2. Rajengro liil 19:22 - O Debleskro Drom 2021 (Sinte)

²² Koon hi kowa, pral koleste tchilatche laba rakral? Un kones tire labentsa praassal? I pre-phurdo hal, un ap mande tele dikal, pral o Israeleskro Debleste tut hadal!

O Debleskro Lab 2024 (Sinte-Manouche)

²² Koon hi kova, pral koleste čilače laba rakral? Oun kones tire labentsa praasal? I pre-phourdo hal, oun ap mande tele dikal, pral o Israeleskro Debleste tout hadal!

2. Rajengro liil 19:22 ပူးပေါင်းရင်းမြစ်များ

2. Rajengro liil 19:4

O baro rai pral o them Assur bitchras peskro pralstunes, te praassell lo o djido Debles. Har kamoms, te shunell o baro Dewel, tiro Dewel, kol tsele laba, hoi ko mursh penas, un dell les i phagi! Mange o Deblestar kol menshenge, kai pral atchan leskre menshendar, te rikrell lo peskro wast pral lende!’”

2. Rajengro liil 19:6

mukas lo lenge te penell: “Penenn tumaro rajeske: Jaake rakras o baro Dewel: ‘Tu shunal kol laba, kolentsa man i bitchepangre o baro rajestar dran o them Assur praassan. Ma traash glan kowa, hoi jon penan!

Debleskri gili 71:22

Jaake kamau me man pash tute te parkrell o bashepah ap i dorjengri bashepaskri, kai rikral tu tiro lab, miro Dewel. O bashepah ap i harfa kamau tuke gilja te giwell. Tu kokres hal o tchatcho Dewel, ko Dewel pral o Israel.

Debleskri gili 73:9

Jon krenn pengro mui pre, te tchingrenn le ap o bolepen. Un hoi le penenn, hunte well kerdo ap i phub.

Debleskri gili 78:41

Pale te pale kaman le te dikell, hoi job haiwella. Jaake dan le leske an o dji, koleske, kai kokres o tchatcho Dewel hi, o Dewel pral o Israel.

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

2. Mose 9:17

Tu patseh, tu nai kreh mire menshentsa, hoi kameh, un mukeh len gar te djal.

Gosewe laba 30:13

Hi menshe koi, kai patsenn pendar, har latcho jon hi, un dikenn tele ap hako wawareste.

Jesaja 10:13

Kowa penas: I sorjah mire wastendar krom kowa lauter, un miro goswepah. Tchatchepah, man hi bud goswepen. Me lom wawar themma dren, un random lengro brawlepen, un har i diwjo gurum stakrom kolen khetne, kai koi djiwan.

Jesaja 10:15

O baro Dewel penell: “Nai sharell pes i tower pral koleste kai leha dell? Na-a! Witar gar hadell pes i tchinepaskri, hoi kasht tchinell, pral koleste, kai leha tchinell. Kowa wals jaake, har te dals o kasht koles, kai les pre hadas, un jaake har te hadals ko kotar kasht o murshes.”

Jesaja 30:15

Doleske penell o baro Dewel, maro rai – job, kai kokres o Israeleskro Dewel hi: Te mukenn tumaro drom, wenn pash mande, un dikenn ap kowa, hoi me tumenge krau, palle wenn win lino dran o kurepen. Te rikrenn tumen pale, un rikrenn tumen ap mande, palle wenn sorelo. Kowa kamenn tumer gar te krell.

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Jeremia 51:5

I Babilonarja kran baro tchilatchepen ap o Israeleskro Debleste. O Israel un o Juda wan gar muklo pengro Deblestar, ko baro Deblestar, kai hi o rai pral o bolepen un i phub.

Daniel 8:11

Awa, ko shing kras pes bareder har ko rai pral i bolepangre lurdende, un kras, te anenn o Debleskre rashaja leske buder gar kol viechen, hoi leske hako diwes anlo hunte wans. Un ninna kras lo o Debleskro kheer pale-tchiddo.

2. Korintarja 10:5

Te penenn jon, te dals kek Dewel, sikrah mer, kai lengre pre-phurde laba gar tchatcho hi. Halauter, hoi lenge an o shero trujel djal un hadell pes pral o Jesus Kristeste pre, dah mer paash.

2. Tessalonikarja 2:4

Job hadell pes pral o Debleste un pral halauter, hoi i menshe an-mangenna, un beshell pes an o Debleskro baro kheer, un krell, har te wals job o Dewel.