, hoi tire menshende dal, un hal lenge latches, kolenge, kai djiwenn glan tute pengro tselo djijeha.

1. Rajengro liil 8:61

Un tumer, atchenn tumaro tselo djijeha pash maro baro Debleste, un krenn, hoi job tumendar kamell, un rikrenn leskre laba, har tumer kau diwes krenn.

1. Rajengro liil 9:4

Un tu, te djiweh tu glan mande, har tiro dad, o David, glan mande djiwas i djudjo djijeha un kek chochepah, un kreh halauter jaake, har me tuke penom, un mire laba rikreh, un pal miro tchatchepen djiweh,

2. Rajengro liil 20:2

O Hiskija rissras pes o mujeha ap i massuri un mangas o baro Debles un penas:

2. Rajengro liil 20:4

O Jesaja his gomme ap i mashkralstuni platsa, kote rakras o baro Dewel ap leste:

2. Familjakro liil 16:9

O baro Debleskre jaka dikenn an i tsele themma, te dell lo soor kolenge, kai rikrenn pen pengro tselo djijeha ap leste. Tu rikral tut dineles an kau koowa. Doleske well fun kau tsiro kurepen pral tute.”

Nehemia 13:14

Dik, hoi kai krom, miro Dewel! Ma biste ko latchepen, hoi krom ap tiro kheer, te well koi budi an leste mishto kerdo.

Nehemia 13:22

Un me penom ap i Levitarja, te krenn le pen djudjo o Debleske. Palle te wenn le pash o foreskre wudja un denn koi jak, te well o Debleskro diwes dren rikedo. Ninna kawa biste mange gar, miro Dewel. Un dik latches ap mande an tiro baro kamlepen.

Nehemia 13:31

Un penom ninna, koon ap hawo tsiro o kasht hunte anell chatchepaske, un krom, te well o newo djob un i newe rukengre anlo. Biste kowa mange gar, miro Dewel, un dik latches ap mande!

Nehemia 5:19

Ma biste kowa mange, miro Dewel, hoi lauter kol menshenge krom!

Hiob 1:1

An o them Uz djiwas i mursh, kowa kharas Hiob. Job his an o tchatchepen tardo, un kek doosh his ap leste. Job mangas o Debles an, un rikras pes dur krik o tchilatchepastar.

Hiob 1:8

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar.”

Hiob 16:20

Mire mala sanenn pral mande. Mire jaka hi pherde swa, har dikau me pre pash miro Debleste.

Hiob 4:6

Tu rikreh tuke o Debles glan i jaka pash halauter, hoi kreh, un djah o tchatcho drom. Doleske nai leh newi soor, un patseh, te well lauter pale mishto tuke.

Debleskri gili 102:9

Hako diwes sanenn kolla pral mande, kai kamenn mange tchilatchepen, un praassenn man.

Debleskri gili 119:26

Me penom tuke lauter dran miro djipen, un tu shunal man. Sike mande, hoi mandar kameh!

Debleskri gili 119:49

Ma biste tiro lab, hoi dal tu man, tiro budepaskres! Dikau ap tiro lab, te well jaake har tu les penal.

Debleskri gili 145:18

O baro Dewel hi gar dur hakenestar, kai dell les an-gole, hakeneske, kai dell les an-gole an o tchatchepen.

Debleskri gili 25:7

Biste miri doosh, hoi ap mande lom, har terno homs, un miro tchilatcho koowa! Kre mange tiro dji pre, miro baro Dewel!

Debleskri gili 26:1

I gili o Davidestar. Baro Dewel, de man miro tchatchepen! Kek doosh hi ap mande. Un me patsau tut, mo baro Debles, un perom gar tutar tele.

Debleskri gili 26:3

Tiro latchepen hi glan mire jaka, un me djiwau miro djipen an tiro tchatchepen.

Debleskri gili 32:2

Bachtelo hi ko mensho, koneske o baro Dewel i doosh gar glan-rikrell, un an koleste kek chochepen hi.

Debleskri gili 39:13

Baro Dewel, shun miro mangepen! Un shun, har dau ap tute gole! Dik mire swa un rake mantsa! Me hom gar khere ap kai phub, djiwau har i wi-themari pash tute, jaake har ninna mire phure djiwan.

Debleskri gili 6:6

Te hom mulo, nai sharau me tut buder gar. Pash i mulende parkrenn le pen gar pash tute.

Debleskri gili 6:7

Khino hom o ropastar. I tseli rat nashenn mire swa, un miro tchiben hi sapenes lendar.

Debleskri gili 89:47

Baro Dewel, har rah kameh tut gomme te khatrell? Har rah mukeh tiri choli te chatchrell har i jag?

Debleskri gili 89:50

Baro Dewel, glan i rah tsiro dal tu men tiro lab, te tchiwess tiro latchepen ap mende. Hoske rikreh tu gar koi sowel, hoi dal o Davideste?

Jesaja 38:14

An miri gole hi kek soor. Har i tchirklengri gole shunell pes miri gole an, un har te rowals i tauba. Mire jaka hi khino, jaake rah dikom ap tute pre. Miro rai, hom an o merepen! Ab tu ap miri rig!

Jesaja 63:11

Kote mukan le penge pale i phure tsirja an o shero te djal, kol diwessa, kai o Mose, djiwas, un putchan pendar: Kai hi o baro Dewel, kai las peskre menshen win dran o baro pani, khetne kolentsa, kai ap lende jak dan? Kai hi o baro Dewel, kai ap lende peskro ducho tchiwas?

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Amos 5:4

O baro Dewel penell ap o kheer Israel: Rodenn man, palle djiwenn!

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Johanni 1:47

Har o Jesus dikas, kai o Natanael was, penas job: “Dikenn, koi well i tchatcho Israelitari. Un kek chochepen hi an leste.”

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Hebrearja 5:7

Har o Jesus ap i phub djiwas, kras lo lauter, hoi o Dewel kamas. Doleske shunas les o Dewel. An i daar mangas o Jesus o Debles i ropah un bari goljah. Job djinas, kowa nai lell les dran o merepen win.