2. Rajengro liil 2:4 - O Debleskro Drom 2021 (Sinte)

⁴ Un o Elija penas ap leste: “Elisa, atch tu kai, man bitchras o baro Dewel, te djap an Jericho.” Job penas: “Me dau man sowel pash o djido Debleste. Jaake har tchatcho hi, kai tu djiweh, me mukau tut gar kokres.” Un har jon an Jericho wan,

O Debleskro Lab 2024 (Sinte-Manouche)

⁴ Oun o Eliya penas ap leste: “Elisa, ač tou kay, man bičras o baro Devel, te djap an Yericho.” Yob penas: “Me dau man sovel pash o djido Debleste. Yaake har čačo hi, kay tou djiveh, me moukau tout gar kokres.” Oun har yon an Yericho van,

2. Rajengro liil 2:4 ပူးပေါင်းရင်းမြစ်များ

1. Rajengro liil 16:34

An o emligo tsiro tchiwas i mursh, kai was dran o foro Betel, ko foro Jericho pale pre. Leskro lab his Hijel. Har i telstune barra tchiddo wan, meras peskro phureder tchawo, o Abiram. Un har o foreskre wudja dren kerdo wan, meras leskro terneder tchawo, o Segub. Jaake wan kol laba tchatcho, hoi tchiwas glan bud bersha o baro Dewel o mursheske Josua, an o mui, koleskro dad o Nun his.

2. Rajengro liil 2:2

Un o Elija penas ap o Elisa: “Atch tu kai, o baro Dewel bitchras man an o foro Betel.” O Elisa penas: “Me dau man sowel pash o djido Debleste. Jaake har tchatcho hi, kai tu djiweh, me mukau tut gar kokres.” Un har jon an Betel wan,

2. Rajengro liil 4:30

“Na-a”, penas o tchaweskri dai: “Me dau man sowel glan o djido Debleste un glan tute: Me mukau tut gar kate te atchell.” Koi stas job pre un djas lake pal.

Louka 19:1

Un o Jesus djas an o foro Jericho.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Bičepangre 2:42

Un hako tsiro wan le khetne un shunan, hoi o Jesuseskre bitchepangre lenge penan. Un jon chan o maro khetne, un mangan o Debles an.

Josua 6:1

Un o foro Jericho rikras peskre bare wudja pandlo, te nai wenn i Israelitarja gar dren. Kek nai djas win, un kek nai djas dren.

Josua 6:26

Ap ko tsiro das pes o Josua sowel: “Mu dell o baro Dewel bibacht ap ko mursheste, koon kau foro pale pre tchiwell. Te tchiwell lo i telstune barra pre, hunte merell leskro phureder tchawo. Te tchiwell lo i bare wudja dren, merell leskro terneder tchawo.”

Ruth 1:16

I Rut penas: “Rake gar ap mande dren, te mukap tut! Me mukau tut gar. Kai tu djah, djau me ninna. Kai tu atcheh, atchau ninna. Tire menshe hi mire menshe. Un tiro Dewel hi ninna miro Dewel.

1. Samuel 1:26

Un joi penas ap o Eli: “Ach, miro rai, jaake har tchatcho hi, kai tu djiweh: Me hom koi djuwel, kai kate tardo his un o baro Deblestar mangas.