2. Rajengro liil 19:28 - O Debleskro Drom 2021 (Sinte)

²⁸ Tiri choli was glan mire kanda. Tiro pre-phurdo rakepen hi prindjedo mandar. Kanna shun, hoi tuke krau: An tiro nak i gustri tchiwau, un i ledertikri rima trul tiri meen pandau, un ap ko drom, kai tu wal, bitchrau me tut kanna pale pal.

O Debleskro Lab 2024 (Sinte-Manouche)

²⁸ Tiri rholi vas glan mire kanda. Tiro pre-phourdo rakepen hi prindjedo mandar. Kanna shoun, hoy touke krau: An tiro nak i goustri čivau, oun i ledertikri rima troul tiri meen pandau, oun ap ko drom, kay tou val, bičrau me tout kanna pale pal.

2. Rajengro liil 19:28 ပူးပေါင်းရင်းမြစ်များ

2. Rajengro liil 19:33

Ap ko drom, kai lo was, hunte djal lo pale pale. An kau foro well lo gar. Kowa penell o baro Dewel.

2. Rajengro liil 19:7

Me krau, te penell jek tchomone ap o baro rajeste, hoi les tradell, te djal lo pale an peskro them. Un kote krau, te well lo maredo o chareha.’”

Hiob 41:13

Leskro ducho mukell kasht te chatchell, un jag djal dran leskro mui.

Hiob 41:2

Kek hi jaake dineles, te choirell lo les. Un koon hi kowa, kai nai atchell tardo glan mande?

Debleskri gili 32:9

“Ma awenn dinele har i graja, un i maultikre burike! Lenge hunte tchiwess i shello trujel un i saster an o mui, te nai aness len kote, kai kameh.”

Debleskri gili 46:6

O Dewel hi mashkral leste, doleske perell o foro gar khetne. O Dewel well ap leskri rig sik taissarlakro.

Debleskri gili 65:7

Tiri sorjah tchiwal tu i berge soreles ap i phub, un tchiwal tiri bari soor trul tute har i ripen.

Debleskri gili 7:6

palle mu lenn man palla kolla, kai hi chojede ap mande! Mu taprenn le man, un witsrenn man ap i phub, un mukenn le man an i tchik tchiddo!

Debleskri gili 74:23

Ma biste gar koi bari gole kolendar, kai hadan pen pral tute! Shun, har diwjo jon hi! Lengri gole well bareder un bareder.

Debleskri gili 74:4

Bari gole dan le an tiro kheer, un tchiwan kol plachte pre, hoi sikrenn, te hi jon i sorleder.

Debleskri gili 83:2

Miro Dewel, rake! Muk tut te shunell! Atch gar pokones!

Jesaja 30:28

Un leskro ducho hi jaake sorelo har i pani, hoi sorjah nashell, un hoi i mensheske bis pash i meen djala. Job lell i natsjone un witsrell len trujel, un trissell len, bis te gar bud lendar pral atchenn. Un job tchiwell saster an lengre muja, har te wans le graja, un tradell len koleha kate te kote.

Ezekiel 19:9

Un jon tchiwan leske i gustri an o nak un i kasht trul leskri meen, un anan les pash o rajeste an o them Babilonia. Un kote tchiwan le les an o stilepen, te was leskri gole buder gar shunlo ap i berge an Israel.

Ezekiel 29:4

Me dau sasterne kanengre tchurje an tiro mui. Un krau te atchenn i matche an tire shuppe pandlo. Palle tserdau tut win dran o pani khetne kol matchentsa, kai ap tute pandlo hi.

Ezekiel 35:13

Jaake phurdan tumen pre, un tumaro baro mujeha hadan tumen pral mande. Me shunom halauter.

Ezekiel 38:4

Un krau, te rissress tut trujel. Un me dau sasterne kanengre tchurje an tiro mui. Un tserdau tut win dran tiro them tire tsele lurdentsa, i grajentsa un kolentsa hoi ap lende klissenn, halauter shukar an-rido. Bud bud lurde hi le, un hidjrenn bare un tikne shilte un chare.

Amos 4:2

O baro Dewel, maro rai, das pes sowel pash peskro lab: O tsiro wella, kai taprenn le tumen jaake har matche tapedo wenn i ranjentsa. Hakeno tumendar hi har i matcho ap i raan.

Louka 6:11

Koi wan jon chojedo ap o Jesuseste, un rakran khetne, hoi jon o Jesuseha nai krans.

Johanni 15:18

Te kamenn tumen i menshe ap kai phub gar, ma bistrenn, kai jon kaman man witar gar.

Bičepangre 7:51

Un o Stefano penas dureder ap lende: “Tumer kamenn tchi te haiwell. Tumaro dji hi har bar. Tumare kandentsa shunenn tchi, un kamenn gar ap o Debleskro Ducho te shunell. Jaake kran tumare phure. Jaake krenn ninna tumer.