2. Rajengro liil 2:5 - O Debleskro Drom 2021 (Sinte)

⁵ wan kol Debleskre rakepangre, kai kote djiwan, win pash o Elisa, un penan ap leste: “Djineh tu ninna, kai o baro Dewel kau diwes tiro rajes tutar krik lella?” Koi penas job: “Kowa djinau me. Atchenn!”

O Debleskro Lab 2024 (Sinte-Manouche)

⁵ van kol Debleskre rakepangre, kay kote djivan, vin pash o Elisa, oun penan ap leste: “Djineh tou ninna, kay o baro Devel kava dives tiro rayes toutar krik lella?” Koy penas yob: “Kova djinau me. Ačenn!”

2. Rajengro liil 2:5 ပူးပေါင်းရင်းမြစ်များ

1. Mose 48:19

Leskro dad kamas gar un penas: “Me djinau, tchawa, me djinau. Ninna kolestar wenna jaake bud menshe, te well lendar jek natsjona. Leskro terneder phraal well bareder har job. Lestar wenna jaake bud menshe, te wenn lendar bud natsjone.”

1. Rajengro liil 20:35

Koi his Debleskre rakepangre, kai ap jek platsa khetne djiwan. Un jek lendar penas ap i wawareste: “O baro Dewel penas mange, te dess tu man.” Ko wawar kamas kowa gar te krell.

2. Rajengro liil 2:3

djan o Debleskre rakepangre, kai kote djiwan, win pash o Elisa, un penan ap leste: “Djineh tu ninna, kai o baro Dewel kau diwes tiro rajes tutar krik lella?” Koi penas job: “Kowa djinau me. Atchenn!”

2. Rajengro liil 4:1

Kote his i djuwel, kolakro rom his i Debleskro rakepaskro. Koja das pal o Elisa gole un penas: “Tiro budepaskro, miro rom, meras. Un tu djineh, kai lo ap o baro Debleskro drom djas. Un kanna well ko mursh, kai miro romes sijaan hi pash leste, un kamell mire dui tchawen te lell, te wenn le leskre ginle budepangre.”

2. Rajengro liil 5:22

Job penas: “Awa. Miro rai bitchras man, te penap tuke, te wan kanna pash leste dui Debleskre rakepangre dran kol berge Efrajim. De man lenge trijanda kilogramme rup un dui shukar ripja!”

2. Rajengro liil 6:1

Kol Debleskre rakepangre penan ap o Eliseste: “Dik, ko kheer, kai mer wah khetne, hi gar baro doha.

2. Rajengro liil 9:1

Un o Debleskro rakepaskro, o Elisa das jekes kol terne Debleskre rakepangren gole, un penas ap leste: “Tchip i pereskri dori trul tute, un le ko khoro, kai djet dren hi, tuha, un dja an ko foro Ramot an Gilead!

Sikepaskro 3:7

Koi hi jek tsiro, kai krenn i menshe pengre koola paash, un jek wawar tsiro, kai siwenn le penge newe koola. Koi hi jek tsiro, kai rakrah gar, un i wawar tsiro, kai rakrah.

Jesaja 41:1

O Dewel penell ap i menshende an dur themma: Atchenn, un shunenn ap mande! Awa, ap kolende an wawar themma penell lo: Lenn tumen khetne un awenn pash mande! Palle nai rakrenn. Mukenn men khetne o tchatchepen win te krell!

Amos 7:14

O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

Habakuk 2:20

O baro Dewel hi an peskro kheer, kai job djiwell. Ma rakrenn tchi glan leste, tumer menshe ap i tseli phub!

Louka 24:51

Un har job jaake rakras, djas lo lendar un was pral an o bolepen hadedo.

Bičepangre 1:11

Kolla penan: “Murshale dran o them Galilea, hoske han tumer koi tardo, un dikenn an o bolepen? Kau Jesus, kai djas tumendar krik an o bolepen, kowa well jaake dran o bolepen pale, har dikan tumer les an o bolepen te djal.”

Bičepangre 1:2

jaake rah har job gomme gar an o bolepen djas. Glan kowa, kai djas lo an o bolepen, rakras lo kolentsa, kolen job win rodas, te wenn le leskre bitchepangre, un penas lenge an i soor, hoi das les o Debleskro Ducho, hoi jon hunte krenna.

Bičepangre 26:25

O Paulo penas: “Railo Festo, hom gar narwelo! Hoi me rakrau, hi tchatcho un kek dinlepen.

1. Samuel 10:5

Pal kowa weh tu pash o foro Gibea-Elohim, kai i lurde i Filistarendar jak denn. Te weh tu kote an o foro, dikeh tu, har Debleskre rakepangre i berga tele wenn. Un glan kolende hi bashepangre, kai bashrenn ap dorjengre bashepangre un ap phurdepangre, un denn ap tikne pauke. Un i Debleskre rakepangre rakrenn o Debleskro rakepen win.