2. Rajengro liil 20:20 - O Debleskro Drom 2021 (Sinte)

²⁰ Ko tselo wawar, hoi pral o Hiskija penepaske hi, un leskro baro koowa, hoi lo kras, hi tchinlo an o familjakro liil kol bare rajendar pral o them Juda. Kote hi ninna tchinlo, har lo ko tikno pani dren pandas un ko panjeskro drom kras, te nai well ko pani an o foro dren.

O Debleskro Lab 2024 (Sinte-Manouche)

²⁰ Ko tselo vavar, hoy pral o Hiskiya penepaske hi, oun leskro baro koova, hoy lo kras, hi činlo an o familyakro liil kol bare rayendar pral o them Youda. Kote hi ninna činlo, har lo ko tikno pani dren pandas oun ko panyeskro drom kras, te nay vell ko pani an o foro dren.

2. Rajengro liil 20:20 ပူးပေါင်းရင်းမြစ်များ

1. Rajengro liil 14:19

Ko tselo wawar koowa, hoi pral o Jerobeam penepaske hi, leskro kurepen un har lo baro rai his, kowa hi tchinlo an i familjakro liil i bare rajendar pral o Israel.

1. Rajengro liil 14:29

Un ko tselo wawar koowa, hoi pral o Rehabeam penepaske hi, un halauter, hoi job kras, kowa hi tchinlo an i familjakro liil i bare rajendar pral o them Juda.

1. Rajengro liil 15:23

Un ko tselo wawar koowa, hoi pral o Asa penepaske hi, un leskri tseli soor, un halauter, hoi job kras, un i forja, hoi job soreles kras, kowa hi tchinlo an i familjakro liil i rajendar pral o them Juda. Har lo phuro his, wan leskre pire nasselo.

1. Rajengro liil 15:7

Un ko tselo wawar koowa, hoi pral o Abija penepaske hi, un halauter, hoi job kras, kowa hi tchinlo an i familjakro liil i bare rajendar pral o them Juda. Un kurepen his mashkral o Abija un o Jerobeam.

2. Rajengro liil 15:26

Ko tselo wawar koowa, hoi pral o Pekachja penepaske hi, un halauter, hoi lo kras, kowa hi tchinlo an i familjakro liil i bare rajendar pral o them Israel.

2. Rajengro liil 15:6

Ko tselo wawar koowa, hoi pral o Asarja penepaske hi, un halauter, hoi lo kras, kowa hi tchinlo an i familjakro liil i bare rajendar pral o Juda.

2. Rajengro liil 16:19

Ko tselo wawar koowa, hoi pral o Ahas penepaske hi, un hoi lo kras, kowa hi tchinlo an i familjakro liil i bare rajendar pral o them Juda.

2. Rajengro liil 18:17

Un o baro rai pral o them Assur bitchras peskre triin pralstune murshen pash o Hiskija: o Tartan, o Rabsaris un o Rabshake. Kolla djan bud lurdentsa dran o foro Lakish pre an o foro Jerusalem. Un har le koi wan, atchan le pral tardo pash o panjeskro drom, kai nashell o pani an o foro Jerusalem. Kowa hi pash koi platsa, kai i djuwja pengre koola thowenna.

2. Rajengro liil 23:28

Ko tselo wawar koowa, hoi pral o Josia penepaske hi, un halauter, hoi lo kras, kowa hi tchinlo an o familjakro liil o bare rajendar pral o them Juda.

2. Rajengro liil 8:23

Ko tselo wawar koowa, hoi pral o Joram penepaske hi, un lauter, hoi lo kras, kowa hi tchinlo an i familjakro liil i bare rajendar pral o Juda.

2. Familjakro liil 32:24

An kol diwessa was i merepaskro nasslepen ap o Hiskija; un job mangas o baro Debles. Un kowa rakras leha un das les i sikepen, te well lo sasto.

2. Familjakro liil 32:3

rakras lo kol pralstunentsa an peskro them un kol sorele kurepangren, un putchas lendar, te wals gar mishto, te tchakrenn le kol tsele tikne panja, hoi win glan o foro hi; un jon dikan kowa ninna jaake.

2. Familjakro liil 32:30

O Hiskija his kowa, kai mukas o pralstuno kotar o panjestar Gihon te tchakrell, un o pani dureder tel i phub te nashell an o Davideskro foro, ap koi rig, kai o kham tele djal. Halauter, hoi o Hiskija kras, djas leske mishto.

2. Familjakro liil 32:32

Ko tselo wawar koowa, hoi pral o Hiskija penepaske hi, un har rikras lo pes ap o Debleste, kowa hi tchinlo an o liil, hoi o Debleskro rakepaskro, o Jesaja, tchinas, koleskro dad o Amoz hi, un an o liil i bare rajendar pral Juda un Israel.

2. Familjakro liil 32:4

Un jaake wan bud menshe khetne un tchakran kol tsele tikne panja un ninna ko lengsto pani, hoi nashas tel i phub. Jon penan penge: “Te wenn kol bare raja dran o them Assur, nai hatsenn le kek pani kate pash mende.”

Nehemia 2:14

Un me klissom dureder pash o Djido Panjeskro Wudar un pash o rajeskro pani. Un har wom miro viecheha kote gar budeder dureder,

Nehemia 3:16

Pal koleste budras o Nehemja, koleskro dad o Asbuk his. O Nehemja his o pralstuno pral o paash ko themestar trul o foro Bet-Zur. Job kras i massuri bis pash o Davideskro mulengro kheer un bis pash ko tikno pani, hoi kerdo was, un bis pash o kheer, kai i lurde djiwan.