2. Rajengro liil 19:23 - O Debleskro Drom 2021 (Sinte)

²³ Tire bitchepangren bitchral, te praassenn le man, un penal: “Pral ap i berge mire wurdjentsa djom, un dur dren an o Libanon wom. I bare un shukar ruka trujel dom, un an o diwjo weesh lengro khatepen hatsom.

O Debleskro Lab 2024 (Sinte-Manouche)

²³ Tire bičepangren bičral, te praasenn le man, oun penal: “Pral ap i berge mire vourdyentsa djom, oun dour dren an o Libanon vom. I bare oun shoukar rouka trouyel dom, oun an o divyo veesh lengro khatepen hatsom.

2. Rajengro liil 19:23 ပူးပေါင်းရင်းမြစ်များ

2. Rajengro liil 18:17

Un o baro rai pral o them Assur bitchras peskre triin pralstune murshen pash o Hiskija: o Tartan, o Rabsaris un o Rabshake. Kolla djan bud lurdentsa dran o foro Lakish pre an o foro Jerusalem. Un har le koi wan, atchan le pral tardo pash o panjeskro drom, kai nashell o pani an o foro Jerusalem. Kowa hi pash koi platsa, kai i djuwja pengre koola thowenna.

2. Rajengro liil 18:23

Un kanna krau tuha win an o lab miro rajestar, ko baro rajestar pral o them Assur: Me kamau tuke 2.000 (dui serja) graja te dell, te nai hatseh 2.000 mursha, kai klissenn len?

2. Rajengro liil 19:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

2. Familjakro liil 26:10

Job kras ninna turme an o mulo tato them un hadas bud panjenge brunne win; les his bud vieche an o pralstuno them un an o telstuno them, ninna djobengre hache un moljengre hache ap i berge un ap i berga Karmel. Leske his i hachengri budi ap o dji tchiddo.

2. Familjakro liil 32:17

Ninna tchinas o Sanherib i liil, kai lo o baro Debles, ko Dewel pral Israel, praassas, un penas: Jaake har i debla an i wawar themma pengre menshen gar dran miro wast nai lan, jaake nai lell o Dewel fun o Hiskija peskre menshen witar gar dran miro wast.

Debleskri gili 20:7

Kanna djinau, kai well o baro Dewel ap i rig kolestar, koles job win rodas, te well lo baro rai. Dran o bolepen, kai job khere hi, shunell lo ap leste, un peskri bari sorjah well lo ap leskri rig.

Debleskri gili 20:8

Wawar menshe patsenna ap i soor pengre grajendar un wurdja. Mer dah gole ap maro baro Debleste.

Jesaja 10:13

Kowa penas: I sorjah mire wastendar krom kowa lauter, un miro goswepah. Tchatchepah, man hi bud goswepen. Me lom wawar themma dren, un random lengro brawlepen, un har i diwjo gurum stakrom kolen khetne, kai koi djiwan.

Jesaja 10:14

Jaake har jek peskro wast ap i tchirklengro kheer tchiwell un i jare win lell, jaake tapras miro wast o brawlepen an kol themma un las les peha. Un jaake har lell jek i tchirklengre jare peha, hoi muklo wan, jaake lom me i tsele themma mange. Kote his kek, kai peskre mussjentsa pal mande dals, un kek, kai peskro mui pre krals, te well i gole win.

Jesaja 10:18

Un i tsele shukar wesha un o tselo senelo them merell tele, jaake har i nasselo, kai lokes merell un buder gar koi hi.

Daniel 8:11

Awa, ko shing kras pes bareder har ko rai pral i bolepangre lurdende, un kras, te anenn o Debleskre rashaja leske buder gar kol viechen, hoi leske hako diwes anlo hunte wans. Un ninna kras lo o Debleskro kheer pale-tchiddo.